له‌وه‌رده‌م كينه‌ت زه‌وى و خوه‌شه‌ويسى ئاسمان

شفق نيوز

من له‌يرا ناخوازم مه‌سه‌له‌گه‌ وه‌ فكر و ئاره‌زووه‌يلم تونتره‌و بكه‌م، وه‌لێ پيكهاته‌يل ئى ملله‌ته‌ جوور هاوسا ديواره‌يليان هاوڕزن و زوورميان ئايينپه‌روه‌رن تا راده‌ى فريه‌يگ، وه‌لێ باوه‌ڕه‌يليان فريه‌ به‌خيله‌و وه‌و هاوڕزييانه‌ تواناى پڕه‌وكردن بۆشايى يه‌كگرتن خواستيگ نه‌يرن و خاوه‌ن باوه‌ڕه‌يل له‌يوا وه‌پيان هاتگه‌ و باوه‌ڕ وه‌ چشته‌يل ئه‌ده‌بى ديرن و ئاقبه‌تيش ره‌سانه‌يانه‌ راده‌ى واين له‌ يه‌كترى.

جى داخه‌ گومن ئه‌وانه‌گ كاريگه‌رن و ئه‌خه‌نايه‌نه‌ قويلايى باوه‌ڕه‌و ك له‌وه‌رانوه‌ر قه‌واره‌ى كينه‌ت ته‌رتيبكرياگ له‌ زه‌وى چوين ئه‌تويه‌نن باوه‌ڕ وه‌ خوه‌شه‌ويسى خوداوه‌ند ئاسمان بكه‌ن، وه‌لێ ئمڕوو هه‌قيقه‌ت ئه‌وه‌سه‌ ك تواناى مه‌زه‌وه‌يل و كاريگه‌ريى فيشتره‌ له‌ ئايين و بويه‌ سه‌روه‌ر هه‌ڵويسته‌گه‌و به‌رهه‌ڵسته‌يليش بوينه‌سه‌ جيوه‌جيكار فيشتر له‌ په‌يامبه‌ر ئايينه‌يل، ك يه‌يش كيشه‌يگه‌و بايه‌سه‌ بگرديده‌ شوون چاره‌سه‌ر ئه‌ڕاى.

ئمڕوو كيشه‌يل عراق وه‌ ئاسايش و ئابوورييه‌و جددى و جوراوجووره‌و يه‌كانگيره‌ وه‌ وه‌ربه‌سه‌يل تر له‌ ده‌ور هوير و باوه‌ڕ، گشت مه‌ردميش هه‌واڵپرس و په‌يكارن له‌ى مه‌سه‌له‌ ك ئايا كام حكومه‌ت و سييتميگ ئه‌خوازيم وه‌ گووره‌ى كام ئايدۆلۆجى و ره‌نگيگ. له‌يوا بزانم وه‌خته‌گه‌ كه‌مه‌و ڕى وه‌ دوباره‌كردنه‌وه‌ى ئه‌زموونه‌يل يا ژيانى له‌تى نايه‌ێد، چونيكه‌ له‌لايه‌ن ئيمه‌ نيه‌ جوور زوورم ئه‌و وه‌خت و حكومه‌ته‌يله‌، ئه‌ويش له‌وه‌ر ئه‌وه‌گ مه‌ردم عزه‌ت وه‌ دو چشت كرديان، نه‌ته‌وه‌و ئايين وه‌ لقه‌يليه‌و، ك يه‌يش ده‌سنيشان هاوبه‌شى و جياوازيه‌يلمان ئه‌كاو هه‌ڵه‌ى باوه‌ڕيشه‌ ئه‌وه‌سه‌ ك بويشێد جياوازى به‌رهه‌م هه‌ڵه‌س.

