ژن هه‌وڵده‌ره‌

شفق نيوز

ژن بيجگه‌ كار و ئه‌ركه‌يلشی وه‌ په‌لی يه‌كه‌م پياو پشت وه‌پی ئه‌وه‌سيد له‌وه‌ر خاتر مقه‌يتيكردن له‌ڕوی هووشداری و ده‌روينيه‌و، ك بيگومان يه‌يش له‌يوا كردگه‌ وه‌رپرسيارێتی هاودژ و گه‌ورايگ بكه‌فيده‌ بان شانی.

وه‌ل ئه‌وه‌يشا بار و گوزران ژيان بووده‌ وه‌ربه‌س له‌وه‌رده‌م ژن، وه‌لی وه‌ل ئه‌و هه‌مگه‌ فشاره‌يله‌ ك ئه‌ياده‌ تويشيه‌و له‌ توێژينه‌وه‌يگ ك بڕيگ له‌ توێژه‌ره‌يل بريتانی ئه‌نجامی دانه‌ ئه‌وه‌ ده‌ركه‌فتگه‌ ك ژن له‌ پياوه‌يل فيشتر هه‌مانه‌و ده‌سپيچگ ئه‌يه‌رنه‌و ئه‌را دويره‌وكه‌فتن له‌ كار.

توێژينه‌وه‌گه‌ له‌ هه‌مان وه‌خت ئه‌وه‌يش ده‌رخستگه‌ ك ٥٦% ئه‌و ژنه‌يله‌ ك ئه‌و توێژينه‌وه‌ له‌بانيان ئه‌نجام درياگه‌ دگان وه‌ ئه‌وه‌ نانه‌ ك مووڵه‌ت نه‌خوه‌شی وه‌رگرتنه‌ وه‌بی ئه‌وه‌ك كه‌فتوينه‌ نه‌خوه‌ش، يه‌يش وه‌به‌راورد وه‌ل دو بان سێی پياگه‌يل.

ئمجا له‌يرا پرسياريگ په‌يا ئه‌دێ ك ئه‌ويش ئه‌وه‌سه‌: ئايا ئه‌وه‌ له‌وه‌رچه‌و گيرياگه‌ ك له‌ هه‌مان وه‌خت ژن هه‌ر ژنيشه‌ يا ئه‌رك خوه‌راك دروسكردن ها بانی و مناڵيش ئمايه‌ت ئه‌كاو له‌وه‌ختيگيش گله‌و ئه‌خوا ئه‌را ماڵ هويچ وزه‌و توانايگ له‌تی نه‌مه‌ندگه‌و بايه‌سه‌ ئه‌رك ماڵيش جيوه‌جی بكا؟

له‌يرا ئويشيم: چه‌ بوود ئه‌گه‌ر پياو گشت ئه‌و هه‌مگه‌ كاره‌يله‌ بكا؟ ئايا ئيسه‌ ژن بيتاوان ئه‌كريه‌يد؟ يه‌يش وه‌تايبه‌ت دويای ئه‌وه‌ك ره‌سيمنه‌ ئه‌و راسيه‌ ك ژن له‌ هه‌مان وه‌خت له‌ ماڵ و له‌ ده‌يشت گشت ئه‌رك و كاريگ ها بانی.

فابيان عۆن

ج . أ