عه‌ید ژنه‌یل له‌ ده‌زگاى رووشنهویرى و بڵاوكردنه‌وه‌ى كوردى

شفق نيوز

رووشنهویرى و بڵاوكردنه‌وى كوردى وه‌ هاوكارى وه‌ل(مه‌ركه‌ز ژن ئازاد) و (كومه‌ڵه‌ى ژنه‌یل ئه‌را خه‌یر ژنه‌یل) و (هاوپه‌یمانى ژنه‌یل دوچه‌مان) رووژ په‌نج شه‌ممه‌ 10/ ئادار/2011 ئاهه‌نگیگ ساز كرد. له‌و ئاهه‌نگه‌ شاند یا وه‌فد ده‌زگاى رووشنهویرى و ره‌سانن كورده‌یل فه‌یلى شه‌فه‌ق و ریكخریاگ ماڵ كورد ئاماده‌ بوین ك پیكهاتوین له‌ ره‌ساننكار (سندس میرزا)و ره‌ساننكار (فایزه‌ ناسر) و (سامان عه‌بدولخالق).

شایه‌ن باسه‌ ره‌ساننكار فایزه‌ ناسر وه‌ناو ده‌زگاى رووشنهویرى و ره‌سانن كورده‌یل فه‌یلى شه‌فه‌ق و ریكخریاگ ماڵ كورد پیرووزباییگ ئاراسته‌ى گشت ژنه‌یل عراق كرد وه‌گشتى و ژنه‌یل كوردستان وه‌تایبه‌ت وه‌ بوونه‌ى عه‌ید ژنه‌یل و ئاره‌زوو وه‌رده‌وامى و پیشكه‌فتن و سه‌ركه‌فتن ئه‌رایان خواست له‌گشت مه‌یدانه‌یل زانستى و ئابوورى و هونه‌رى و په‌رله‌مانى و داواى ره‌ته‌كردن ئه‌و فكره‌ كرد ك ئویشیگ ژن نیمه‌ى كوومه‌ڵگاس و ئه‌وه‌ خسته‌ڕوى ك ژن وپیاو هه‌ردوگیان ته‌واوكه‌ر یه‌كترن.

هه‌ر وه‌ى بوونه‌وه‌ له‌و ئاهه‌نگه‌ بڕیگ پارچه‌ شعر ك گوزارش بوى له‌ ژن، وه‌ هه‌ردوگ زووان عه‌ره‌بى و كوردى خوه‌نریاوه‌و دویاخریش هه‌ڵپه‌ڕگه‌ى كوردى خوه‌شیگ وه‌و بوونه‌وه‌ ریكخریا.