كوردستان له‌ڕوى ئابووریه‌و‌

شفق نيوز

خاكه‌گه‌ى پڕ له‌پیت و به‌ره‌كه‌ته‌و له‌لایه‌ن سامان سروشتیه‌وه‌ فره‌ ده‌وڵه‌مه‌نه‌، وه‌لى وه‌مه‌رجیگ  له‌بان بنه‌ماى شاره‌زایى قانجازكردن له‌و سامان سروشتیه‌ كار ئه‌را نه‌فوه‌رگرتن له‌لى بكریه‌یگ  و ژیرخان ئابوورى كوردستان وه‌پى بته‌وه‌و بكریه‌یگ ، له‌ى باوه‌ته‌وه‌ دكتۆر خالد مه‌لا كه‌ریم ئویشیگ : كوردستان گه‌نجینه‌یگ  خوداییه‌و وه‌گووره‌ى په‌یمانه‌ یا قیاس جیوپۆلیتیك هویچ وه‌ختى كووتایى وه‌نرخى نیایگ  ته‌نیا مه‌گه‌ر رویداگیگ  جویر سوونامى بگریگه‌ى و كوردستان پاكترین ئاو ژیر زه‌وى دیریگ  ك جى داخه‌ ئه‌گه‌ر بایگ  و له‌ى جووره‌ بچووگه‌ ڕییه‌وه‌ له‌شوون 10 ئه‌را 12 ساڵ تر وشكیه‌و كه‌یم، بیجگه‌ ئه‌وه‌یش كوردستان وه‌گووره‌ى زانیارى مه‌زه‌نه‌كریاگ خاوه‌ن بڕ فره‌یگ  له‌ (یۆرانیۆم)ه‌و خاسترین مه‌ڵوه‌ن كشتوكاڵى فره‌جووره‌و له‌هه‌مان وه‌خت شوون به‌رهه‌مهاوردن پیشه‌سازیه‌، چوینكه‌ گشت هووكاریگ  به‌رهه‌مهاوردن له‌ناو خوه‌ى دابین كریه‌یگ  .

ئیسه‌ ئیمه‌ زانیم ك كومپانیایه‌یل فره‌یگ  له‌گشت وڵاته‌یل جه‌هانه‌وه‌ ڕوى كردنه‌سه‌ هه‌رێم كوردستان ئه‌را كار وه‌به‌رهاوردن وسه‌رمایه‌گوزارى و له‌ناو خاك كوردستان خه‌ریكن كار جووراوجوور ئه‌نجامده‌ن، ئمجا یه‌یش هه‌لیگه‌ ئه‌را وه‌كارخستن ئه‌و سامان و گه‌نجینه‌و ئیسه‌یش له‌خودا وه‌زیاى كوردستان له‌چه‌و به‌شه‌یل تر عراق له‌ڕوى ئه‌من و ئاسایشه‌وه‌ هویچ كیشه‌و گرفتیگ  له‌تى نیه‌كریه‌یگه‌دى و گشت ئه‌و كومپانیایه‌یله‌ ك هاتنه‌ له‌وه‌ر ئه‌نجامداین كاره‌یلیان وه‌بى ترس و دڵه‌ڕاوه‌كى خه‌ریك ئه‌نجامداین كاره‌یل خوه‌یانن.

ئیمه‌ له‌كوردستان كه‌سه‌یل كاركه‌ر و خاك و سامان سروشتى و حكوومه‌ت كارا یا فه‌عالیگ  دیریم و تویه‌نیم گویڕانكارى ئه‌نجام به‌یم و نه‌ف له‌و سامانه‌یل سروشتیه‌ وه‌ربگریم، چوینكه‌ ئه‌گه‌ر بایگ  و ئى كاره‌ ئه‌نجام بدریه‌یگ  ئه‌وه‌ ئیمه‌یش له‌وڵاته‌یل جویر كۆریاو به‌رازیل و مالیزیاو وڵاته‌یل كه‌نداو یا خه‌لیج كه‌متر نیم و تویه‌نیم وڵاته‌گه‌مان بكه‌یمنه‌ نموونه‌یگ  له‌جوانى و ده‌وڵه‌مه‌نى له‌ڕوى ئابووریه‌وه‌، هه‌ر له‌وه‌ر ئه‌وه‌یش بایه‌سه‌ مقه‌یه‌تى له‌خواسته‌یل و هه‌وه‌جه‌یل خوه‌مان بكه‌یم و سه‌رچه‌وه‌یگ  ئابوورى بته‌و ئه‌را نه‌وه‌یل ئاینده‌و دویاى خوه‌مان بیلیمنه‌ جى. هه‌ر له‌وه‌ر ئه‌وه‌یش بایه‌سه‌ وه‌پاك و پوخته‌یگه‌وه‌ مامڵه‌ وه‌ل سامانه‌یل سروشتى وڵاته‌گه‌مانا بكه‌یم و مقه‌یه‌تى له‌لى بكه‌یم وه‌تاڵان نه‌چووگ و جویر چه‌كیگ  باریمنه‌ى كار ئه‌را مقه‌یه‌تیكردن گشت ئامانجه‌یلمان.