نه‌فت چه‌ ئه‌را هه‌رێم كوردستان و توركیا ئه‌كا؟

شفق نيوز

  په‌یوه‌ندى بازرگانى ناونى هه‌رێم كوردستان و توركیا، ساڵ له‌ دویاى ساڵ فیشتر بوى و چه‌نه‌ها گام خاس ناو كاریگه‌رى خاسیش كرده‌ بان پیشخستن كه‌رت ئابوورى و زینگه‌وكردن ژیرخان ئابوورى هه‌رێم.

دویاى فیشتر له‌ 50% كاڵاى هاورده‌ ئه‌را هه‌رێم، ئه‌وه‌ بوى كوردستان بویه‌ كاڵاى توركى و 50% ئه‌و كومپانیایه‌یل توركیه‌ ك له‌ده‌یشت وڵات خوه‌یان كاركه‌ن ئى كاریشه‌ له‌لیانه‌و سه‌رهه‌ڵدا ك گام بنه‌ن وه‌ره‌و كیشانن مه‌یل كومپانیایه‌یل تر.

دروسكردن لویله‌ى جیوازكردن نه‌فت هه‌رێم كوردستان ئه‌را توركیا، گشت په‌یوه‌ندیه‌یل بازرگانى و ئابوورى هه‌ردگلا برده‌سه‌ قوناغیگ فریه‌ به‌رز و ئه‌تویه‌نیم ناوى بنه‌یم گامناین له‌ په‌یوه‌ندى بازرگانى وه‌ره‌و په‌یوه‌ندى ستراتیجى ئابوورى دو وڵات هاوساى یه‌كترى.

وه‌ گووره‌ى پیشبینى ئابووریناسه‌یل، وه‌رجه‌ ساڵ 2015 نه‌فت دراوریاگ هه‌رێم له‌ رووژیگ ئه‌ڕه‌سیده‌ یه‌ك ملیۆن به‌رمیل و تا ساڵ 2020 ئه‌ڕه‌سیده‌ دو ملیۆن به‌رمیل نه‌فت له‌ رووژیگ .

بیگومان یه‌یش له‌یوا كردگه‌ توركیا وه‌ چه‌ویگ ستراتیجیه‌و ته‌ماشاى هه‌رێم كوردستان بكا، له‌وه‌ختیگیش له‌ 27/ 11/ 2013 نه‌یچێروان بارزانى سه‌رۆك وه‌زیره‌یل هه‌رێم كوردستان و ره‌جه‌ب ته‌یب ئه‌ردوغان ریككه‌فتنیگ گرینگ ئمزا كردن له‌بان نه‌فت و وزه‌، دى له‌وه‌وه‌ دو چشت رویدا، یه‌كه‌میان ئه‌و ریككه‌فتن ستراتیجى ئابووریه‌و، دویه‌میان گوزه‌ركردن له‌ په‌یوه‌ندیه‌یل بازرگانى ئه‌را په‌یوه‌ندى راسكانى ئابوورى و ستراتیجى.

ئنجا وه‌ گووره‌ى باوه‌ڕ له‌ 2 ساڵ ئاینده‌ چه‌ومان ئه‌كه‌فیده‌ به‌رهه‌مه‌یل ریككه‌فتنه‌ ستراتیجیه‌گه‌ى توركیاو هه‌رێم كوردستان و ئه‌و وه‌خته‌ ئه‌رامان ده‌ركه‌فید ك نه‌فت هه‌رێم كوردستان چه‌ ئه‌را ئابوورى هه‌ردوگلا كردگه‌و تا چه‌نیگ ئه‌و په‌یوه‌ندیه‌یله‌ به‌رزه‌و كردگه‌، دى ئه‌و وه‌ختیشه‌ له‌وه‌ ره‌سیمنه‌و ك په‌یوه‌ندى بازرگانى چ سه‌ره‌تایگ بویه‌ ئه‌را بازداین وه‌ره‌و قوناغیگ ئابوورى ستراتیجى.

وه‌ل ئه‌وه‌یشا ئه‌گه‌ر دانیشتنه‌یل نه‌یچێروانى بارزانییش وه‌ل نوێنه‌ره‌یل كورد له‌ به‌غداو په‌رله‌مانتاره‌یل هه‌رێم كوردستان به‌شیگ بوید له‌و باوه‌ته‌، ئه‌وه‌ بیگومان كار خاسیگه‌و بایه‌سه‌ فیشتر له‌بان ئه‌و مه‌سه‌له‌ قسه‌ ئه‌را مه‌ردم هه‌رێم بكریه‌ید ئه‌را ئه‌وه‌ك دڵنیا بوون له‌وه‌ك ئى كاره‌یله‌ له‌وه‌ر خاتر به‌رژه‌وه‌ندى ئابوورى هه‌رێم كوردستان و مه‌ردمه‌گه‌یه‌ وه‌ گشتى.

شوان به‌رزنجى

ج . أ