ئه‌ڵڵاجه‌وى ئیچنه‌ ئه‌وینیده‌م!

شفق نيوز

وه‌رگرتوین له‌وجوود رژیم وه‌رین له‌ده‌سڵات، وه‌لى له‌هه‌مان وه‌خت مه‌ردمان فره‌یگیش نه‌ف وه‌رگرتن له‌وانه‌ك ده‌سكه‌فت دارایى و پله‌و پایه‌ گرتنه‌ده‌س.

 

ئه‌وسا گشت كه‌سیگ بایه‌سه‌ ڕازى وه‌و قه‌ده‌ره‌ بویاتادو هه‌ر كه‌سیگ سه‌ر به‌رزه‌و بكردیاد یه‌كسه‌ر له‌ناو بریا، یا خریا زندان یا سزا دریا یا له‌سێداره‌ دریا، كه‌س نه‌تویه‌نست راسه‌وخۆ روى وه‌ڕوى رژیم سته‌مكاره‌و بوود، وه‌ل ئه‌وه‌یشا ئه‌و مه‌ردمانه‌ له‌هویره‌و ناوه‌یم ك له‌و رووژگاره‌ خه‌بات كردن له‌ده‌یشت و له‌ناو وڵات، یا ئه‌وانه‌ك ده‌رده‌سه‌رى زندانه‌یل كیشان.

 

ئه‌و ئاڵشتكاریه‌ ك ڕویدا له‌لایگه‌و نه‌ف هاووڵاتیه‌یل عراقى له‌تى بوى ئه‌را وه‌رگرتن هه‌قه‌یل نادیاریان، یا له‌وه‌ر خاتر گوزارشكردن و نیشانداین راى و ده‌رچگن ئه‌را خودنیشانداین له‌وه‌ر خاتر ئازادى، ك یه‌یش ده‌سكه‌فت خاسیگ له‌لى كه‌فته‌و، وه‌لى له‌لایگ تریشه‌و مه‌ردمان فره‌یگیش له‌و هه‌قه‌یله‌ بیبه‌ش بوین و ئه‌را ته‌نیا وه‌زیفه‌یگ بایه‌سه‌ له‌ڕى رشپه‌ته‌و بڕه‌سنه‌ مه‌رام ك هه‌وڵ و خه‌بات فره‌یگیش ئه‌را رووژگایگ جوور ئمڕوو، وه‌لى كه‌سه‌یل تر بوینه‌ خاوه‌ن پۆست له‌ده‌زگایه‌یل ده‌وڵه‌ت.

 

له‌یره‌ ئه‌وه‌ك داواى هه‌قه‌یل خوه‌ى بكا، یا خودنیشانداین ئه‌را داواكارى هه‌قه‌یل گشتى ئه‌نجام بدریه‌ێد، ئه‌وه‌ له‌دید حكوومه‌ته‌و ئیچنه‌سه‌ ك ئه‌خوازن ستوینه‌یل ده‌وڵه‌ت له‌ق بكه‌ن، یه‌یش ماناى ئه‌وه‌سه‌ هویچ جیاوازییگ نییه‌ وه‌ل رژیم وه‌رین له‌ سیاسه‌تى ك ئازادى له‌مه‌ردم سه‌ندوید، هه‌ر له‌وه‌ر ئه‌وه‌یش فره‌ كه‌س له‌بان نیه‌ت پاك خوه‌یان ترس به‌شداریكردن دیرن.

 

ئیمه‌ باوه‌ڕمان ئیچنه‌سه‌ ئه‌وه‌ك به‌شدار بوود له‌ خودنیشانداین دژ ده‌وڵه‌ت یا حكوومه‌ت نییه‌، به‌ڵكوو كه‌سیگه‌ ئازاد و هه‌قیگ  سروشتیه‌ وه‌گووه‌رى ده‌ستوور و یاسایه‌یل ئنسانى و ناوده‌وڵه‌تى، ك نواگرتن و قه‌یه‌غه‌كردنى وه‌هه‌ر شیوه‌یگ  بى قانجازه‌، هه‌ر له‌وه‌ر ئه‌وه‌یش راس نییه‌ ك هه‌ر مه‌ردمانیگ خودنیشانداین ساز بیه‌ن لایه‌نیلیگ دژ و كینه‌تدار پشتگیرى له‌لى بكه‌ن!

 

له‌و قسه‌یله‌ ك بڕیگ نه‌فام و بى ئه‌قڵ ئویشنه‌ى و ته‌نانه‌ت ئه‌وانه‌ك نه‌فوه‌رگرن و ئه‌خوازن مه‌ردم له‌ساى دیمۆكراسى و ئازادى نه‌ژیه‌ن و ڕاده‌رخستن ئازاد نه‌یاشتوون، ئه‌وه‌سه‌ ك له‌وه‌خت هه‌ڵوژانن ڕى له‌مه‌ردم گرن و توانه‌یان ده‌نگ بیه‌نه‌ ئه‌وانه‌ك خوه‌یان په‌سه‌نیان كه‌ن، ئمجا ئویشن" له‌وه‌خت سه‌دام له‌كووره‌ بوین، ئه‌را كه‌س نه‌تویه‌نست ده‌م واز بكا؟" بیگومان ئى جووره‌ قسه‌یگ له‌ بیئه‌قڵیه‌و ئه‌یه‌ێد، چونكه‌ ئه‌وه‌ك له‌ى وڵاته‌ بوى و له‌ساى ئه‌و رژیمه‌ ژیا هویچ ده‌سڵاتیگ نه‌یاشتله‌ژیر جه‌به‌رووت و سته‌م ئه‌و رژیمه‌، ئه‌وه‌كیش له‌ى وڵاته‌ نه‌ویه‌ بیگومان له‌ ترس گیان خوه‌ى وڵات هیشته‌جى، دى گشتمان جوور یه‌ك زوڵم سته‌م له‌لیمان كریا، ك ئیسه‌یش جوور یه‌ك هه‌ناسه‌ى ئازادى هه‌ڵكیشیم.

 

خودا ره‌حمه‌ت ئه‌و گورانیچڕه‌ بكا ك وت" له‌یلا ته‌ماشاى پیرییم نه‌كه‌ید، تنیش پیر بوید و جوور من وه‌پید ئه‌یه‌ێد".

 

هادى جلو مه‌رعى

 

ج