ده‌سم خورێ پویل ئه‌رام ره‌سێ

شفق نيوز

ك له‌باوگ و باپیره‌یله‌و مه‌ندنه‌سه‌ جى تا رووژگار ئمڕوو، هه‌ر له‌وه‌ر ئه‌وه‌یش دوینیم فره‌ چشت هه‌س له‌ناو خیزان ئاماژه‌ وه‌پى ئه‌كریه‌ێد.

ئه‌وساو بگر تائیسه‌یش یه‌كیگ ئه‌گه‌ر ناو ده‌سى بخورێد، ئویشید پویل ئه‌رام ره‌سێد، وه‌لى بڕیگ كه‌س ئویشن ده‌س چه‌پ و بڕێگیش ئویشن ده‌س ڕاس، دى هه‌ڵبه‌ته‌ ئه‌وانه‌ زیاتر دونیا دیده‌ن له‌ى باوه‌ته‌و ئه‌وانه‌ خاستر زانن ئى مه‌سه‌له‌ راسه‌ یا خه‌یاڵه‌، ئه‌گه‌ر راس بوود ئه‌وه‌ ماناى ئه‌وه‌سه‌ ده‌لیله‌و ئه‌گه‌ریش دروو بوود ئه‌وه‌ هویچ قانجازیگ له‌ شوونى نییه‌.

له‌ى سه‌رده‌م تازه‌گه‌رى و پێشكه‌فتنه‌، ئى جووره‌ مسه‌له‌یگ له‌لاى مه‌ردمانیگ وه‌ خورافات و نه‌فامى دریه‌ێده‌ قه‌ڵه‌م، وه‌لى له‌ولایشه‌و دوینید پیاوه‌یل و ژنه‌یل دونیا دیده‌و ئه‌زمووندار باوه‌ڕ ته‌واویگ دیرن وه‌ى نه‌ریت و قسمه‌ته‌!

ئیمه‌ى ملله‌ت كورد زوى هووكاره‌ى چشت بویمن و زوییش له‌هویریه‌و ئه‌وه‌یم، یه‌یش مینێده‌ بان ئاڵشتكارى بار رووژگار و ته‌فرنجه‌ى ره‌فتاره‌یل ئاده‌میزاد له‌ى سه‌رده‌مه‌ له‌ ده‌روازه‌ى زانست و په‌ره‌سه‌ندن ئه‌قڵیه‌ت ئاده‌میزاد وه‌ گووره‌ى پێشكه‌فتن هه‌وه‌جه‌یل و نزیكه‌وبوین و ده‌ركه‌فتن هه‌ڵسووكه‌فت مه‌ردمان و ملله‌ته‌ته‌یل جه‌هان له‌ى باوه‌ته‌و.

بڕێگ جاریش دوینید مه‌سه‌له‌گه‌ زوى رێك كه‌فێدو ئه‌و ده‌سخورینه‌ ئاكام وه‌ده‌سگرتن ده‌سكه‌فتێگ له‌لى كه‌فیده‌و ك مه‌رج نییه‌ پویل بوود، به‌ڵكوو هه‌ر چشتیگ تر له‌ جیاى پویلیش بوود هه‌ر وه‌ ئاكام ئه‌و ده‌لیله‌ زاننه‌ى.

یه‌یش له‌ میرات كورده‌وارى و له‌ پیشینه‌یل و باو باپیره‌یلمان ئه‌رامان مه‌ندنه‌سه‌ جى جوور كلتووریگ و مه‌ردمان فره‌یگ هێمان هانه‌ بان ئه‌و باوه‌ڕه‌و ئى چشته‌ له‌لایان خه‌یاڵ نییه‌، به‌ڵكوو سه‌د له‌سه‌د وه‌ راسى زاننه‌ى و باوه‌ڕ وه‌پى دیرن و فره‌جاریش دوینیم كه‌سیگ وه‌ختى ناو ده‌سى خورێد چه‌ن جاریگ ماچى ئه‌كاو نه‌یده‌ى تیوڵیه‌و له‌وه‌ر ئه‌وه‌ك جوور رزقیگ زانێده‌ى.


ج. ا