مێزه‌ر سه‌ر سوڵتانه‌يل عوسمانی

شفق نيوز

كتاو خوه‌نين دونيا ئه‌رامان ئه‌يه‌ريد و ئه‌خاده‌ی وه‌رچه‌ومان، ئمجا منيش له‌ڕی خوه‌ندنه‌وه‌ی كتاو ئه‌ی زانياريه‌ ئه‌تويه‌نم باس بكه‌م ئه‌را ئه‌وانه‌ك ك بخوازن نه‌ف له‌ وه‌رگرتن زانياری وه‌ربگرن.

له‌يرا هه‌ميشه‌ ئه‌و پرسياره‌ ئه‌كريه‌يد ك ئايا نهێنی ئه‌وه‌ چه‌س ك مێزه‌ر سوڵتانه‌يل عوسمانی فريه‌ گه‌ورا بويه؟ شايه‌ت مه‌ردمان فريه‌يگ له‌ ئيمه‌ چه‌وی كه‌فته‌سه‌ ره‌سم گه‌ورايی قه‌واره‌ی ئه‌و مێزه‌ره‌يله‌ ك سوڵتانه‌يل عوسمانی نانه‌سه‌ی بان سه‌ريان، وه‌لی شايه‌ت فريه‌يگ له‌ليمان هووكار نيشانه‌و گه‌ورايی قه‌واره‌ی ئی مێزه‌ر(عمامه‌) نه‌زانيم.

له‌ڕاسی ئی مێزه‌ره‌ ته‌نيا ئه‌را سه‌رپووشی نيه‌، يا له‌جيای تانج پاشايه‌يل نيه‌، به‌ڵكوو ئه‌يه‌ كفن سوڵتان عوسمانيه‌و يه‌كيگ له‌ مه‌رجه‌يل سه‌ڵته‌نه‌ت ئه‌وه‌ بويه‌ ك بايه‌سه‌ سوڵتان ئازاو چه‌ونه‌ترس بوود و هه‌ميشه‌ مردن بخاده‌ هوير خوه‌ی له‌گشت وه‌ختيگ.

دی وه‌و خاتريشه‌ سوڵتان عوسمانی ئی مێزه‌ره‌ پيچياده‌ سه‌ره‌و ك گوزارش له‌ كفنه‌گه‌ی كردياد، ئمجا ئی مێزه‌ريشه‌ نه‌ك هه‌ر ته‌نيا نيشانه‌يگ بويه‌، به‌ڵكوو كفنيگ راسكانی و سه‌د له‌ سه‌ديش بويه‌ ئه‌رايان تا له‌وه‌خت مردنيان وه‌پی كفن بكريه‌ن و بنريه‌نه‌ قه‌ور.

هه‌ر له‌وه‌ر ئه‌وه‌يش سوڵتان بايه‌زيد ك له‌ يه‌كيگ له‌ جه‌نگه‌يل ناونی تورك و رووم كوشيا، وه‌هه‌مان مێزه‌ره‌گه‌ی سه‌ر خوه‌ی كفن كرياو وه‌خاك سپاريا.

حازم قاسم

ج . أ