قوناغيگ تر له‌ جه‌نگ داعش

شفق نيوز

له‌لايگ تريشه‌و ئاشكرا جوور ئه‌وه‌ك ره‌ساننه‌يل باسی ئه‌كه‌ن به‌شداری ئيران له‌ هاوبه‌شبوين تكريت و ناوچه‌يلی ده‌ورگرد كۆنگرس ئه‌مريكی له‌ناونی دو حزبه‌ سه‌ره‌كيه‌گه‌ وه‌ ته‌مامی شڵه‌قانگه‌، ك هه‌ر وه‌و خاتريشه‌ نادێ گشت ئه‌و ئه‌گه‌ره‌يله‌ ك ئه‌يه‌نه‌ وه‌ر ديده‌ نه‌خشه‌ ئه‌رايان نه‌كيشريه‌يد و هساو نه‌كريه‌يد ئه‌را كاره‌يل له‌ناكاو داعش.

ئه‌و هيز سيه‌ وه‌رده‌وام گورز كاريگه‌ر گشت جوور له‌لی وه‌شيه‌يد، ته‌نانه‌ت ئاڵشتبوين ره‌وت رويداگه‌يل كۆبانی و شه‌نگاڵ و سياسه‌ت توركيايش ئه‌را وه‌رپرسيارێتی راسه‌وخۆ دژايه‌تی ترۆر خاڵ ئاشكراكرياگ فه‌رمی تازه‌ی هه‌مان مه‌سه‌له‌ی تازه‌يگن.

روسيايش ئويشيد: ئيمه‌ به‌شداری به‌ره‌يگ ناكه‌يم له‌لايگه‌و پشتگير ئازادكردن عراق بوود له‌ داعش و له‌لايگ تره‌و پشتگيری له‌باشوور عراق بكا، ئی ده‌رخستنه‌ نه‌رمييگه‌ وه‌رانوه‌ر ئه‌وه‌ك ئه‌گه‌ر واشنتۆن و هاوپه‌يمانه‌يل سياسه‌ت تازه‌يگ له‌ كيشمه‌كيشه‌يل ناونيان بوار دانيشتن فيشتريگ له‌تی بدێ ك مه‌حاڵه‌ له‌و هاوپه‌يمانيه‌ بچنه‌ ده‌يشت.

تونڕه‌وه‌يل ته‌كفيری نه‌ك له‌ عراق گورز خه‌سيگ كه‌فته‌سه‌ وه‌ريان، به‌ڵكوو له‌ سورياو له‌وه‌ر ته‌قاننه‌وه‌ی شوونه‌يل پيرووز ئايينی و له‌ موسڵ ده‌ركه‌فيد ك سياناريۆی تازه‌يگ داشتوون وه‌ گووره‌ی ئه‌وه‌ك خه‌ريكه‌ به‌ره‌ی نوايين ك عراقه‌ و هيز پشتگيريانيش ك ها له‌ سوريا خه‌ريكه‌ دوچار شكه‌ست ئه‌يه‌ن.

له‌ جه‌نگ داعش له‌وه‌ختيگ ك ناوچه‌گه‌ له‌ لوبنان و يه‌مه‌ن و به‌حره‌ين و خوه‌رئاوايی ئه‌فريقيايش خه‌ريكه‌ چه‌خماخه‌ی فراوان له‌لی ئه‌ياد و له‌ عراقيش هه‌ر ناكريه‌يد، ئه‌وه‌ هه‌م هاوپه‌يمانه‌يل و ئه‌وانه‌ك جوور كورد و مه‌ردايه‌تيه‌گه‌ی ك به‌شداری ئۆپراسيۆنه‌گه‌ ئه‌كه‌ن وه‌رانوه‌ر گشت ئه‌گه‌ره‌يل ناوخوه‌يی و به‌ره‌يی و گشتيه‌گان گرينگه‌ ك زانياريه‌يليان پشتڕاسه‌و بكه‌ن، چوينكه‌ جه‌نگ قوناغيگ تر وه‌ خوه‌يه‌و دوينيد و هه‌ر وه‌و خاتريشه‌ بايه‌سه‌ له‌بان مه‌ردم ئازاديخواز ئاگادار بوون، چوينكه‌ وه‌ لايه‌ن كه‌مه‌و ئه‌را كورد و كوردستان جه‌نگ مه‌ندن و نه‌مانه‌.

شازاد ئەنوەر

ج . أ