سه‌فى قولى كى بویه‌؟

شفق نيوز

 

ئى فه‌رمانڕه‌وا وه‌ختیگ ك سوڵتان مراد عوسمانى په‌لامار ئازه‌ربایجان داگه‌و فه‌رهاد پاشاى په‌لامار هاورده‌سه‌ بان كوردستان، سه‌فى قولى ئازایه‌تى فریه‌یگ نیشان داگه‌و له‌شوون ئه‌وه‌یش ك ئه‌حمه‌د پاشاى والى به‌غدا په‌لامار هاوردگه‌گه‌ ، سه‌فى قولى وه‌ئاشتى جه‌نگه‌گه‌ وه‌لیا بڕیه‌سه‌و،

سه‌فى قولى تا رووژیگ ك ماڵئاوایى یه‌كجارى له‌ دونیا كردگه‌ هه‌ر فه‌رمانڕه‌واى ئازه‌ربایجان و ئه‌رمه‌نستان بویه‌و چه‌ن كوڕیگ له‌شوونى مه‌نده‌سه‌جى و له‌گشتیانیش ناودارتر "مرته‌زا و غه‌یاس"بوینه‌ . مرته‌زا له‌ سه‌رده‌م " شا عه‌باس دویم " یه‌كیگ له‌ فریه‌ نزیكه‌یل شا بویه‌و هه‌وڵ فریه‌یگیش ئه‌راى داگه‌و پشتگیرى فره‌یگیش له‌لى كردگه‌ ، تا ره‌سیه‌سه‌ ئه‌و راده‌ ك شا عه‌باس هاوردسه‌ى بان ته‌خت ده‌سڵات و هه‌ر وه‌و خاتریشه‌ شا عه‌باس نازناو "خان"داسه‌پى

ئى پیاگه‌ له‌ شار " ئه‌سفه‌هان " باڵه‌خانه‌یل فریه‌ گه‌ورایگ دروس كردوید، وه‌ل ئه‌وه‌یشا له‌ شار" قوم "مه‌زارگه‌ى حه‌زره‌ت مه‌عسوومه‌ تازه‌وه‌ كردو سه‌رله‌نوو قه‌ڵاى " چورس "یش تازه‌وه‌ كردو هه‌ر له‌وه‌خت ئه‌ویش 2 مزگفت گه‌ورا له‌شار ئه‌سفه‌هان دروسكریا.

له‌و وه‌ختیشه‌ غه‌یاس به‌گ برایش میر " كاشان " بوى، ئمجا ناونى هه‌ردوگیان خراو بوى و مرته‌زا له‌ ئه‌سفه‌هانه‌و روى كرده‌ قوم ئه‌را ئه‌وه‌ك سه‌ر وه‌پى بچه‌منید، وه‌لى غه‌یاس به‌گ هویچ خوه‌ى تێك نه‌یاو پیشوازى له‌لى كردو ئه‌ویش به‌خشیه‌ى.

ئمجا غه‌یاس به‌گ وه‌ دزیه‌و ژه‌هر خواردى كرد و مرته‌زا له‌ورا مرد . ئمجا له‌ى وه‌ختیشه‌ شاهباز خان كوڕى ك وه‌لیا بوى ئه‌و تاوان مامه‌ى خوه‌یه‌ سڕپوو كرد ئه‌را ئه‌وه‌ك دوشمن وه‌پیان خوه‌شاڵ و شاد نه‌ود و ته‌رمه‌گه‌ى باوگیشى برده‌و ئه‌را "قوم" و له‌ورا خاكى كرد .

مه‌لا جه‌میل

ج . أ