ئمڕوو زوورم حكومه‌ته‌يل و حزبه‌يل و ته‌نانه‌ت ئايينه‌يليش ته‌بريه‌ى وجوود خوه‌ى ئه‌كا له‌ وه‌رده‌وامى ژيان ملله‌ت، وه‌يه‌يش ئه‌وان هويچ مانايگ ئه‌را ژيان نايلن، له‌وه‌رانوه‌ر ئه‌وه‌يش ئايا ئيمه‌ تواناى ئه‌وه‌ ديرم قه‌ناعه‌ت وه‌ مناڵيگ ئێزيدى باريم ك چه‌وى ها گيرتن داڵگى ئه‌را هه‌تككردن حورمه‌ت خوه‌يشكه‌گه‌ى، يا ده‌س بگرێده‌ دڵته‌نگى باوگيه‌و دوياى وه‌تاڵان بردن ماڵه‌گه‌يان و ماڵ كه‌س وكار و رووڵه‌يل كويچه‌و ئه‌و شاره‌ ك له‌تى ده‌ركرديان، ئايا ئه‌گه‌ر هاته‌و ئه‌را خوه‌ندنگا يه‌كه‌مجار چه‌ وه‌ قه‌ڵه‌مه‌گه‌ى ئه‌نويسێد، ئايا ئه‌نويسێد ئه‌وانه‌گ به‌هه‌يشت و دووزه‌خ سه‌ندن و فرووشتن چه‌وه‌ڕى ئه‌وه‌ له‌لى ئه‌كه‌ن به‌خته‌وه‌ر بدێ؟ بيگومان ئيمه‌ وه‌ى كاره‌ ناتويه‌نيم وه‌ى كاڵاوه‌ باوه‌ڕ وه‌ هه‌ر مناڵيگ عراقى باريم، ك له‌ى عراقى وه‌ سنى و ئێزيدى و مه‌سيحى و كاكه‌يى و يه‌هوودى و سابئه‌يه‌و ئايا ئه‌تويه‌نيم قه‌ناعه‌ت وه‌پيان باريم وه‌بى زه‌ره‌د وه‌يه‌كه‌و بژيه‌ن؟

باوه‌ڕ ناكه‌م جياوازى جه‌وهه‌رى له‌بان تايفه‌يل و باوه‌ڕه‌يل مه‌وه‌زى بمينێد، به‌ڵكوو وه‌ بيده‌نگى نوخبه‌يگ له‌ كومه‌ڵگاس، ك ئايا له‌وه‌رچه‌ بيده‌نگ بوين له‌بان ده‌رخستن چاره‌سه‌ر يه‌كێتى فكر و كاركردن راسى له‌ساى گوزاره‌يگ دوير له‌ ياساى جه‌نگڵستان ك ده‌س بگرێده‌ سه‌ركه‌فتن زوڵمليكرياگ و تووڵه‌كردن له‌ زاڵم.

ئمڕوو تاريفكردن ئايينپه‌روه‌ر هه‌وه‌جه‌ وه‌ بڕيگ ئاشكراكردن ديرێد دوير له‌ وه‌سفكردن، ئه‌ويش وه‌ ئه‌وه‌گ مه‌سيحى ئيمانداره‌ ك ئه‌گه‌ر ئاينپه‌روه‌ر وه‌ناو ئايينه‌و كه‌نيسه‌گه‌ى ته‌قانه‌و، شيعه‌يش ئيمانداره‌ وه‌ ئه‌وه‌گ ئايينپه‌وه‌ر له‌لى بكوشێد وه‌ناو تايفه‌، و كورديش ئيمانداره‌ وه‌ ئه‌وه‌گ ئاييپه‌روه‌ر وه‌ناو نه‌ته‌وه‌ ئه‌نفالى كرد، و سنييش ئيمانداره‌ ك وه‌ناو مه‌زه‌وه‌و زوڵم بكريه‌ێد و تووڵه‌ له‌لى بكريه‌ێد.

ئمڕوو وڵاته‌گه‌مان كه‌فته‌سه‌ ناونى دو كه‌وان و بڕێگ نيشانه‌ى پرسيار و ديواره‌يل هاوڕزيش له‌تى به‌رزه‌و كريانه‌و وه‌ربه‌سه‌يل قه‌ڵبه‌وكرياگيش وه‌ ديد مێژوويى شوونله‌ق كريانه‌و بوو ترس له‌ ناوچه‌يلى په‌خش ئه‌كاو ئيمه‌يش ته‌نياو باڵ شكه‌ست بويمنه‌و مه‌له‌يل له‌ سه‌رمان ئه‌خوه‌ن و داوا له‌ خوداوه‌ند ئه‌لاڵكيه‌يمنه‌و شه‌ڕ ئاينپه‌وه‌ره‌يل له‌ليمان دويره‌و بخاو خێر ئايين وه‌پيمان بيه‌ێد.

عه‌لى حسێن فه‌يلى