رووژ جه‌هانی ئافره‌ته‌يل..جه‌شن نان وگوڵ

شفق نيوز

ئه‌وه‌ بوی يه‌كه‌م سه‌نديكای ئافره‌ت كاركه‌ر له‌ ره‌سين وچنين له‌ ئه‌مريكا دو ساڵ دويای خوه‌ينيشانداينه‌يل هاته‌ دامه‌زانن و له‌ هه‌يشت مارس ١٩٠٨يش دوباره‌ هه‌زاران ئافره‌ت كارگه‌ر رشيانه‌ بان جاده‌يل نيويۆرك، وه‌لی ئيجاره‌ وه‌ له‌ته‌نانيگ وشك و چه‌پكيگ گوڵ و دروشم خوه‌ينيشانداينه‌گه‌يش كردنه‌(نان وگوڵ).

ئه‌و خوه‌ينيشانداينه‌ ئيجاره‌ داوای كه‌مه‌وكردن ماوه‌ی كار و كارنه‌كردن وه‌ مناڵه‌يل و به‌خشين ماف ده‌نگداين وه‌ ئافره‌ته‌يل كرد، دی ئه‌و خوه‌ينيشانداينه‌يله‌ بويه‌ سه‌ره‌تای هانداين ئافره‌ته‌يل له‌ وڵاته‌يل يه‌كگرتگ ئه‌مريكا وه‌تايبه‌ت دويای ئه‌وه‌ك ئافره‌ته‌يل چين ناوه‌ند هاتنه‌ ڕز ئه‌و جموجويله‌و داوای ماف سياسی كردن وه‌تايبه‌ت ماف ده‌نگداين.

ئمجا له‌ساڵ ١٩٠٩ ئه‌را يادكردنه‌وه‌ی خوه‌ينيشانداينه‌يل وه‌رين له‌ ئه‌مريكا كريا رووژ ئافره‌ته‌يل و ئه‌وه‌ بوی ئافره‌ته‌يل ئه‌مريكا له‌ كۆنگره‌ی كۆبنهاگن له‌ دانيمارك نوێنه‌ر ١٧ ده‌وڵه‌ت به‌شدار بوون هان ئافره‌ته‌يل ئۆرپا دان ك رووژيگ بكه‌نه‌ رووژ جه‌هانی ئافره‌ته‌يل وه‌تايبه‌ت ك ئه‌مريكا رووژ ٨ مارس هه‌ڵوژانويد، وه‌لی ئه‌و رووژه‌ هه‌ر نه‌كريا رووژ جه‌هانی ئافره‌ته‌يل تا له‌ساڵ ١٩٧٧ نه‌ته‌وه‌يل يه‌كگرتگ داوا له‌ وڵاته‌يل جه‌هان كرد ك رووژيگ هه‌ڵوژنن ئه‌را جه‌شن جه‌هانی ئافره‌ته‌يل، دی له‌ ئاكاتم ئه‌وه‌يش ئه‌وه‌ بوی رووژ ٨ مارس په‌سه‌ن كرياو بويه‌ رووژ پيرووزكردن جه‌شن له‌ ئافره‌ته‌يل، ك ئيسه‌يش ئه‌را ماوه‌ی چه‌ن ساڵيگه‌ له‌ كوردستان خوه‌مانيش له‌ دام و ده‌زگايه‌يل ره‌سانن گوزارش له‌بان ئی بوونه‌ی جیهانيه‌ ئه‌كريه‌يد و ده‌زگايه‌يل حكوومه‌تيش له‌و رووژه‌ نوقڵ و شرينی دابه‌ش ئه‌كه‌ن و پيرووزبايی له‌ خانمه‌يل ئه‌كه‌ن.

سه‌رچه‌وه‌/ ماڵپه‌ڕ حكوومه‌ت هه‌رێم

ج . أ