شار سه‌د قاپی

شفق نيوز

ئه‌قسه‌ر شاريگه‌ مسری ك ئه‌وسا پايته‌خت كويه‌ن مسر بوی و عه‌ره‌به‌يل له‌وه‌ر فريه‌يی كوشك و په‌رسگا له‌تی ناونی نان ئه‌قسه‌ر، ك دويای ئه‌وه‌يش مێژوونويسه‌يل ناوی نانه‌سه‌ "شار سه‌د قاپی" له‌وه‌ر فراوانی په‌رسگاو فريه‌يی قاپيه‌يلی.‌

شار ئه‌قسه‌ر يه‌كيگه‌ له‌ ناوچه‌يل كويه‌ن شوونه‌واردار ك گه‌شتيار وه‌ره‌و لای خوه‌ی ئه‌كيشيد و چه‌ن شوونه‌واريگيش كويه‌ن گرته‌سه‌ خوه‌ی و له‌وانه‌يش: په‌رسگای ئه‌قسه‌ر، په‌رسگای دێر به‌حری، په‌يكه‌ره‌يل ئه‌لمه‌منوون، په‌رسگای دێرولمه‌دينه‌، شار هابو، په‌رسگای رمسيۆم، قه‌وره‌يل دووڵ پاشايه‌يل جوور قه‌ورسان توت غنج ئاموون.

ئی شاره‌ له‌ كنار خوه‌رهه‌ڵات ده‌س وه‌پی ئه‌كا وه‌ دريژايی نيل، ك ٢٠٠كم له‌ ئه‌سوان و وه‌ربه‌س عالی دويره‌ له‌ سه‌عيد مسر و گه‌وراترين مووزه‌خانه‌ی واز له‌ جه‌هان گرته‌سه‌ خوه‌ی وه‌ل وجوود سێيه‌كی شوونه‌وار جه‌هان وه‌ شيوازه‌يل ژياری و گه‌شتياری.

شار سه‌د قاپی و شار ئه‌لشه‌مس و شار ئه‌لنوور و شار ئه‌لسه‌وڵجان له‌و ناوه‌يله‌نه‌ ك نريانه‌سه‌ قه‌ی ئی شاره‌ له‌وه‌ر گه‌ورايی و جوانی و نه‌خشه‌ی بونياته‌گه‌ی، ك تا ئيسه‌يش راز ئی داهێنانه‌ ئه‌را كه‌س ئاشكرا نه‌كرياگه‌.

ناو ئيسه‌ی ئی شاره‌ ك ئه‌قسه‌ره‌ ئه‌چێده‌و ئه‌را دويا وازكردن مسر ئسلامی، ك پيكهاتگه‌ له‌ چه‌ن كوشكيگ و بيجگه‌ ئه‌وه‌يش چه‌ن قه‌ورسانيگيش گرته‌سه‌ خوه‌ی له‌وانه‌يش: قه‌ورسان ئاموون، قه‌ورسان سيتی يه‌كه‌م، قه‌ورسان ره‌مسيس سێيه‌م، قه‌ورسان ره‌مسيس شه‌شه‌م، قه‌ورسان حوور محب و له‌ خوه‌رئاوای ئه‌قسه‌ريش قه‌ورسانه‌يل تر دووڵ شاژنه‌يل وجوود ديريد و له‌وانه‌يش قه‌ورسان شاژن نه‌ڤرتيتی.

هبه‌ ئه‌لته‌باع

ج . أ