شارستانیه‌ت عیلامیه‌یل

شفق نيوز

له‌یرا ئه‌گه‌ر بخوازیم بچیمنه‌ بندروس مێژوو شارسانیه‌تیگ ناودار و به‌رز عیلامیه‌یل و باسیان بكه‌یم، بایه‌سه‌ سه‌ره‌تا ئه‌وه‌ بزانیم ك نیشانه‌ى یه‌كمین شارستانیه‌ت ده‌وڵه‌مه‌ن له‌و وڵاته‌ ك ئیسه‌ وه‌ ئیران ناسریاگه‌ له‌ ناوچه‌ى عیلامیه‌یل ده‌ركه‌فتگه‌.

بیگومان یه‌یش نیشانه‌ى پیشكه‌فتگى مه‌ردم ئه‌و شارستانیه‌ته‌سه‌و مێژووه‌گه‌ى ئه‌چێده‌و ئه‌را ( 3 ) هه‌زار ساڵ وه‌رجه‌ زایین، یه‌یش وه‌ نیشانه‌ى ئه‌وه‌ك له‌ ئیران له‌ كنار چه‌م كارۆن هه‌ر له‌ باشووره‌و تا ره‌سیاده‌ كوردستان وجوود داشتیان.

ئمجا باپه‌سه‌ یه‌یش بزانیم ك بڵاوه‌بوین عیلامیه‌یل له‌و سه‌رده‌مه‌یله‌ هه‌ڕه‌شه‌یگ بویه‌ ئه‌را بان مه‌ردم نیشته‌جاى ناونى دوچه‌مان ك ناسریاگه‌ وه‌ "میزوپۆتامیا" ك ناوه‌ند ده‌سڵاتیان له‌ بابل بویه‌ له‌ وه‌خت و سه‌رده‌م "نارام سین" و "سه‌رگوون" باوگى.

دى هه‌رچه‌نى ك عیلامیه‌یل ناودار و ئازاو خاوه‌ن شارستانیه‌ت پیشكه‌فتگیش بوینه‌، وه‌لى وه‌ل ئه‌وه‌یشا قه‌ده‌ر له‌یوا كرد تویش بان وه‌ ده‌س جه‌نگ سه‌خت و رویداگه‌یل مێژوویى ك دویاخریش ده‌رئه‌نجامه‌گه‌ى ئه‌وه‌ بوى وه‌ داگیركردن شار "سووسا"ى پایته‌خت عیلامیه‌یل كووتایى وه‌و شارستانیه‌ته‌ هات.

ئه‌نوه‌ر سه‌باح

ج . أ