ئایا ژنه‌یل نه‌خش گرینگ دوینن له‌ كومه‌ڵگاى ئمڕوو؟

شفق نيوز

  ژن چوین ئه‌تویه‌نید له‌ كومه‌ڵگا سه‌ركه‌فتگ بوود؟ ئه‌راچه‌ ژنه‌یل نه‌خش گرینگ دوینن له‌ كومه‌ڵگاى ئمڕوو؟ هه‌ڵبه‌ته‌ یه‌یش باوه‌ڕ ئیمه‌س ك ژنه‌یل ئه‌تویه‌نن نه‌خش گرینگ بوینن له‌ كومه‌ڵگا وه‌و جووره‌ ك خوه‌یان خوازیارن.

هه‌ڵوژاردنه‌یل وه‌رده‌م ژنه‌یل له‌ كومه‌ڵگاگه‌مان له‌ وه‌ڕیه‌وبه‌ر جیوه‌جیكار كومپانیایه‌یله‌و بگر تا ره‌سیده‌ ئه‌نجامداین كاره‌یل خوه‌یبه‌خشى په‌روه‌رده‌و ئمایه‌تكردن مناڵ و به‌حس ئه‌كادیمى ده‌س وه‌پى ئه‌كا.

كومه‌ڵگاى ئیمه‌ دگان وه‌ ئه‌وه‌ نه‌ید ك شوون په‌نجه‌ى ژنه‌یل له‌ گه‌شه‌كردن كومه‌ڵگا دیاره‌و زوورميشى ئه‌كه‌فیده‌ بان ئه‌وان و هه‌ر ئه‌وان زانن چوین مامڵه‌ بكه‌ن وه‌ل ئه‌و سه‌رچه‌وه‌یله‌ ك ها له‌وه‌رده‌سیان، له‌ هه‌مان وه‌خت چشت خراویگیش نیه‌ ئه‌گه‌ر ئاماژه‌ وه‌ ماوه‌یل ژیان بكه‌یم ك يه‌يش كاریگه‌رى دیرید له‌بان نه‌خش ژنه‌یل له‌ كومه‌ڵگا.

له‌وه‌ختیگ ك وه‌ گووره‌ى بار خیزانى، هیز و سه‌رچه‌وه‌یل جیاوازن، مناڵ دیرید یا نه‌یرید، بڕیار دایده‌ له‌ ماڵ بمینید له‌وه‌ختیگ مناڵه‌یلد له‌ عومر وه‌رجه‌ چگن وه‌ خوه‌ندنگان یا مناڵه‌یلد له‌ ماڵ خوه‌نن، گشت ئى قوناغه‌یله‌ ئه‌رك و فه‌رمان تازه‌و ده‌رفه‌ت جیاواز دیرید ئه‌را ئه‌وه‌ك كاریگه‌رى نه‌یاشتوود له‌بان نه‌خش ژنه‌یل له‌ كومه‌ڵگا، وه‌ل ئه‌وه‌یشا ژیان خیزانى وه‌ شیواز جیاوازیگ كاریگه‌رى خوه‌ى دیرید.

ئمجا گه‌وراترین ترس ئیمه‌ ئه‌را ژنه‌یل له‌ وه‌رانوه‌ر ئه‌و هه‌ڵوژاردنه‌یل فریه‌ ك ئمڕوو هانه‌ وه‌رده‌س ئه‌را ئه‌وه‌ك ژنیگ سه‌ركه‌فتگ بوود، گرینگ ئه‌وه‌سه‌ ك ئامانجه‌یل له‌ قوناغه‌یل جیاواز ژیان دیارى بكا و دى وه‌ گووره‌ى وه‌سه‌رچگن وه‌خت له‌و قوناغه‌یله‌ مه‌زه‌نه‌ ئه‌را جیاوازه‌یل ژیان دیارى بكریه‌ید، ك یه‌یش گه‌ره‌نتى ئه‌و ئامانجه‌یله‌ ئه‌كا ك زویتر دیارى كریانه‌ له‌ ژیان و تائیسه‌ وجوود دیرن.

وه‌ل ئه‌وه‌یشا بایه‌سه‌ مه‌زه‌نه‌ى ئه‌و ئامانجه‌یله‌ بكریه‌ید ئه‌را ئه‌وه‌ك ئاگادار بوون له‌و گه‌شه‌داینه‌ ك ئه‌نجام ئه‌دریه‌ید، ئمجا ئه‌و ریه‌یله‌ ك ژنه‌یل خوازیارن ئامانجه‌یلیان وه‌پى بارنه‌ ده‌س بایه‌سه‌ سه‌رڕشته‌دار و دروسكه‌رى بوون.

فیشتر له‌ وه‌خته‌یل تر، ژیان كرداریگ هاوسه‌نگه‌، ك بایه‌سه‌ له‌تى ژیان كه‌سایه‌تى و ژیان هاوسه‌رگیرى و ژیانى خیزانى و داواكاریه‌یل كومه‌ڵایه‌تى مه‌زه‌نه‌ بكریه‌ید، وه‌ل ئه‌وه‌یشا بایه‌سه‌ پلانه‌یلیش وه‌و جووره‌ بوون ك ژنه‌یل نیاز دیرن داواكاریه‌یلیان له‌تى وه‌ده‌س بارن، دى وه‌ ئه‌نجامداین كاره‌یل وه‌ى شیوازه‌ بیگومان ژنه‌یل ئه‌تویه‌نن ژیانیگ په‌سه‌ن و نه‌خش گونجیاگیگ جوور ژن په‌یا بكه‌ن.

ئه‌ندریا گرۆنى

ج . أ