وه‌سيه‌تنامه‌ى پێشمه‌رگه‌يگ ئه‌را هاوڕيه‌يلى وه‌رجه‌ شه‌هيدبوينى

شفق نيوز

هه‌ناى ك خواستم بچم وه‌ره‌و به‌ره‌يل وه‌رگرى له‌ كوردستان، من و هاوسه‌ره‌گه‌م پويليگ نه‌ياشتيم بڕه‌سنێده‌مه‌ كه‌رت سه‌ربازيه‌گه‌م و ناچار بويم قاسه‌ى مناڵه‌ بويچكه‌گه‌م واز بكه‌م و 10 هه‌زار دينار له‌ 250، 500 ، 1000 دينارى له‌تى بوى بردمه‌ى وه‌بى ئه‌وه‌گ ئاگادارى بكه‌م، دويا وه‌سيه‌تميش ئه‌ى هاوڕيه‌يلم ئه‌وه‌سه‌ ئه‌و پويله‌ له‌جيام بخه‌ينه‌ ناو قاسه‌ى مناڵه‌گه‌م وه‌رجه‌ ئه‌وه‌گ بزانێد من بردمه‌سه‌ى.

ئه‌وانه‌ن ك وه‌ خوين خوه‌يان بنيات كوردستان نه‌ن و له‌وه‌ر خاترى و له‌وه‌ر خاتر گشت ئيمه‌يش وه‌ ماڵ و حاڵيان قوربانى ئه‌يه‌ن و ئه‌وانن قه‌ڵاى سه‌خت ئى كوردستانه‌ ك داگيركردنى مه‌حاڵه‌.

له‌باره‌ى هه‌مان باوه‌ت پێشمه‌رگه‌ى سه‌ركرده‌ باس له‌و مامۆستايه‌يليشه‌ ئه‌كا ك خوه‌ندنگايه‌يل داخستن و ئويشێد: باس له‌وه‌ ئه‌كه‌ن ك بريگ مامۆستا ده‌س له‌ ده‌رسداين هه‌ڵگرتنه‌و هانه‌ ناو ماڵ خوه‌يان و ئسراحه‌تن و ئيمه‌يش له‌ى زمسان سه‌خته‌ روى وه‌ڕوى مه‌رگ بويمنه‌و له‌گشت وه‌ختيگ و حاڵمانيش جوور حاڵ ئه‌وانه‌ وه‌بى مووچه‌، ئايا ئه‌وانه‌ نه‌بايه‌د هويره‌و له‌ خوه‌يان بكه‌ن؟ چوينكه‌ ئيمه‌ ئه‌رك نه‌ته‌وايه‌تيمان گه‌وراتره‌ له‌ مووچه‌و گرينگتره‌ له‌لى.

به‌ڵى برايه‌يلم قسه‌يلم ئه‌را گشتدانه‌ له‌ هه‌ر شوون و پۆستيگ ك چه‌ودان واز بكه‌ن له‌بان كوردستان و ئاسايش و سه‌قامگيريه‌گه‌ى و وه‌رگه‌ى ئى بار جياوازه‌ بگرن ك هاته‌سه‌ تويش هه‌رێم و كه‌ميگ سه‌بر بكه‌ن، چوينكه‌ باوه‌ڕ ناكه‌م ك هووكاره‌يلى نه‌زانين، هه‌ر وه‌و خاتريشه‌ بيلا هه‌ر كه‌سيگ له‌ ئيوه‌ هويره‌و له‌ خوه‌ى بكا له‌ شوون وه‌رپرسيارێتى خوه‌يه‌و ك ئايا هاووڵاتى كوردستانى وه‌رجه‌ روى وه‌ڕوى بوينه‌وه‌و جه‌نگ اعش چوين ژيا.

ته‌وفيق عه‌بدولمه‌جيد