جه‌نگ جه‌هانی سێيه‌م ده‌سوه‌پيكردگه‌

شفق نيوز

ئه‌غريل له‌ گفتگوويگ ئه‌را رووژنامه‌ی سيد سفينسكا رووژنامه‌ی باشوور سويد له‌ شماره‌ی دوشه‌ممه‌ی ٢٣ی نۆڤه‌مبه‌ر ٢٠١٥ باس له‌وه‌ كرد ك جه‌نگ جه‌هانی سێيه‌م وه‌ ته‌مامی له‌ جه‌نگ جه‌هانی يه‌كه‌م و دويه‌م جياواز ئه‌دێ و ئی جه‌نگه‌ كه‌مه‌ كه‌مه‌ پيشكه‌فتگ ئه‌دێ و هه‌ر وه‌و خاتريشه‌ ئاشكراكردنی سه‌خته‌.

جه‌نگ له‌ناونی ريكخرياگه‌يل ترۆريستی ئسلامی له‌لايگ، و ده‌وڵه‌ته‌يل ئۆرپی له‌لايگ تره‌و، فريه‌ وه‌ خاسی ئاشكرای كه‌فتنه‌وه‌ی جه‌نگ جه‌هانی سێيه‌م ئه‌كا.

له‌ پشت كرده‌وه‌يل كوشت و كوشتاره‌گه‌ی پاريس ده‌سيگ كارا هه‌س وازی وه‌ چالاكه‌وكردن ئی كيشمه‌كيشه‌ ئه‌كاو له‌ڕی كاردانه‌وه‌ی فره‌نسا ريكخرياگ ترۆريستی داعش په‌ره‌ ئه‌ياده‌ مه‌سه‌له‌ی وه‌كاربردن چه‌ك جه‌نگيگ گشتلاگير، وه‌ل ئه‌وه‌يشا لێدوان فره‌نسا ك ها جه‌نگ وه‌ل ترۆر، ئه‌وه‌سه‌ ك ريكخرياگ داعش خوازياريه‌و له‌تی سه‌ركه‌فت.

به‌شداريكردن چوار ده‌وڵه‌ت له‌ په‌نج ئه‌ندامه‌يل هه‌ميشه‌يی له‌ ئه‌نجومه‌ن ئاسايش له‌ی جه‌نگه‌، له‌يوا ئه‌كه‌ن جه‌نگ جه‌هانی بكه‌فێده‌و، ئمجا هه‌ڵه‌س هه‌ركه‌سيگ باوه‌ڕی ئه‌وه‌ بدێ ك جه‌نگ جه‌هانی سێيه‌م جوور جه‌نگ جه‌هانی يه‌كه‌م يا دويه‌مه‌، ك شايه‌ت ئيمه‌ ئيسه‌ له‌ناو جه‌نگ جه‌هانی سێيه‌م بويمن، وه‌لێ وه‌پی نه‌زانيم.

ئه‌و جه‌نگه‌ ك ئيسه‌ وجوود ديرێد، ئاكامه‌يلی نه‌ك هه‌ر كاريگه‌ری له‌بان خوه‌رهه‌ڵات ناوين و ئه‌فريقيا وه‌ته‌نيا، به‌ڵكوو كاريگه‌ری له‌بان ئۆرپا و ده‌وڵه‌ته‌يل فريه‌يگ ديرێد، ك ئه‌وه‌سه‌ ئيمه‌ رووژانه‌ زنجيره‌ روێداگه‌يليگ له‌ وڵاته‌يل يه‌كێتی ئۆرپا دوينێم وه‌بی ئه‌وه‌گ بتويه‌نيم ئدراه‌ی بكه‌يم يا حوكم له‌بانی بيه‌يم.

له‌ دويا پرسيار رووژنامه‌ی ناوبرياگ له‌بان ديد باوه‌ڕ ئه‌را ئاكامه‌يل ئی كيشمه‌كيشه‌ چه‌س؟ ويلهلم جواو دا و وت: نازانيم ئی كيشمه‌كيشه‌ كه‌ی ته‌مام ئه‌دێ و مه‌حاڵيشه‌ بتويه‌نيم پيشنيار و مه‌زه‌نه‌ی بكه‌يم وه‌ گووره‌ی روێداگه‌يل چه‌ن هه‌فته‌يگ.

وه‌ل ئه‌وه‌يشا باس له‌ زانستن چوينێتی رويداين مه‌سه‌له‌گه‌ له‌ خوه‌رهه‌ڵات ناوين و وڵاته‌يل يه‌كێتی ئۆرپا دويای ساڵه‌يليگ مه‌سه‌له‌يگه‌ نا مومكن، وه‌لێ ئه‌گه‌ره‌يل گه‌ورايگ هه‌ن، ك ئه‌ويش فراوانكردن راده‌ی ئی جه‌نگه‌سه‌و ئه‌دێ جه‌نگيگ كاولكه‌ر فيشه‌ر له‌وه‌گ ئمڕوو وجوود ديرێد.

موئه‌يد عه‌بدولستار