كی ده‌سميه‌ت خوه‌دان بيه‌يد؟!

شفق نيوز

ئيمه‌ ئه‌گه‌ر ته‌ماشای ژيان خود كورده‌يل فه‌يلی بكه‌يم، ئاشكراس ك هيمان له‌ژير بار به‌دبه‌ختی و ئاواره‌يی و ده‌رده‌سه‌ری وه‌ ئه‌زره‌ته‌و ژيه‌ن ‌و چه‌وه‌ڕی هه‌ڵاتن ئه‌ساره‌ی به‌خت و چاره‌نويس خوه‌يان ئه‌كه‌ن له‌ی قوناغ چاره‌نويسسازه‌ ك هيمان مافه‌يليان له‌تی گومه‌و ده‌وڵه‌ت له‌لی كپ و بيده‌نگه‌.

وه‌لی وه‌ل ئه‌وه‌يشا مه‌ردم ئی پيكهاته‌ له‌ هه‌ر وڵات و شوونيگ له‌ی گووشه‌ی زه‌ويه‌ دڵسووز كورد و خه‌مخوه‌ر مه‌ردم و خيزانه‌يل ليقه‌ومياگ پيكهاته‌يل تر كوردن ك له‌ترس كوشتن و گرتن و ده‌سدريژی ترۆريسته‌يل شوون وماوای خوه‌يان وه‌جی هيشتنه‌و روی له‌ كه‌مپه‌يل ئاواره‌يی كردنه‌و چه‌وه‌ڕی هاناو ده‌سميه‌تن.

به‌ڵی ريكخرياگ كورده‌يل فه‌يلی له‌ سلێمانی جاريگتر ده‌سميه‌ت كورده‌يل فه‌يلی ره‌سانه‌ كووچبه‌ره‌يل كورد كۆبانی له‌ هه‌رێم كوردستان و مێژوويگ پڕ له‌ سه‌روه‌ری ئه‌را فه‌يليه‌يل تومار كرد و ده‌سخوه‌شی له‌ يه‌كه‌ يه‌كه‌ی ئه‌ندامه‌يل ئه‌و ريكخرياگ فه‌يليه‌ ئه‌كه‌م ك مايه‌ی شانازی و سه‌ربه‌رزی كورده‌يل فه‌يليه‌و ئويشمه‌ كورده‌يل فه‌يلييش كی ده‌سميه‌ت خوه‌دان بيه‌ێد ك وه‌ی حاڵيشه‌و خه‌ميگ فيشتر خستينه‌سه‌ بان خه‌مه‌يلدان و خه‌مينين ئه‌را ئاواره‌يل كۆبانی.

جه‌ماڵ ئه‌ركه‌وازی