كورده‌یل لوبنان

شفق نيوز

كویه‌یل لوبنان بوینه‌ هه‌ر وه‌و جووره‌گ عه‌له‌ویه‌یل له‌ ناوچه‌ى عه‌كار هه‌ڵكه‌فتگ له‌ نزیك ته‌رابلوس داشتنه‌، هه‌میش له‌ ناوچه‌ى شووف هه‌ڵكه‌فتگ له‌ باشوور و خوه‌ر هه‌ڵات به‌یرووت. ئى بنه‌ماڵه‌یله‌ له‌ دریژه‌ى رووژگار وه‌ته‌واوه‌تى له‌ ناو كومه‌ڵگاى عه‌ره‌بى تاویانه‌سه‌و و بوینه‌سه‌ به‌شیگ له‌ كومه‌ڵگاى عه‌ره‌بى لوبنان وه‌لى به‌عزى له‌لیان هه‌مراى داكووكى كه‌نه‌ بان كوردبوین خوه‌یان جوور بنه‌ماڵه‌ى جونبولات سه‌ركرده‌ى ئاین دروزى لوبنان له‌ ناوچه‌ى شووف. جونبولات ناو كوردى ته‌عریب كریاگیگه‌، خوه‌ى (جان بولاد)ه‌ یه‌عنى گیان پوڵایین و ریشگیان له‌ هه‌كارى له‌ كوردستان ناوڕاسه‌ و له‌ له‌شكه‌ر پادشایه‌یل كورد ئه‌یووبى بوینه‌ ك دژ خاچپه‌ره‌سه‌یل جه‌نگ كردن و چه‌ندین قه‌ڵا له‌ كویه‌ى كلیس هه‌ڵكه‌فتگ له‌ خوه‌رهه‌ڵات كوردداغ وه‌خه‌ڵات دریاگه‌سه‌ پیان و له‌ ساڵ 1607 شازاده‌ سه‌عید جان بولاد له‌ دژ عوسمانیه‌یل له‌ كلیس شوڕش كردگه‌ و ئه‌را ماوه‌یگ شار حه‌له‌ب داگیركردگه‌ وه‌لى سه‌ره‌نجام شكه‌ست خواردگه‌ و له‌ ساڵ 1630 وه‌ل خانه‌واده‌گه‌ى ئه‌را به‌یرووت كوچ كردگه‌ و وه‌گه‌رمى له‌ لایه‌ن شازاده‌ فه‌خردین ئه‌لمه‌عنى پیشوازى گه‌رم له‌لى كریاگه‌ و ناوچه‌ى شووف وه‌پى خه‌ڵات كریاگه‌ و ره‌بحان كۆڕى بویه‌سه‌ رابه‌ر دروزیه‌یل.

 

ن: عصمت شریف وانلى

ت: جواد فه‌یلى