ئه‌را ڕای گشتی و ئازاديخوازه‌يل جه‌هان:

شفق نيوز

پڕوپاگه‌نده‌ی‌ نادروست ده‌رهه‌ق وه‌ مێژووی شۆڕش كورد و پارتی وه‌تایبه‌ت بارزانی نه‌مر، ده‌سوه‌پيكردگه‌ ك له‌تی تومه‌ته‌يل بی بنه‌وايگ خرياسه‌ شان مێژوو جموجويل ئازاديخواز كورد و بارزانی نه‌مر...

 

هايمنه‌ بان ئه‌و باوه‌ڕه‌ ك ئيمه جوور ملله‌ت كورد وه‌ دريژايی مێژوو خاڵه‌يل هاوبه‌ش فره‌يگ وه‌ل وڵاته‌يل هاوسامان داشتيمنه‌و ديريمن،وه‌ له‌ لاپه‌ڕه‌يل ته‌ڵايی مێژوو ملله‌ته‌گه‌مانيش وه‌تايبه‌ت له‌ ساڵه‌يل خه‌بات ملله‌ته‌گه‌مان وه‌سه‌ركردايه‌تی بارزانی نه‌مر، هه‌ميشه‌ ته‌قالا ئه‌را ئه‌وه‌ كرياگه‌ ك ئه‌را چاره‌سه‌ركردن ناكووكييه‌يل و كيشمه‌كيشه‌يل سياسی ملله‌ته‌گه‌مان ڕیگه‌چاره‌ی ديالۆگ و گفتوگوو ئاشتيخوازانه‌ بگريه‌يگه‌وه‌ر، وه‌ گشت كێشه‌يل وه‌ی شيوه‌ چاره‌سه‌ر بكريه‌ن،نه‌ك له‌ڕيگه‌ی جه‌نگ و زووان هه‌ڕه‌شه‌كردن.

 

ئه‌وه‌يش ئاشكراس ك له‌ی قوناغيشه‌ ك ملله‌ته‌گه‌مان وه‌پيا ڕه‌ێ بوود،سه‌ركردايه‌تی كورد و حكوومه‌ت هه‌رێم كوردستان گامه‌يل گرنگيگ ئه‌را وه‌ديهاوردن ئاشتی له‌ناونی ملله‌ت كوردستان و وڵاته‌يل هاوسا ناگه وه‌ وه‌رده‌وامی ته‌قالا كردگه‌ ك ئه‌گه‌ر ناكووكييه‌يليگيش وجوود داشتوود وه‌زووان ديبلۆماسی و ديالۆگ ئاشتيخوازانه‌ چاره‌سه‌ر بكريه‌ن.

 

له‌لايگ تريشه‌وه‌ ملله‌ت ئيمه‌يش جوور گشت ملله‌ته‌يل دونيا هه‌ق ديريگ ك شانازی وه‌ مێژوو و ڕابه‌ر خوه‌ی بارزانی نه‌مر بكا ك بويه‌سه‌ ڕه‌مزيگ ئه‌را ملله‌ته‌گه‌مان،وه‌ هه‌ر وه‌و جووره‌گ ك ئيمه‌ وه‌ هويچ شيوه‌يگ ئجازه‌ وه‌ خوه‌مان نه‌يايمنه‌و نيه‌يمن ك بی حورمه‌تی وه‌ ڕه‌مزه‌يل ملله‌ته‌يل تر بكه‌يمن، له‌ هويچ كه‌س قه‌بوول نيه‌كه‌يمن ك بی حورمه‌تی وه‌ مێژوو و ڕمزه‌يل ملله‌ته‌گه‌مان بكه‌‌ێد و؛‌ هايمنه‌ بان ئه‌و باوه‌ڕه‌ ك ئه‌ی جوور پڕوپاگه‌نده‌يليشه‌ نه‌ته‌نيا وه‌نه‌ف هويچ لايه‌نيگ نيه‌ به‌ڵكه‌م كاريگه‌ری نگه‌تيڤيگيش له‌بان ئه‌و په‌يوه‌نديه‌يله‌‌ ديريگ ك له‌ی قوناغه‌ له‌ناونی كوردستان و وڵاته‌يل تر وه‌تايبه‌ت وڵاته‌يل هاوسا وه‌ديهاتنه‌.‌ ‌

 

ده‌زگای ڕووشنهويری و ڕه‌سانن كورده‌يل فه‌يلی (شه‌فه‌ق)

18/10/2010