تاوانه‌يل داعش

شفق نيوز

 

ئه‌و تاوانه‌يله‌ ك داعش كردنه‌سه‌ی و ئه‌نجامی ئه‌يه‌ن پيكهاتنه‌ له‌ تاوانه‌يل پاكسازی ره‌گه‌زی، مانای ئه‌وه‌سه‌ جينۆسايد له‌ڕی ئابڵوقه‌داين و چه‌سپانن ئابڵوقه‌ له‌بان شار و ئاوايه‌يل و بڕين هه‌وه‌جه‌يل ته‌ندروسی رووژانه‌ له‌بان هاووڵاتيه‌يل مه‌ده‌نی و بيتاوان جووره‌ رييگه‌ ئه‌را له‌ناوبردن وه‌جه‌م.

يه‌يش بيجگه‌ ئه‌نجامداين سه‌ربرين و دامه‌زرانن كوشتارگه‌و قه‌ساوخانه‌ی تاك و جه‌م ك وه‌ته‌مامی وه‌ گووره‌ی ناسنامه‌ی ريككه‌فتننامه‌ی دژه‌ جينۆسايد وه‌ تاوان له‌ناوبردن شماريه‌يد. له‌ هه‌مان وه‌خت تاوانه‌يل جه‌نگيش وه‌ هووكار پاشيلكاری ريككه‌فتننامه‌يل جنێف له‌ ئازارداين ديل و مه‌ردم مه‌ده‌نی و كوشتن و بڕين و ده‌سدريژی سيكسی و ته‌قاننه‌وه‌و شيوانن شوونه‌واره‌يل ئايينی و شوونه‌واره‌يل كويه‌ن و مێژوويی و په‌رسگاو ده‌سنويسه‌يل كويه‌ن و جيا نه‌كردنه‌وه‌ی شه‌ڕانچی له‌ مه‌ردم ئاسايی و جيا نه‌كردنه‌وه‌ی شوونه‌يل مه‌ده‌نی و گشتی له‌وه‌خت جه‌نگ و دزين پويل و ته‌ڵاو مۆبايل و چه‌نه‌ها پاشيلكاريه‌يل تر ياسايه‌يل جه‌نگ و تاوانه‌يل وه‌رسگكردن و نان برين و ريگرتن له‌ ره‌سين هاوكاری ئنسانی و بازرگانيكردن وه‌ ئافره‌ت و دويه‌ت و مناڵ ، گشت ئه‌يانه‌ چه‌واشه‌ی ياسايه‌يل ناوخوه‌يی و ناوده‌وڵه‌تيه‌.

وه‌ل ئه‌وه‌يشا تاوانه‌يل جه‌مكوشی و بيسه‌روشوونكردن هاووڵاتيه‌يل و شاردنه‌وه‌يان و تاوان جيوازكردن زووره‌ملی و تاوانه‌يل تر دژه‌ ئنسانی ئه‌چنه‌ خانه‌ی پاشيكاری برياره‌يل و ريككه‌فتننامه‌ی مافه‌يل ئاده‌ميزاده‌ جوور جاڕ جه‌هانی مافه‌يل ئاده‌ميزاد و هه‌ردوگ ريككه‌فتننامه‌ی ساڵ ١٩٦٦، يه‌يش بيجگه‌ تاوانه‌يل ترۆر و رخه‌وبردن و هه‌ڕه‌شه‌كردن.

مانای ئه‌وه‌سه‌ گشت ئه‌و تاوانه‌يله‌ ك ئه‌نجام ئه‌دريه‌يد له‌بان ئاست ناوده‌وڵه‌تی وه‌ تاوان شماريه‌ن وتاوانن، ئمجا چ له‌وه‌خت ئاشتی يا جه‌نگ ئی تاووانه‌يله‌ له‌بان ترۆيسته‌يل داعش جيوه‌جی ئه‌دێ و له‌ هه‌مان وه‌خت وجوود دادگايگ ناوده‌وڵه‌تييش هاوشيوه‌ی دادگای ره‌فيق حه‌ريری كار خواستيگه‌ ئه‌را ئی تاوانه‌يله‌، چوينكه‌ تاوانه‌يل داعش دژ وه‌ ياسايه‌يل ناوخوه‌يی و ناوده‌وڵه‌تيه‌يله‌و مه‌رز وڵاته‌يل فريه‌يگيش بڕيه‌.

كرمانج عه‌لی

ج . أ