مالكى عراق وه‌ره‌و به‌شبه‌شه‌وبوین ئه‌واد

شفق نيوز

له‌ئاكام ره‌فتار شیتانه‌ى سه‌دام و له‌وانه‌یش داگیركردن كوه‌یت ك له‌یوا له‌كوومه‌ڵگاى ناوده‌وڵه‌تى و هه‌رێمى كرد ئه‌و حوكمه‌ له‌ناو بووه‌ن، ئه‌وه‌ بیگومان خود ه‌و تاریخه‌ چشتیگ له‌خوه‌ى زیاى ئه‌كا له‌ڕه‌فتار نورى مالكى ك به‌دڕه‌فتارى فره‌یگ ئه‌نجام ده‌ێدو دویاخریش بووده‌ بایس به‌شبه‌شه‌وبوین عراق.

 

نورى مالكى ك كه‌سیگ ركابه‌رى ناكا له‌ته‌كڕه‌وى ده‌سڵاتى، جیاوازه‌ له‌وه‌ك سه‌دام ئه‌نجامى دا ك وه‌دكتاتۆر ناسریا، چوینكه‌ مالكى پۆسته‌یل فره‌یگ داگیر كردگه‌ جوور پۆست سه‌رۆك وه‌زیره‌یل و وه‌زیر ناوخوه‌یى و سه‌ركرده‌ى گشتى هیزه‌یل چه‌كدار و چه‌ودیرى راسه‌وخۆ له‌بان دامه‌زریاگه‌یل و تیمه‌یل سه‌ربازى له‌ناوخود به‌غداو پاریزگایه‌یل و سه‌رپه‌رشى له‌بان وزاره‌ت وه‌رگرى و هه‌واڵگرى گشتى و سه‌ربازى و بانك مه‌ركه‌زى و بیجگه‌ سه‌رۆكایه‌تى شماره‌یگ له‌ لژنه‌یل تر.

 

هه‌ر له‌وه‌ر ئه‌وه‌یش نورى مالكى له‌وڵاته‌گه‌ ده‌سڵات گرته‌سه‌ بان گشت وزاره‌ت و ده‌زگایه‌یل ده‌وڵه‌ت له‌ڕى پیاوه‌یلى ك ئه‌ندام حزب ده‌عوه‌ن و خوه‌ى سه‌ركردایه‌تى حزبه‌گه‌ ئه‌كاو له‌هه‌مان وه‌خت هه‌مان ره‌فتار حزب به‌عس گرته‌سه‌ وه‌ر، ئه‌نجا زوورم وزاره‌ته‌یل ده‌وڵه‌ت له‌لایه‌ن وه‌كیله‌یل وزاره‌گه‌و بریه‌نه‌ ڕییه‌و ك گشتیان سه‌ر وه‌ حزبه‌گه‌ى خود مالكیه‌، هه‌ر له‌وه‌ر ئه‌وه‌یش مالكى حزب ده‌عوه‌ى خوه‌ى فه‌رز كرده‌سه‌ بان گشت حزبه‌یل تر و ئه‌وه‌ك سه‌رپیچى وه‌لیا بكا یه‌كسه‌ر ده‌ركریه‌ید له‌پۆسته‌گه‌ى جوور ئه‌وه‌ك وه‌ پاریزگار بانك مه‌ركه‌زى و سه‌رۆك ده‌سه‌ى گشتى هه‌ڵوژاردنه‌یل و لژنه‌ى ده‌سپاكى كریا، دویاى ئه‌وه‌یش ده‌سكرده‌ دویره‌وخستن راویژكاره‌یل سه‌ر وه‌ فراكسیۆنه‌یل سیاسى ك به‌شدارن له‌ وه‌ڕیه‌وبردن وڵات، ته‌نیا ئه‌وانه‌ نه‌ود ك مالكى خوه‌ى توایده‌یان.

 

ئنجا له‌ئاكام ئى هه‌مگه‌ دویره‌وخستن و تارانن هاوبه‌شه‌یله‌ له‌پرووسه‌ى سیاسى و ته‌كڕه‌ویكردن له‌ده‌سڵاتى، ئه‌وه‌ بوى فراكسیۆنه‌یل سیاسى گرینگ ئى ره‌فتاره‌یله‌ ره‌ته‌و كردن و هه‌ر له‌وه‌ر ئه‌وه‌یش سه‌رۆك هه‌رێم كوردستانیش هه‌ڕه‌شه‌ى وه‌زعه‌گه‌ وه‌دڵى نه‌وى و كیشه‌و ناكووكى كه‌فته‌ ناونى هه‌رێم و به‌غدا. یه‌یش بیجگه‌ لایه‌نه‌یل تر جوور فراكسیۆن ئه‌حرار ك گه‌ردنه‌ شوون سه‌ندنه‌وه‌ى متمانه‌ له‌ مالكى و ئاڵشتكردنى وه‌ سه‌رۆك وه‌زیره‌یلیگ تر، ئنجا ئه‌گه‌ریش ئى كاره‌ سه‌رنه‌كه‌فت ئه‌وه‌ بیگومان كوردیش گه‌ردنه‌ شوون چاره‌نویس خوه‌یان ك شایه‌ت سه‌روه‌خوه‌یى هه‌رێم كوردستان له‌لى بكه‌فێده‌و، ك یه‌یش هان پاریزگایه‌یل سونى جوور دیاله‌و موسڵ و ئه‌نبار و سه‌ڵاحه‌دین ده‌ێد ئه‌را دامه‌زرانن هه‌رێم سه‌روه‌خوه‌یان.

 

ئى دید و نوڕستن پڕ له‌مه‌ویسى ئاینده‌ى عراقه‌ هووكارى نورى مالكیه‌ نه‌ك هه‌ر له‌وه‌ر بڕیگ له‌ ره‌فتاره‌یلى، به‌ڵكوو ده‌رفه‌تیش ده‌ێده‌ هاوسایه‌یل عراق ده‌خاڵه‌ت له‌كاروبار وڵاته‌گه‌ بكه‌ن.

 

جاسم عه‌بدولعه‌زیز ئه‌لجاسر

ج