بووه‌خش ئاغاى وه‌زیر

شفق نيوز

وه‌زاره‌ته‌گانیشى، وه‌لى گرنگ ئه‌وه‌سه‌ ك دامه‌رزیا دویاى زووران و وه‌ره‌ژان سه‌ختیگ و چه‌وه‌ڕى كه‌یمن ك خواست ملله‌ت جیوه‌جى بكه‌ید. بایه‌ته‌ ئه‌وه‌ بویشیمن و بخه‌یمنه‌ هویر ك ئى كورسیه‌ ك له‌بانى نیشید ئه‌ى ئاغاى وه‌زیر، موڵكد نیه‌ و هین ئه‌و كه‌سیشه‌ نه‌وى ك وه‌رجله‌ تو نیشتویده‌بانى و هین ئه‌و كه‌سیشه‌ نیه‌ ك له‌ شوون تو نیشیده‌ بانى، چوینكه‌ ئه‌گه‌ر بمه‌نیاد ئه‌را غه‌یر  تو وه‌ده‌س تو نه‌كه‌فتیاد و ئه‌را تونیش وه‌رده‌وام نیه‌ و بایه‌ته‌ بیه‌یده‌ى ده‌س كه‌سیگتر، و یه‌یشه‌ خول یا ده‌وره‌ى كورسیه‌یله‌. كورسى وه‌زاره‌ت ته‌نیا ئه‌را پارته‌گه‌دیش نیه‌ و هین ئه‌و لایه‌نیشه‌ نیه‌ ك كاندید یا ترشیحد كردیه‌ ئه‌را ئى پۆسته‌، به‌ڵكوو موڵك هاووڵاتى ساده‌یه‌ ك وه‌ئازادى ودیموكراتى ده‌نگ خوه‌ى داپید و وه‌خوین خوه‌ى قوربانى دا ئه‌را خاتر سه‌ركه‌فتن ئۆپه‌راسیۆن دیموكراتى و گڕ خواردن چه‌رخ ئۆپه‌راسیۆن سیاسى وه‌ره‌و نوا. له‌وه‌ر ئه‌وه‌ ئاغاى وه‌زیر تو ئه‌مانه‌تیگ ها گه‌ردند و بایه‌ته‌ مقه‌یه‌تى ئه‌و ئه‌مانه‌ته‌ بكه‌ید ك ملله‌ت خستیه‌سه‌ى گه‌ردند و له‌وه‌یشه‌ دڵنیا به‌ ك تو له‌وه‌رده‌م خودا وه‌رجله‌ قانوون و ملله‌ت وه‌رپرسیارید و حه‌ساو وكتاو وه‌لده‌و كریه‌ید، له‌وه‌ره‌ر ئه‌وه‌ دى كار بكه‌ ئه‌را ئه‌وه‌گ په‌یامه‌گه‌د بڕه‌سید، ك له‌ خاترى هاتیده‌ ئه‌را هاووڵاتیه‌یل ساده‌ ك چه‌وه‌ڕید كه‌ن تا ئه‌وه‌ ئه‌راى ئه‌نجام بیه‌ید ك خه‌و وه‌پیه‌و دویدنید. وه‌گشت هه‌وڵ و ته‌قه‌لایگه‌و كار بكه‌ ئه‌را خزمه‌تكردن ئى ملله‌ته‌ و مكوڕ بوو له‌بان ئه‌وه‌ ك خاسترین خزمه‌تگوزارى ئه‌راى دابین بكه‌ید چوینكه‌ خوه‌ى ڕاز یا سڕ سه‌ركه‌فتنده‌ و هه‌رچه‌نى خزمه‌تى بكه‌ید كه‌مه‌ چوینكه‌ هه‌رچه‌نى خزمه‌تى بكریه‌ید له‌ چه‌و ئه‌وه‌ ك له‌ وڵاته‌یلیگ فه‌قیرتر پیشكه‌ش كریه‌ن فره‌ كه‌مه‌ چوینكه‌ عیراق وڵاتیگ ده‌وڵه‌مه‌ن و خاوه‌ن سامانه‌. بایه‌ته‌ ئه‌و هه‌ژاره‌یله‌ له‌ هویره‌و نه‌وه‌ید ك له‌ ماڵه‌یل ته‌نه‌كه‌یین ژیه‌ن ك نه‌ وه‌ر سه‌ردى زمسان گرى نه‌ گه‌رمى تاوسان و تونیش له‌ناو كووشك یا قه‌سریگ گه‌ورایگ ژیه‌ید و خواردن و خوه‌راد خوه‌ش خوه‌ید، بایه‌ته‌ خوان ئه‌و هه‌ژاره‌یله‌ بكه‌فیده‌ هویرد ك شایه‌ت تیر زگیان نان نه‌یاشتوون بخوه‌ن. تو بایه‌ته‌ دژ وه‌ گه‌ناته‌كارى وه‌گشت شیوه‌گانیه‌وه‌ جه‌نگ بكه‌ید و گه‌ناته‌كاره‌یل هه‌واڵه‌ى دادگا و قه‌زا بكه‌ید تا سزاى ڕه‌واى خوه‌یان بوینن و هه‌رچى دزى كردنه‌ باریده‌وه‌ تا بوونه‌ په‌ند و عبره‌ت ئه‌را كه‌سه‌یلیگتر، و بایه‌ته‌ تو كه‌س گونجیاى بنه‌یده‌ شوون گونجیاى و هه‌رچى دودڵ ودو ڕویه‌یل و پاڵ ودوى ته‌كنه‌یله‌ له‌ خوه‌د دویره‌و بخه‌ید؛ چوینكه‌ یانه‌ ئایه‌م خه‌ڵه‌تنن و ته‌نیا هویر له‌ به‌رژه‌وه‌ندیه‌یل تایبه‌ت خوه‌یان كه‌ن. و بایه‌ته‌ تو له‌خودبورده‌یى یا نكران زات بكه‌ید تا په‌یام ڕاسیید بڕه‌سنید، له‌ خزمه‌تكردن ئه‌و هاووڵاتیه‌ ك ناره‌ده‌بان كورسیه‌گه‌د. باوه‌ڕد بوود ئاغاى وه‌زیر ئى چوار ساڵده‌ زوى زوى وه‌سه‌رچن و ته‌نیا شاكاره‌گاند نرخ ده‌نه‌پید و بوونه‌ پاساپۆرتد ئه‌را وه‌رگردن متمانه‌ى هاووڵاتى ئه‌را قوناغ هاتى.