كورديه‌ خوێشك به‌هرام چويين فه‌رماندارى ناودار

شفق نيوز

جه‌هرۆم بويه‌ و  له‌  ڕچه‌ڵكيش كورد بويه‌. خوه‌شك به‌هرام وه‌ ناو"كورديه‌" هاوسه‌ر ئه‌رده‌شير بابه‌كان بويه‌. كورديه‌ دوياى براگه‌ى، فه‌رمانده‌هى گريده‌و ده‌س و له‌ مه‌يدانه‌يل جه‌نگ، ئه‌و جوره‌ نه‌ترسى و بێباكى و شايسته‌گى له‌ خوه‌ى نيشان ده‌يد. ئه‌وى له‌ ره‌ده‌ى فره‌ماندارى له‌شكر براگه‌ى، ته‌ك وه‌ ته‌ك و ته‌ن وه‌ ته‌ن وه‌ل(توڕا) فرماندار هێزه‌يل خاقان چين جه‌نگيا و شكه‌ستيشێ دا و له‌شكره‌گه‌ى ته‌رفا وه‌ توين كرد. له‌ێره‌ بايه‌د نويسينێ له‌ مامۆستا سه‌عيد نه‌فيسى باريمن ك ئويشى: "هه‌ له‌ ده‌وران هه‌خامه‌نشى له‌ ناو چادرنيشه‌يل فارس، ئيمه‌ وه‌ ناو كورد به‌ر خوه‌يم". تاريخچه‌ى كورد له‌ ده‌وران هه‌خامه‌نشى هاورديه‌، ك كورد له‌ نژاد و ڕه‌گه‌زێ ئارايايين، چ كورد پار س، چ كورد خوراسان و كورد كوردسان هويچ جێ هويره‌و كردنى له‌ بانيان نيه‌ ك ئارايين. كورديش وه‌ل ئاراييه‌يلا يه‌وجار له‌ چوارهه‌زار ساڵ وه‌رجله‌ ئينگه‌ و يه‌وجارتريش3400 تا3700 ساڵ وه‌رجله‌ ئينگه‌ هاتنه‌سه‌ مه‌لوه‌ند فارس و هويچ گومانێ له‌ يه‌ نيه‌ ك له‌ باكوور فارس يانى له‌ ده‌يشته‌يل مه‌رڤده‌شت و ده‌يشت مۆغاب ك مه‌ڵوه‌ندى پڕئاو بويه‌، نيشته‌ جێ بوينه‌ و شونه‌واره‌يلێ چوى پارسارگاد و ته‌خت جه‌مشيد و شار ئه‌سته‌خر و ... وه‌ له‌ ده‌يشت ميلكان كورد و ئارييه‌يله‌ سازياس.