شيوه‌ی ده‌سڵات سياسی

شفق نيوز

و راده‌رخستن سياسی و ره‌خنه‌گرتن سياسی . له‌يه‌كه‌وداينيگ باوه‌تيانه‌ی دامه‌زرياگ له ‌بان بنه‌مای مه‌نتقی و پشتقايمی وه‌ قانوون و به‌ڵگه‌ی زانستيانه‌ ئه‌را ئی ديارده‌ی خاس وڵاتمانه‌ ره‌سنيگه‌مانه‌ قه‌يريگ ده‌رئه‌نجام خاس و دروس و دوير له‌ هه‌ر گومانيگ جوير ئه‌وه‌ك له‌ی خاڵه‌يله‌ ئشاره‌ت وه‌پی كه‌يم :-

١- زانسته‌يل سياسی له‌ په‌يوه‌ندی وه‌شيه‌وكردن ديارده‌ی ده‌سڵات سياسی و ئاڵشتكردن ده‌ور سستمه‌يل سياسی و حكوومه‌ته‌يل مه‌يلمان ئه‌را لای ئه‌وه‌ كيشن ك له‌هه‌ر وڵاتيگ هاووڵاتی و ميديای خاس وجوود داشتن ك وه‌شيوه‌يگ ئازادانه‌و باوه‌تيانه‌ و قانوونيانه‌ ره‌خنه‌ بگرن و رای خوه‌يان له‌بان مه‌سه‌له‌و ديارده‌و رويداگه‌يل وڵات نيشان بيه‌ن ، ئه‌وه‌ بيگومان له‌و وڵاته‌ گه‌شه‌سه‌ندن سياسی وجوود ديريگ . حاڵه‌ته‌گه‌يش ده‌رئه‌نجام قه‌يريگ هووكاره‌و له‌وانه‌يش : وجوود و هه‌ڵسيان چين ناوڕاسه‌ له‌ناو كوومه‌ڵگا ، وه‌ل ئه‌وه‌يشا وجوود ئاست خاسيگه‌ له‌ خوه‌نه‌واری و ئاگاداری سياسی . له‌هه‌ر وڵاتيگيش ئی ديارده‌يله‌ وجوود داشتتن ، ئه‌وه‌ نيشانه‌ی ئه‌وه‌سه‌ ك له‌و وڵاته‌ حكوومه‌تيگ خاس و كارا يا فه‌عال هه‌س و ئه‌و حكوومه‌ت و ده‌سڵاته‌ شايسته‌ی پشتگيريكردن و مه‌ندنه‌وه‌و، وه‌رده‌وامبوينه‌ . بيگومان له‌كوردستان ئه‌و هه‌مگه‌ ئازاديه‌ ك باسيان كرديم وجوود ديرن و ده‌سڵات سياسی ده‌سه‌وه‌ری كردگه‌ ، ئه‌گه‌ر كه‌م وكوڕييگيش بووگ شايه‌ت ئيمه‌ی هاووڵاتی يا ميديايه‌يل نه‌تويه‌نستيمه‌ باوه‌تيانه‌و قانوونيانه‌ ئه‌و كه‌ش وهه‌وای گونجياگه‌ وه‌ ته‌واوی ئه‌را به‌رژه‌وه‌ندی گشتی وڵات دروس بكه‌يم ، وجوود ره‌خنه‌گرتن وه‌شيوه‌يگ گشتی و ، وه‌تايبه‌ت ره‌خنه‌گرتن سياسی له‌كوردستان نيشانه‌ی وجوود به‌رزه‌وبوين ئاست خوه‌نه‌واری و ماريفی كوومه‌ڵگايگ خوه‌نه‌وارو نسبه‌ی فره‌يگ ده‌رچگه‌يل زانكۆ يا جامعی و په‌يمانگايه‌يل جووراوجووره‌ وه‌ل وجوود چين ناوڕاس ك هه‌رچه‌نی وه‌شيوه‌يگ سه‌ره‌تاييش بووگ ، ئه‌يانه‌يش ده‌رخه‌ر ئه‌و راسيه‌نه‌ ك له‌كوردستان گه‌شه‌سه‌ندن سياسی وجوود ديريگ وهه‌مان وه‌خت وه‌زعه‌گه‌يش وه‌ره‌و پيشكه‌فتن چووگ ، وه‌ل ئه‌وه‌يشا وجوود گه‌شه‌كردن سياسييش به‌رهه‌م حكوومه‌ت و ده‌سڵات سياسی كوردستان بويه‌ ك تويه‌نستگه‌ زه‌مينه‌ خوه‌ش بكه‌يگ ئه‌را سه‌رهه‌ڵداين چين ناوڕاس له‌ڕوی ئابووری و كوومه‌ڵايه‌تی و سياسيه‌وه‌ .

٢- وه‌گووره‌ی نه‌زه‌ريه‌يل ئه‌ده‌بی ، ره‌خنه‌و داهێنان يا ئبداع ئه‌ده‌بی نزيكن له‌يه‌كه‌وه‌و هه‌ردوگيان وه‌يه‌كه‌وه‌ له‌دايگ بوون ، مه‌عنای ئه‌وه‌سه‌ ئه‌گه‌ر ئبداع نه‌وگ ره‌خنه‌ له‌ چه‌و له‌كی گريد ؟ ئه‌گه‌ر هه‌مان ديد و ئه‌رای چونيش جيواز بكه‌مينه‌ ناو دونيای سياسه‌ت و ده‌سڵات سياسی و حكومه‌تايه‌تيكردن ، ئه‌وه‌ كاره‌گه‌ له‌ڕوی زانستيه‌وه‌ هويچ گرفتيگ نه‌يريگ و بووگه‌ هاوكارمان له‌ره‌سينه‌وه‌ له‌راسيه‌يل ، ئمجا وه‌گووره‌ی ئی راسيه‌ ره‌خنه‌گرتن له‌ده‌سڵات سياسی و حكوومه‌ت كوردستان نيشانه‌ی ئه‌وه‌سه‌ ئه‌و حكوومه‌ته‌ له‌مه‌يدانه‌يل جياجيای ژيان ئبداع كردگه‌و گويڕانكاری ئاشكرايگ كردگه‌ ، ئه‌گه‌ريش ئبداع و گويڕيان نه‌وياتان ئيمه‌ ره‌خنه‌ له‌ چه‌ بگرتايم ، ئی كاريشه‌ له‌لايه‌ن ده‌سڵات و حكوومه‌ت كوردستانه‌وه‌ مايه‌ی خوه‌شحاڵيه‌ ئه‌را گشت كه‌سيگ له‌ ئيمه‌و ئه‌گه‌ر ئيمه‌ ره‌خنه‌گرتنمان ناوه‌جی بووگ بيگومان زه‌ره‌د هه‌م له‌خوه‌مان ده‌يم و هه‌ميش له‌و كوومه‌ڵگا ك له‌تی ژيه‌يم .، ئی كاريشه‌ له‌لايه‌ن ده‌سڵات و حكوومه‌ت كوردستانه‌وه‌ مايه‌ی خوه‌شحاڵيه‌ ئه‌را گشت كه‌سيگ له‌ ئيمه‌و ئه‌گه‌ر ئيمه‌ ره‌خنه‌گرتنمان ناوه‌جی بووگ بيگومان زه‌ره‌د هه‌م له‌خوه‌مان ده‌يم و هه‌ميش له‌و كوومه‌ڵگا ك له‌تی ژيه‌يم .