به‌رقیه‌ی پیرۆزبایی سه‌رۆكایه‌تی ئه‌نجومه‌ن وه‌ڕیه‌وبردن ده‌زگای روشنهویری و ره‌سانن شه‌فه‌ق وه ‌بوونه‌ی هاتن مانگ موبارك ره‌مه‌زان

شفق نيوز

گه‌رمترین پیرۆزبایی ئاراسه‌ی موسه‌ڵمانه‌یل جه‌هان وه‌تایبه‌ت موسه‌ڵمانه‌یل عراقی كه‌م  و ئومیدوارم ره‌مه‌زان ئمسال موژده‌به‌خش ئارامی و سه‌قام و ئاسایش ئه‌را ملله‌ت عراق و ئومه‌ت ئسلامی بوود . گشتمان زانیم ك تيرۆریسته‌یل وه‌ل نزیك بوین ئی مانگ پڕ له‌ خه‌یر و به‌ره‌كه‌ته‌ گه‌وراترین تاوان نائنسانی دژ وه ‌هاوڵاتیه‌یل بی گوناه ئه‌نجام دان وسه‌دان نه‌فه‌رخه‌ڵپان له ‌خیون كردن و جاریگتر سیمای نائسلامی ونائنسانی خوه‌یان ئه‌را مه‌ردم وڵاته‌گه‌مان خستنه‌ریو؛ ئیمه‌یش وه‌ بوونه‌ی هاتن ئی مانگ پیرۆزه‌ ده‌س دوعا ئه‌را خوداوه‌ند گه‌ورا به‌ره‌زه‌و كه‌یم و داواكه‌یم سه‌رجه‌م شه‌هیده‌یل ری حه‌ق وه‌ تایبه‌ت شه‌هیده‌یل ته‌قینه‌وه‌يل ئی دیواخره‌ وه‌ به‌هیشت خوه‌ی شاد و زه‌خمداره‌یلیش هه‌رچی زویترشفا به‌یگ ؛ سه‌رله‌ نوو هاتن مانگ ره‌حمه‌ت له‌ گشت موسه‌ڵمانه‌یل موباره‌ك بوود .

عه‌لی حسێن فه‌یلی

سه‌رۆك وه‌ڕیه‌وبردن ده‌زگای روشنهویری و ره‌سانن كورده‌یل فه‌یلی – شه‌فه‌ق