له‌ هه‌رێم كوردستان پویل ها خزمه‌ت ئاده‌میزاد

شفق نيوز

خزمه‌تكردن وه‌ ملله‌ت كورد و دروسكردن ئاده‌میزاد تازه‌ جموجویل خاسیگ  وه‌ خوه‌یه‌وه‌ دوینیگ  و له‌وه‌رجه‌ گشت چشتگیش خزمه‌تگوزراى وزه‌ى كاره‌با، چوینكه‌ مه‌سه‌له‌ى كه‌مى كاره‌با كیشه‌ى گه‌ورایگ  دروس ئه‌كاو ملله‌ت ناڵنن وه‌ده‌سیه‌وه‌، هه‌ر له‌وه‌ر ئه‌وه‌یش هه‌رێم كوردستان كار له‌بان ئاماده‌كردن وزه‌ى كاره‌با كرد وه‌ تواناى خاسیگه‌وه‌و له‌ى ڕویه‌وه‌ هه‌وڵ فره‌یگ  ده‌یگ  ئه‌را ده‌سكه‌فتن بڕ زیاتریگ  له‌ كاره‌باو یه‌یش وه‌ هه‌وڵ و ته‌قلاى فره‌یگه‌وه‌.

بیجگه‌ ئه‌وه‌یش حكوومه‌ت هه‌رێم پیشكه‌فتنه‌یل فره‌یگ  وه‌ خوه‌یه‌وه‌ دیه‌ له‌گشت مه‌یدانه‌یل سیاسى و په‌ره‌سه‌ندن دیموكراسى و ئاوه‌دانى و زنگه‌وكردن ژیرخان ئابوورى له‌وه‌ر خاتر ئاماده‌كردن زه‌مینه‌یگ  له‌بان بنه‌ماى(دارایى ملله‌ت ئه‌را خزمه‌ت ملله‌ت)، وه‌ل ئه‌وه‌یشا وه‌رده‌وام گه‌ردیگه‌ شوون خاسسازى و جى وه‌جیكردن هه‌قه‌یل هاووڵاتى و مامڵه‌كردن وه‌ل گشتا له‌بان بنه‌ماى یه‌كسانى، هه‌ر له‌وه‌ر ئه‌وه‌یش نوڕید ئه‌و خزمه‌تگوزاریه‌یله‌ ناوچه‌یل فره‌یگ  له‌ هه‌رێم گرته‌وه‌ جویر ئاوایى و ناحیه‌و قه‌زایه‌یل، ئه‌را نموونه‌: جویر ئه‌و خزمه‌تگوزاریه‌یله‌ ك ئه‌نجام دریا له‌ ناحیه‌ى(ورتێ)له‌ پاریزگاى هه‌ولێر جویر دروسكردن ماڵه‌یل تازه‌و كیشانن لویله‌یل ئاو خواردن و قیركردن بڕیگ  له‌ جاده‌یل و كاره‌یل تر له‌مه‌یدان په‌روه‌رده‌و ته‌ندروسى و كشتوكاڵه‌وه‌، بیجگه‌ ئه‌وه‌یش پرووژه‌یل خزمه‌تگوزارى له‌ ناحیه‌ى (دیانا) سه‌ر وه‌پاریزگاى هه‌ولێر ك ده‌سكریا جى وه‌جیكردنى وه‌ك خاسه‌وكردن كاره‌باو خزمه‌تگوزرایه‌یل تر له‌گشت مه‌یدانیگه‌وه‌. وه‌ل ئه‌ویشا هه‌رێم كوردستان له‌باوه‌ت مه‌سه‌له‌ى سه‌رمایه‌گوزاریه‌وه‌، وه‌رده‌وام ریككه‌فتگه‌ وه‌ل گومپانیایه‌یل گه‌وراى جووراو جوور جه‌هانیا وه‌ك كومپانیاى(Forbs) ئه‌مریكى ك وه‌ڕیه‌وبه‌ره‌گه‌ى جه‌خت له‌بان هاوكارى كرد وه‌ل وزاره‌ت ته‌ندروسى له‌ هه‌رێم وه‌ ئامانج جى وه‌جیكردن پرووژه‌یل هاوبه‌ش و كاركردن له‌مه‌یدان سه‌رمایه‌گوزارى. له‌ هه‌مان وه‌خت كومپانیاى (دانه‌)ى ئماراتى سه‌رمایه‌گوزارى ك ده‌سكرده‌ به‌رهه‌مهاوردن غاز شله‌وكریاگ(الغاز المسال) له‌هه‌رێم و ئه‌و غازه‌ ره‌سانه‌ محه‌ته‌یل وه‌به‌رهاوردن كاره‌با له‌ شار هه‌ولێر و بازیان و له‌ هه‌رێم كوردستان وه‌ بڕ به‌رهه‌م 76%.

ئه‌وانه‌ك باسیان كردیم له‌و خزمه‌تگوزاریه‌یله‌ مشتیگ  بوى له‌ خه‌رواریگ ، ك وه‌ ئاشكرا نه‌خش یا ده‌ور سه‌ركردایه‌تى هه‌رێم نیشانده‌یگ  وه‌ جووریگ  ك هه‌وڵده‌ره‌ له‌بان ئه‌وه‌ك خزمه‌ت ئنسانیه‌ت بكا له‌بان بنه‌ماى دارایى ملله‌ت خزمه‌ته‌ ئه‌را ملله‌ت، ك هیمان سه‌ركردایه‌تى هه‌رێم كوردستان وه‌رده‌وامه‌ له‌بان جى وه‌جیكردن و ڕه‌سانن خزمه‌ت و گشت ئه‌و چشته‌یله‌ ك قانجاز ره‌سنیگه‌ ملله‌ت كورد، یه‌یش بیجگه‌ ئه‌وه‌ك پابه‌نده‌ وه‌و ده‌ستوور و قانوونه‌یله‌ ك له‌وه‌ر خاتر هاووڵاتیه‌یل هه‌رێم دانریا، ئه‌ویش وه‌ جى وه‌جیكردن ریڕه‌و دیموكراسى و ئازادى ڕاده‌رخستن و قه‌بوولكردن ڕاى یه‌كترى و كاركردن له‌بان بنه‌ماى یه‌كسانى له‌ناونى روڵه‌یل ملله‌ت وه‌بى جیاوازى.

 

محه‌مه‌د عه‌لى سه‌ماوى