ژن فه‌یلى

شفق نيوز

 

وه‌لى له‌ هه‌مان وه‌خت ژن وه‌رگه‌ى ئه‌و هه‌مگه‌ مه‌ویسى و مه‌ینه‌تیه‌یله‌ گرت و سه‌ربه‌رزى خوه‌ى نیشانداو به‌شدار بوى له‌ روى وه‌ڕوى بوینه‌وه‌ى ورسگى و هه‌وه‌جه‌و مه‌ینه‌تیه‌یل ئه‌و سه‌رده‌م پڕ له‌ ژانه‌و ئیراده‌ى بته‌و خوه‌ى هاورده‌ كار و مكوڕ بوى وه‌ل هاوسه‌ر ژیانى به‌شدارى بكا له‌ دابینكرن ژیان و گوزران وه‌گشت توانایگ و له‌وه‌ر خاتر مقه‌یه‌تیكردن له‌ خیزانى، ك هه‌ر وه‌و خاتریشه‌ نه‌خش ژن دیار و كاریگه‌ر و ئاشكرا بوى له‌ ژیان و كاركردن و له‌ناوماڵ.

ئمجا ژن فه‌یلى جوور ژنه‌یل تر بیبه‌ش نه‌وى له‌و سته‌م و مه‌ینه‌تى و كووچ وه‌پیكردن و له‌ناوبردنه‌، چوینكه‌ رژیم رمیاگ دڕنده‌ترین تاوان ده‌رهه‌ق كورده‌یل فه‌یلى ئه‌نجام دا جوور زه‌فتكردن ماڵ و موڵك و جه‌نگ له‌ناوبردن ده‌رهه‌ق وه‌ فیشتر له‌ 13 هه‌زار جایه‌ڵ جوان كوڕ و دویه‌ت ك خریانه‌ تاقیگاى كیمیاوى و تا ئیسه‌یش بى سه‌ر وشوونن، یه‌یش بیجگه‌ دویره‌وخستن خیزانه‌یلیان ئه‌را ده‌یشت وڵات وه‌ زووره‌ملى.

وه‌گووره‌ى مادده‌ى(11)له‌ یاساى دادگاى بالآى تاوانه‌یل ناوه‌ندى عراقى له‌ 29/11/2010، ژن فه‌یلى كه‌فته‌وه‌ر زوڵم تاوانه‌یل ، وه‌لى وه‌ل ئه‌وه‌یشا ژن فه‌یلى هه‌ر جوور نیشانه‌ى ئازادى و یاقووت نیشتمان و هیزیگ بته‌و مه‌ند له‌ قویلایى هسكردن و باوه‌ڕ نیشتمانى و هه‌ر دریژه‌ دا سه‌بر و تویه‌نست وه‌رگه‌ى گشت ئه‌و زوڵم و خه‌م و جه‌وره‌ بگرید.

ژیان ژنه‌یل فه‌یلى زنجیره‌یگ پڕ له‌ ژان و قوربانیداین بویه‌ له‌پاڵ ئه‌و هس و خوه‌شه‌ویسى و دڵسووزیه‌ وه‌خاتر ئاشتى و خه‌بات وه‌ دریژایى مێژوو. وه‌ل ئه‌وه‌یشا باوه‌ڕ فریه‌یگ وه‌ سه‌بر داشت و بویه‌ خه‌باتكه‌ریگ نموونه‌یى و ده‌س له‌ هه‌قه‌یلى هه‌ڵناگرید له‌بان ئه‌و هه‌مگه‌ كاره‌سات و مه‌ینه‌تى و بیبه‌شى و زیندانیه‌ ك وه‌خته‌یل تیه‌ڵیگ وه‌پى برده‌ سه‌ر .

هه‌ر وه‌و خاتریشه‌ ریز و حورمه‌ت دیریم ئه‌را گشت ژنه‌یل جه‌هان و گشت خوه‌شه‌ویسى و حورمه‌تیگیش پیشكه‌ش ئه‌كه‌یمنه‌ ژن فه‌یلى و سه‌ر ریز و نه‌وازش چه‌منیم ئه‌را شه‌هیده‌یل كورد فه‌یلى.

عه‌بدولخالق ئه‌لفه‌لاح

ج . أ