په‌روه‌رده‌ی ده‌روينناسی ئه‌ڕاچه‌ گرينگه‌؟

شفق نيوز

ئی به‌ش ده‌روينناسيه‌ ته‌نيا پرووسه‌ی يايگرتن ئه‌را مناڵ يا هه‌رزه‌كار يا جايه‌ڵ جوانه‌يل ناگريده‌ خوه‌ی، به‌ڵكوو په‌روه‌رده‌ی ده‌روينناسی پرووسه‌يل ئحساسكردن و كومه‌ڵايه‌تی و زانيخوازيه‌يل تاكيش ئه‌گريده‌و.

ئه‌وه‌ ئاسانه‌ ك بويشيم په‌روه‌رده‌ی ده‌روينناسی، ده‌روينناسی هووكاره‌كردن و په‌روه‌رده‌كردنه‌. تا ئيسه‌ زوورم ده‌روينناسه‌يل فريه‌يگ له‌وه‌خت خوه‌يان ته‌رخانكردنه‌ ئه‌را په‌ياكردن ری جوراوجوور له‌وه‌ر خاتر ئاشناكردن و خاستركردن په‌روه‌رده‌و هووكاره‌كردن. په‌روه‌رده‌ی ده‌روينناسی ئه‌وه‌ ئه‌ريده‌و ك گه‌شه‌ی ئنسانی، جياوازی تاكايه‌تی، په‌يمانه‌كردن، يايگرتن ئه‌گريده‌و.

ده‌روينناسه‌يل هان له‌و باوه‌ڕه‌ ك بايه‌سه‌ په‌روه‌رده‌كار وه‌ ئاگاداريه‌و هه‌ڵسوكه‌فت بكا وه‌ل فيرخوازه‌يل، چوينكه‌ ئه‌وان خاوه‌ن توانای جياوازن، هه‌ر له‌وه‌ر ئه‌وه‌يش فريه‌ گرينگه‌ له‌ زانين جياوازی تاكايه‌تی پشت وه‌ جياوازی تونای تاك و ره‌فتار و ئه‌زه‌ره‌ت و هه‌وه‌جه‌يليان بووه‌سيد.

شاره‌زايی په‌روه‌رده‌كار له‌ په‌روه‌رده‌ی ده‌روينناسی توانا ئه‌وه‌خشيده‌ په‌روه‌رده‌كه‌ر ئه‌را وه‌پيداين رينمايی خواست وه‌ په‌روه‌رده‌كرياگ له‌ گشت عومر و قوناغيگ. په‌روه‌رده‌كار بايه‌سه‌ په‌يمانه‌سازی ئه‌نجام يايگرتن فيرخواز بكا و بايه‌سه‌ ده‌س بكاده‌ ئه‌نجامداين دو چالاكی جوور هووكاره‌كردن و تاقيكردن، ئمجا تاقيكردنه‌وه‌ی چالاكی ئه‌دێده‌ هووكار په‌يمانه‌كردن ئه‌نجام يايگرتن په‌روه‌رده‌كرياگ ئه‌را حوكمداين له‌بان گه‌شه‌كردن و كاريگه‌ريه‌يل پرووسه‌ی په‌روه‌رده‌و هووكاركردن.

يه‌كيگ له‌ گرينگترين ئه‌ركه‌يل په‌روه‌رده‌كار ئه‌وه‌سه‌ ك بڕه‌سيده‌و له‌ جياوازيه‌يل سه‌ره‌تايی يايگرتن له‌ناونی فيرخوازه‌يل، دی له‌وه‌ر ئه‌و هووكاره‌يله‌ ك ئاماژه‌ وه‌پيان كريا په‌روه‌رده‌ی ده‌روينناسی ئه‌تويه‌نيد بدێده‌ هاوكار په‌روه‌رده‌كار ئه‌را ناسين ئه‌وه‌گ چوين زانياريه‌يل جيواز بكا ئه‌را فيرخواز وه‌ جووريگ ك له‌يوا له‌ فيرخواز بكا حه‌ز وه‌ يايگرتن بكا.

سه‌ردار شێخ عادل

ج . أ