مه‌ردم به‌غداو رووژه‌يل هه‌فته‌

شفق نيوز

- رووژ شه‌ممه‌، ئه‌را زياره‌ت ئيمام مووساى كازم (سڵام خودا له‌لى)

- رووژ يه‌كشه‌ممه‌، ئه‌را زياره‌ت مه‌ريه‌م دويه‌ت عمران له‌ كه‌راده‌ مه‌ريه‌م و سه‌يد ئدريس له‌ كه‌ڕاده‌ شه‌رقى.

- رووژ دوشه‌ممه‌‌، ئه‌را مه‌زارگه‌ى شێخ عومه‌ر.

- رووژ سێشه‌ممه‌، ئه‌را مه‌زارگه‌ى شێخ عه‌بدولقادر گه‌يلانى.

- رووژ چوارشه‌ممه‌، ئه‌را زياره‌ت شێخ جونه‌ێد به‌غدادى.

- رووژ په‌نجشه‌ممه‌، ئه‌را زياره‌ت شێخ مه‌عروف كه‌رخى.

- رووژ جومعه‌يش ئه‌را ئه‌بو حه‌نيفه‌.

دى مه‌ردم نيشته‌جى به‌غدا چ نه‌دار و فه‌قير چ ده‌وڵه‌مه‌ن و سه‌رمايه‌دار، ئى رووژه‌يل هه‌فته‌‌ جوور خشته‌يگ بوى له‌لايان ئه‌را مه‌ردم ئه‌وساى به‌غدا، وه‌لێ ئيسه‌ ره‌فتار و هه‌ڵسووكه‌فت ئاده‌ميزاد ئى وه‌خته‌‌ ئالشتكارى فريه‌يگ هاته‌سه‌ بانى و له‌ هه‌مان وه‌خت بار سه‌خت و ژيان بژى مه‌مريش له‌يوا كردگه‌ خشته‌ى رووژانه‌ى مه‌ردم به‌غدا ئه‌وه‌ بوود ك رووژه‌يل هه‌فته‌ بيجگه‌ رووژ جومعه‌ ئه‌وه‌گ وه‌زيفه‌كاره‌ له‌ دام و ده‌زگاى حكومه‌ت بايه‌سه‌ له‌ يه‌كشه‌ممه‌ تا په‌نجشه‌ممه‌ دوكوتى شه‌وار له‌خه‌و هه‌ڵسن تا زوى بڕه‌سنه‌ ده‌وام، چوينكه‌ دوياى سه‌عات 7 جاده‌ ئه‌وه‌نه‌ له‌وه‌ر سه‌ياره‌ قه‌ره‌باڵغه‌و بوود له‌ گيان خوه‌د جاڕس بويد و ئيوارانيش وه‌ختى ده‌وام ته‌مام ئه‌دێ وه‌ل بانگ مه‌غرب مه‌گه‌ر بڕه‌سێده‌ ماڵ.

يه‌يش بيجگه‌ ئه‌وه‌گ ك كوشتار و كاره‌سات و رفانن و ئاشوو تايفه‌گه‌رى و ره‌گه‌زى سه‌رهه‌ڵداگه‌و ئى پايته‌خت ويرانكرياگه‌ بويه‌سه‌ مه‌يدانيگ ئه‌را جه‌نگ و كيشمه‌كيش حزب و لايه‌نه‌يل سياسى و هويچ تاميگ خوه‌شى له‌تى نه‌يشتنه‌و ته‌نانه‌ت ژيانيش له‌تى بويه‌سه‌ مه‌ترسى.

ره‌نجده‌ر ئاواره‌