به‌رزه‌وكردن ئاست ره‌سانن و كه‌رت كاری جایه‌ڵ و جوانه‌یل له‌ هه‌رێم

شفق نيوز

وه‌یخاتره‌ بایه‌د نه‌خش چالاك خوه‌ی له‌ بته‌وكردن بنه‌وایه‌یل ده‌وڵه‌ت و په‌خشه‌وكردن روح نیشتمان په‌روه‌رانه‌ له‌ناونی ده‌وڵه‌ت و پێكهاته‌یل ملله‌ت جیوه‌جی بكا. ره‌سانن ئه‌ركه‌یل فره‌یگ دیرێ و تویه‌نێ كه‌ش و هه‌وای گونجیاگیگ ئه‌را جموجویل گه‌شه‌په‌یاكردن له‌ كومه‌ڵگا وه‌دی بارێ و زانیاریه‌یلیگ پیشكه‌ش بكا ك جوور نه‌خشه‌یگه‌ ئه‌را لایه‌نه‌یلیگ وه‌ل پرۆسه‌ی سه‌رمایه‌گوزاری و بواره‌یل ئابووری نیشتمانی و بواره‌یلتر په‌یوه‌ندی دیرن. گرنگی ئه‌ی لایه‌نه‌ له‌ دامه‌زرانن ده‌وڵه‌ت بته‌وكردنی سه‌به‌ب بوی ك سه‌ركرده‌یل كوردستانی گرنگی بیه‌نه‌ پیشخستن ره‌سانن و پشتگیری له‌لی و ئاكادیمی ره‌سانن عیراقی وه‌ پشتگیری وزاره‌ت خارجیه‌ی ئه‌ڵمانیه‌ له‌ هه‌ولێر پایته‌خت هه‌رێم كوردستان كریاوه‌ تا ئاست ره‌سانن له‌ گشت لای عیراق و هه‌رێم كوردستان به‌رزه‌و بوود و ئه‌ی باوه‌ته‌ له‌ی قوناغه‌ ك عیراق هاله‌تی گرنگی فره‌یگ دیرێ. حكوومه‌ت هه‌رێم كوردستان ته‌قالایل فره‌یگ ئه‌نجامدا ئه‌را به‌رزه‌وكردن لایه‌ن ره‌سانن له‌ هه‌رێم ئه‌وه‌یش له‌ڕیگه‌ی پیشكه‌شكردن پشتگیری و ده‌سمه‌یه‌ت ئه‌را ئه‌ی ئاكادیمیه‌.
جی باسه‌ گوڤار پێشمه‌رگه‌ ك له‌لایه‌ن وزاره‌ت پێشمه‌رگه‌ له‌ هه‌رێم كوردستان بڵاوه‌و كریه‌ێد یه‌كمین كۆنفرانس خوه‌ی له‌ هه‌ولێر پایته‌خت هه‌رێم كوردستان و له‌ژیرناونیشان (وه‌ره‌و ده‌زگایی كردن ره‌سانن سه‌ربازی) وه‌رپا كرد و ئه‌نوه‌ر عوسمان وه‌كیل وه‌زیر پێشمه‌رگه‌ و شماره‌یگ له‌ ماموستایه‌یل زانكۆی سه‌ڵاحه‌دین له‌ بوار زانست ره‌سانن و فره‌تر له‌ 40 كه‌سایه‌تی بوار میدیا به‌شداری كردن و ئامانج له‌ی كۆنفرانسه‌ پیشخستن ره‌سانن سه‌ربازی له‌ هه‌رێم كوردستان بوی تا بووده‌ ده‌زگای ره‌سانن سه‌ربازییگ ك وه‌گوره‌ی بنه‌وایه‌یل زانستیگ كار ئه‌كا و ته‌قالا ئه‌را به‌رزه‌وكردن ئاست ئاگاداری هێزه‌یل پێشمه‌رگه‌ و بته‌وكردن روح نیشتمان په‌روه‌ری له‌ ناونی كارمه‌نده‌یل وزاره‌ته‌گه ئه‌كا‌.
