ناونیشانه‌یل قوناغ جیوازكردن

شفق نيوز

گشت قوناغیگ ئاڵشت بوون، ئه‌وه‌ ئیمه‌ى دروسكریاى یا مه‌خلووقیش له‌یوا دیاره‌ ناونیشانه‌یلیگ هه‌ڵگریم له‌گشت قوناغ و سه‌رده‌میگ تاریخى ئاڵشت نه‌ود، جویر شاره‌زاو ڕاویژكاره‌یل، نویسه‌ر و ئه‌دیبه‌یل هانه‌ ژیر داواكارى، مامۆستاو تایبه‌تمه‌نده‌یل له‌گشت زانسته‌یل، گیانله‌وه‌ره‌یلیگ ك بزانن باز بیه‌ن ئه‌را پۆسته‌یل.

له‌ فیستیڤاڵه‌یل ده‌نگ تاریفه‌وداین ده‌رهه‌ق وه‌ میر تایفه‌یل به‌رزه‌و كریه‌ن، ئنجا هویچ جیاوازییگ نه‌یریگ له‌ناونى ئه‌و باوه‌ته‌یله‌ ك وه‌باڵاى قائد زه‌رووره‌ نویسریا ك وه‌ به‌رزترین زاناى ئاست سیاسه‌ت ناوى بریاو له‌ناونى خودخستن وه‌باوه‌ش سه‌ركرده‌یل ئمڕوو ك دیموكراسیه‌ت ته‌نیا وه‌هووكاریگ ئه‌را ره‌سین وه‌ ده‌سڵات دوینن، جیاوازى نیه‌ له‌ناونى ئه‌وه‌ك مه‌كینه‌ى دكتاتۆر خسته‌كار و ئه‌وه‌ك ره‌سیه‌ به‌رزترین ئاست راویژكارى له‌ حكوومه‌ت به‌شبه‌شه‌كانى نیشتمانى.

ده‌وڵه‌ته‌یل فره‌یگ له‌جه‌هان تویش كاره‌سات و جه‌نگ هاتن و كاریگه‌رى داشت له‌بان شارستانیه‌ت و ژیاره‌گه‌یانـن، وه‌لى زوى هویر له‌تاریخ كویه‌ن خوه‌یان كردن وه‌ك ئه‌ڵمانیاو یابان ك ناونیشانیگ ئه‌را كار و بنیاتناین به‌رزه‌و كردن دویر له‌ هه‌ڕاجكردن نرخ ئنسانى.

ملله‌ته‌یل ئازاد ئه‌وه‌نه‌ نیه‌گه‌ردنه‌ شوون ناونیشانه‌یل بى ماناو خوه‌یان وه‌پیه‌و خه‌ریك ناكه‌ن ئه‌وه‌نه‌ گه‌ردنه‌ شوون بنه‌ماى ئنسانى و پیشكه‌فتنى. ئمڕوو  ئیمه‌ جویر دویه‌كه‌ى گوزه‌یشته‌ هه‌ر گه‌ردیمنه‌ شوون هه‌مان ناونیشانه‌یل گه‌ورا، هه‌مان ئاره‌زووه‌یل كویه‌ن تیه‌ریمنه‌ كار. ئنجا ئایا تویه‌نریه‌یگ له‌ تاریخیگه‌و ك وه‌خوین قوربانیه‌یل بنیات نریاگه‌ جیواز بوید ئه‌را قوناغیگ ئنسانى پیشكه‌فتگ جویر نرخدارترین دروسكریاى له‌ى وڵاته‌و ئه‌و چشته‌یل كویه‌نه‌ بیلیده‌ جى ك هویچ به‌ریگ نه‌یاشت؟ ئایا ئه‌قڵ تیه‌ریه‌ێده‌ كار تا وڵات و مه‌ردم وڵاته‌گه‌ له‌ناڕه‌حه‌تى و گرفت قورتار بوون وه‌یه‌كجارى؟.

ئمڕوو گشت چشتیگ له‌سه‌رده‌م زه‌یتونى یه‌كلاوه‌ بویه‌، ك ئه‌ویش وه‌ئاڵشتكارى 2003، شمشیره‌یل به‌رزه‌و كریاو دویاى ئه‌وه‌یش داواى ده‌رچگن داگیركه‌ر كریا. وه‌لى ئه‌و پرسیاره‌ ك تائیسه‌ خوه‌ى نوقم كردگه‌ ئه‌وه‌سه‌، ك ئایا وه‌رپرسه‌یل عراق دویاى ده‌رچگن هیزه‌یل ئه‌مریكى چه‌وه‌ڕى چه‌ كه‌ن؟ ئایا دیموكراسیه‌ت نه‌خش یا ده‌وریگ دوینێد و كاریگه‌رى كه‌ێده‌ بان كار شه‌یتان؟

دویاى مردن سه‌ده‌ها هه‌زار له‌هاووڵاتیه‌یل یابان وه‌بوونه‌ى بوردمانكردن شاره‌یل یابان وه‌ ناپاڵ و نه‌وه‌وى له‌لایه‌ن ده‌وڵه‌ت ئه‌مریكى، پرسیار له‌كابرایگ یابانى كریا ئایا خوسه‌د تیه‌ێد له‌ ئه‌مریكاو ئه‌مریكیه‌یل؟ ئه‌ویش وه‌گشت راسییگه‌و وت: خوسه‌و قینگرتن وه‌كارم نیاێد، چوینكه‌ وه‌خت وه‌پى كوشم!.

 

كفاح هادى