ئه‌را ئافره‌ت.. واز له‌ى 14 خاڵه‌ بار تا به‌خته‌وه‌ر بژيه‌ێد

شفق نيوز

ئه‌و خاڵه‌يليشه‌ ئه‌يانه‌ن:

1- هه‌ميشه‌ له‌بان هه‌ق نيێد: ئى فكره‌ى هه‌ڵه‌ وارده‌، هه‌ر له‌وه‌ر ئه‌وه‌يش يه‌كلايى گه‌شته‌گه‌د له‌ به‌رژه‌وه‌ندى خوه‌د مه‌كه‌ تا وه‌ ته‌مامى مه‌زه‌نه‌ى نه‌كه‌ێد.

2- هه‌وه‌جه‌ ناكا زاڵ بوێد: نه‌خوه‌شى زاڵبوين كردوه‌ى خراويگه‌ وه‌بى ئه‌وه‌گ ئاكامه‌گه‌ى بزانێد، هه‌ر وه‌و خاتريشه‌ هه‌وڵ بيه‌ هه‌ميشه‌ ئاده‌ميزاديگ ئاسايى بوێد له‌ى روێه‌و.

3- فريه‌ مناى كه‌سه‌يل تر مه‌كه‌: چوينكه‌ مناكردن فريه‌ كيش قسه‌يل و كه‌سايه‌تى قورسد له‌ده‌س ئه‌ياد، هه‌ر له‌وه‌ر ئه‌وه‌يش هه‌وڵ بيه‌ كه‌مترين راده‌يگ له‌ مناكردن بارێده‌ كار، شايه‌ت له‌ى باوه‌تيشه‌و بيده‌نگى خاستر بوود له‌ منا.

4- فكره‌ى شياته‌و خراو له‌خوه‌د دويره‌و بخه‌: مه‌كه‌فه‌ شوون فكره‌ى شيتانه‌ى جوور ئه‌زيه‌تكردن مه‌ردم يا ئنتقام له‌شوون ناكووكى يا ركابه‌رييگ ك له‌ به‌رژوه‌ندييد نه‌ويه‌، هه‌وڵ بيه‌ ئى ره‌فتاره‌يله‌ له‌ خوه‌د دويره‌و بخه‌ێد.

5- گيرستنكار و شكايه‌تكار مه‌و، وه‌و مانا ك هه‌ميشه‌ دراماى گيرستن ماره‌ كار و فريه‌يش شكات مه‌كه‌ ده‌لده‌س ئه‌ى وئه‌و، چوينكه‌ ئه‌گه‌ره‌يل ده‌سميه‌تداينيش مه‌رز خوه‌ى ديرێد.

6- ره‌خنه‌ى فريه‌ مه‌گر: چشت خاسيگ نيه‌ هه‌ميشه‌ وه‌ كه‌سايه‌تى "مسته‌ر نو" خوه‌د ده‌ربخه‌ێد، ره‌خنه‌ كه‌م بگر و مه‌ردميش نه‌ترسن وه‌ زووان زاڵ و چه‌وه‌يل ره‌خنه‌كارد.

7- ره‌زامه‌نى كه‌سه‌يل تر خواست نيه‌: شايه‌ت فريه‌جار وه‌ گشت هه‌وڵ و توانايگه‌و بگه‌ردێده‌ شوون ره‌زامه‌نى كه‌سه‌يل تر، وه‌لێ ئه‌وه‌ بخه‌ هويرد ئه‌وه‌گ دووسده‌ خراويه‌يلد وه‌ خاسى دوينێد و ئه‌وه‌گ دووسد نه‌يرێد ته‌نانه‌ت خاسيه‌يلديش وه‌ كه‌م وكوڕى دوينێد.

8- ناڕه‌زا مه‌و له‌ ئاڵشتكارى: ئالشتكارى سونه‌تيك دونيايى و ئنسانيه‌، هه‌ر وه‌و خاتريشه‌ له‌لى ناڕازى مه‌و، هه‌ميشه‌ هه‌وڵ بيه‌ ئاده‌ميزاديگ هويرواز بوێد له‌بان ئالشتكارى تا به‌ختد خاس له‌تى بنيشێد.

9- ڕاڕا مه‌و له‌ ژياند: هه‌وه‌جه‌ ناكا ڕاڕا بوێد له‌ گشت چشتيگ، هه‌وڵ بيه‌ ژياند وه‌ ئه‌قڵ وه‌ڕى بكه‌ێد.

10- خوه‌د دوير بگر له‌ ترس، چونيكه‌ ترس وه‌ته‌مامى ئفليج جموجويلد ئه‌كا، هه‌ر وه‌و خاتريشه‌ وه‌ گووره‌ى ئه‌قڵ كارد بكه‌و گشت كارێگ بخه‌ لاى خودا و نگه‌ران نه‌و.

11- هووكار مه‌و هه‌ميشه‌ داواى وه‌خشين بكه‌ێد: داوا له‌لێد ناكريه‌ێد ئه‌را گشت كرده‌وه‌يگ داواى وه‌خشين بكه‌ێد.

12- گوزه‌يشته‌ ته‌مام بوى: هه‌وه‌جه‌ ناكا گشت وه‌ختيگ گوزه‌يشته‌ بارێده‌ هوير خوه‌د، چوينكه‌ وه‌ى جووره‌ ئاينده‌ له‌ خوه‌د ڕه‌نجنێد وه‌ حكايه‌ته‌يل شرين و ئه‌زره‌ته‌يلى.

13- فريه‌ په‌يوه‌س مه‌و: هه‌ميشه‌ ئه‌وه‌ بخه‌ هويرد ك گشت مه‌سه‌له‌يگ ته‌مام ئه‌دێ و په‌يوه‌سبوينيش وه‌ كه‌سه‌يل تر وه‌شيوازيگ هه‌ميشه‌يى زه‌ره‌د ده‌روينى له‌لى ئه‌كه‌فێده‌و.

14- ژيان وه‌و جووره‌گ خوه‌د ئه‌خوازێده‌ى: نه‌ك وه‌و جووره‌ مه‌ردم ئه‌خوازنه‌ى، هه‌ر وه‌و خاتريشه‌ وه‌و جووره‌ بژيه‌ ك گونجياگه‌ وه‌ل تواناو پيشبينى و نوڕستند ئه‌را ئاينده‌.

سه‌رچه‌وه‌: رائج