واده‌ێ ئاشكراكردن ده‌وڵه‌ت كوردستانى

د . سوزان  ئامێدى

شه‌فه‌ق نيوز/ رژيمه‌يل و سياسيه‌يل باس له‌وه‌ ئه‌كه‌ن ك وه‌خته‌گه‌ نه‌گونجياگه‌ ئه‌را ئعلانكردن ده‌وڵه‌ت كوردێ، ئه‌ويش له‌وه‌ر ئى چشته‌يله‌:-

 

1- توركيا و ئيران حكومه‌ت ناوه‌ندێ عراقييش ئى كاره‌ ره‌ته‌و ئه‌كه‌ن. 2- جه‌نگ هه‌س وه‌ل ترۆر و له‌وانه‌يش جه‌نگ داعش ك هيمان ته‌مام نه‌ويه‌. 3- له‌ كوردستان كيشمه‌كيش له‌بان ده‌سڵات هه‌س. 4- بار ئابوورێ خاس نيه‌. وه‌ مانايگ تر بايه‌سه‌ له‌بان ملله‌ت كورد چه‌وه‌ڕێ بكا تا ئيران رازێ بدێ و يا نه‌ميه‌نيه‌ێد له‌بان خه‌ريته‌، وه‌و جووريشه‌ توركياو عراقيش و بايه‌سه‌ چه‌وه‌ڕێ بكريه‌ێد ترۆريش ته‌مام بدێ ته‌نانه‌ت ئه‌گه‌ر يه‌يش په‌يوه‌سيش كرياس وه‌ كۆمه‌ڵگايه‌يل ئسلامييش و مه‌سه‌له‌ێ لاوردن يا نه‌هيشتن هه‌ر ناكووكييگيش له‌بان ده‌سڵات له‌ هه‌رێم.

 

با ڕيه‌گه‌ ئه‌رايان كوڵه‌و بكه‌يم وه‌ چه‌ن پرسياريگ ك له‌تى ئويشيم: 1- ئايا خه‌بات كورد ئه‌را فيشتر له‌ 80 ساڵ له‌بان چه‌ بوێ؟ ئايا ئه‌را قه‌ناعه‌تكردن ئى ده‌وڵه‌ته‌يله‌ نه‌وێ وه‌ مافه‌ ره‌واگه‌ێ له‌ سه‌روه‌خوه‌يى؟ 2- چوين ئه‌دێ هه‌ر هه‌رێميگ گه‌شه‌ بكا له‌ڕوێ ئابووريه‌و ك هه‌ميشه‌ روێ وه‌ ڕوێ دو ئابڵوقه‌ يا فيشتر بويه‌سه‌و ك جاريگ وه‌ل حكومه‌ت ناوه‌ندێ و جاريگ وه‌ل خارجى ناوده‌وڵه‌تى وه‌ ئه‌وه‌گ به‌شيگه‌ له‌ ده‌وڵه‌ت؟ 3- چوين پشتگيرى ديموكراسيه‌ت ئه‌كه‌ين و داواێ كووتاييهاوردن كيشمه‌كيشيش ئه‌كه‌ين له‌بان ده‌سڵات له‌ هه‌رێم؟ 4- كورد چوين له‌ ترۆر قورتار بدێ و له‌وانه‌يش داعش ك دروسكرياێ هيزه‌يل هه‌رێمى و ناوده‌وڵه‌تيه‌ ئه‌را جيوه‌جيكردن ئه‌جنده‌يلى له‌ ناوچه‌گه‌؟ 5- ئايا ئه‌و ده‌وڵه‌ته‌يله‌ ك ئاشكراێ سه‌روه‌خوه‌يى خوه‌يان كردن چه‌وه‌ڕى كردن و گشت ئه‌و داواكاريه‌يله‌ ك ئه‌خوازنه‌ێ له‌ ملله‌ت كورد جيوه‌جێ كردن؟ 6- ئايا ئسرائيل تويه‌نست ده‌وڵه‌ته‌يل هاوساێ عه‌ره‌بى و ئسلامى رازێ بكا وه‌رجه‌ ئعلانكردن ده‌وڵه‌ته‌گه‌ێ تا رووژ ئمڕوو؟ 7- ئايا ده‌وڵه‌ته‌يل خوه‌رئاوايى و له‌وانه‌يش ئه‌مريكا تويه‌نستن قه‌ناعه‌ت وه‌ ئيران بكا واز له‌ هه‌ڕه‌شه‌ له‌ ناوچه‌گه‌ بارێد و ده‌س له‌ چه‌كه‌گه‌ێ هه‌ڵگرێد؟ 8- ئايا توركيا وه‌ داواكاريه‌يلێ قه‌ناعه‌ت وه‌ ده‌وڵه‌ته‌يل ئۆرپى كرد ئه‌را چگن وه‌ناو يه‌كێتى ئۆرپا؟ 9- ئايا بريار و ياسايه‌يل ناوده‌وڵه‌تى له‌ باره‌ێ ماف بڕيار چاره‌نويس ملله‌ته‌يل كورد له‌ى مافه‌ بيبه‌ش كرد؟ ئايا. ئايا . ئايا...؟!.

 

كه‌ڵه‌كه‌بوين خه‌به‌رێ له‌لاێ كورد جواو ئى هه‌مگه‌ پرسياره‌يل و پرسياره‌يل تريش ئه‌ياده‌و، ك ته‌نيا ئه‌وان ماف ئه‌وه‌ ديرن وه‌خت گونجياگ ئه‌را راپرسێ ده‌سنيشان بكه‌ن، ته‌نانه‌ت ئه‌گه‌ر گشت جه‌هانيش به‌شدار بدێ له‌ ره‌ته‌وكردن يا قه‌ناعه‌ت نه‌كردن وه‌ ماف ملله‌ت كورد له‌ ئه‌نجامداين راپرسێ ئه‌را ئاشكراكردن ده‌وڵه‌تيان.

د. سۆزان ئامێدى