هه‌وه‌وجووره‌گ ره‌سانن نه‌خش چالاكیگ له‌ بته‌وكردن بنه‌وایه‌یل ده‌وڵه‌ت دیرێ، جاێه‌ل و جوانه‌یلیش له‌ڕیگه‌ی ئه‌زموونه‌یل هونه‌ری و كاری خوه‌یان ده‌سمه‌یه‌ت ده‌وڵه‌ت ده‌ن ئه‌را دامه‌زرانن هه‌رێم و پێشخستنی، وه‌یخاتره‌ ئاسوس نه‌جیب عه‌بدوڵڵا وه‌زیر كار و كاروبار كومه‌ڵایه‌تی كوچگ بنه‌وای دامه‌زرانن ناوه‌ند كارو مه‌شق وه‌پیكردن كاری له‌ زاخۆ دانا ك ئه‌ی پرۆژه‌ گامیگه‌ وه‌ره‌و ئاوادانی و پیشكه‌فتن له‌ هه‌رێم كوردستان تا بڕه‌سێده‌ ئاست پیشكه‌فتگیگ ك وه‌ل ئاڵشتكاریه‌یل و پیشكه‌فتنه‌یل وه‌دیهاتگ له‌ ناوچه‌گه‌ بگونجیه‌ێد، ئامانج له‌ وازكردن ئه‌ی ناوه‌نده‌ پشتگیریكردن له‌ جاێه‌ڵ و جوانه‌یل و گه‌شه‌داین بوار كاری له‌ڕیگه‌ی واز كردن ده‌وره‌یل مه‌شق وه‌پیكردن ئه‌را ده‌رچگه‌یل كولیژ و زانكۆیه‌یل و په‌یمانگایه‌یل هه‌رێمن، وه‌یخاتره‌ وزاره‌ت كارو كاروبار كومه‌ڵایه‌تی له‌ هه‌رێم كوردستان  خوله‌یل مه‌شق وه‌پیكردن ئه‌را جاێه‌ڵ و جوانه‌یل و ده‌رچگه‌یل هه‌رێم و ته‌نانه‌ت بێكاره‌یل پارێزگایه‌یل هه‌رێم ڕێكخه‌ید.
وزاره‌ت بینایه‌یگ ئه‌را ئه‌ی ناوه‌نده‌ ته‌رخان كردگه‌ تا جاێه‌ڵ و جوانه‌یل هه‌رێم مه‌شق وه‌پیان بكریه‌ێد و هه‌میش قه‌رته‌یلیگ له‌لایه‌ن سه‌ندوق پشتگیری كردن له‌ جایه‌ڵ و جوانه‌یل پیشكه‌ش كریه‌ێد تا بتویه‌نن پرۆژه‌یل بویچگیگ ئه‌را خوه‌یان جیوه‌جی بكه‌ن و له‌هه‌مان وه‌ختیش وزاره‌ت ئه‌خوازێ ده‌رفه‌ته‌یل كاری ئه‌را جایه‌ڵ و جوانه‌یل دیاری بكا، ئه‌وه‌یش له‌ڕیگه‌ی پرۆژه‌یل جووروه‌جووریگ له‌وانه‌یش پرۆژه‌ی سه‌ندوق پشتگیری له‌ پرۆژیل بویچگ جایه‌ڵ و جوانه‌یل و جیوه‌جی كردن ئه‌ی جوور پرۆژه‌یلیگ فره‌ گرنگه‌ و وازكردن ئه‌ی ناوه‌نده‌ له‌ زاخۆ ده‌سكه‌فت فره‌ گه‌ورایگه‌ ك هاله‌ به‌رژه‌وه‌ندی جایه‌ڵ و جوانه‌یل و بیكاره‌یل تا توانایه‌یلیان گه‌شه‌ بكه‌ن و قه‌رته‌یلیگ ئه‌را پشتگیری كردن له‌ جایه‌ڵ و جوانه‌یل پیشكه‌ش كریه‌ێد وه‌كار بوه‌ن و پرۆژه‌یل خوه‌یان جیوه‌جی بكه‌ن و ده‌سمه‌یه‌ت خوه‌یان و خێزانیان و كۆمه‌ڵگه‌یان بیه‌ن.
وه‌یخاتره‌ وزاره‌ت بڕیارداس ئه‌را جیوه‌جی كردن ئه‌ی جوور پرۆژه‌یلیگ تا ده‌رفه‌ته‌یل كاری ئه‌را جایه‌ڵ و جوانه‌یل و بیكاره‌یل هه‌رێم زامن بكریه‌ێد.
محه‌مه‌د عه‌لی سه‌ماوی