پیر ته‌یموور كییه‌؟

شفق نيوز

  پیر ته‌یموور یه‌كیگه‌ له‌ جه‌م ئه‌و 72 پیره‌یله‌ ك له‌سه‌ده‌ى هه‌یشته‌م كووچى ژیاگه‌، یه‌كیگه‌ له‌یاره‌یل تایبه‌ت "سان سه‌هاك به‌رزنجى" ك ناسریاگه‌ وه‌ سوڵتان ئسحاق".

پیر ته‌یموور له‌ هووز هه‌ورامیه‌یله‌، ك له‌ كووتایى سه‌ده‌ى هه‌فتم كووچى هاته‌سه‌ دونیاو چه‌وى وه‌ى دونیاى رووشنه‌ واز بویه‌، ئى زاته‌ هه‌ر له‌ قوناغ مناڵیه‌و خریاسه‌ وه‌ر خوه‌ندن وه‌خاتر وه‌رگرتن زانست و رینمایه‌یل ئایینى.

ته‌یموور له‌لاى زانایه‌یل ئه‌و سه‌رده‌م خوه‌یه‌ ده‌رس فقهى خوه‌نیه‌و هووكاره‌ى شیه‌وكردن و له‌یه‌كه‌وداین مانایه‌یل قورئان بویه‌، دویاى ئه‌وه‌یش له‌وه‌ر خاتر وه‌ده‌سهاوردن زانست فیشتر روى كرده‌سه‌ "به‌غدا"و له‌ورایش خوه‌نین ته‌واویگ خوه‌نیه‌و ده‌باره‌ گله‌و خواردگه‌ ئه‌را زێد وماواى خوه‌ى.

ئنجا له‌شوون ماوه‌یگ روى كرده‌سه‌ ئاوایى شێخان و چه‌ن ساڵیگیش له‌لاى "سان سه‌هاك به‌رزنجى " مه‌ندگه‌و به‌ڵگه‌ى خوه‌نین فقهى له‌لى وه‌رگرتگه‌و دویاخریش گه‌شت كردگه‌ وه‌ره‌و شار موسڵ، دى له‌شار موسڵ باقى عومرى وه‌ ده‌رسداین و رینماییكردن مه‌ردم برده‌سه‌ سه‌ر .

وه‌ل ئه‌وه‌یشا پیر ته‌یموور به‌هره‌ شعر داشتگه‌و شاعریش بویه‌و چه‌ن پارچه‌ شعریگیش داناگه‌، تا وه‌ یه‌كجارى له‌ساڵ 1380 ى زایینى له‌ دونیا ماڵئاوایى كردگه‌و هه‌ر له‌ شار موسڵ وه‌خاك سپاریاگه‌ .

ره‌نجده‌ر ئاواره‌

ج . أ