یاد هه‌ڵه‌بجه‌ بیلا بووده‌ رووژ ئاشتبوینه‌وه‌ى گشتگیر له‌كوردستان

شفق نيوز

به‌یگ له‌ئاست ناوخوه‌یى و ده‌ره‌كى. له‌ رووژ 1988/3/16 شار هه‌ڵه‌بجه‌ى كیمیاوارن كریا و زیاتر له‌ په‌نج هه‌زار رووڵه‌ى كورد ئه‌و شاره‌ شه‌هید بوین و شماره‌ى فره‌یگیش زه‌خمدار بوین و تا ئیسه‌یش شوونه‌وار ئه‌و كاره‌ساته‌ دیاره‌ له‌بان ئاده‌میزاد و سروشت ئه‌و شار غه‌درلیكریاگه‌.

وه‌رجه‌ كیمیاوارانكردن هه‌ڵه‌بجه‌، هه‌زاران كورد (فه‌یلى)یش زینگ وه‌چاڵ كریان و (8000)بارزانى بى سه‌روشوون كریان و (182000)ئاده‌میزاد تر له‌لیان جینۆساید كریا، گشت ئه‌ى كاره‌ساته‌یله‌ له‌ناونى ساڵه‌یل (1979- 1988)هاته‌ بان ملله‌ت كوردستان، بیجگه‌ ئه‌وه‌یش كاره‌یل و تاوانه‌یل تر ئه‌نجام دریا جوور كاولكارى ئاوایه‌یل وه‌ مه‌هانه‌ى ئه‌وه‌ك نزیكه‌و كریه‌ن ئه‌را شوونه‌یل تر.

هه‌ڵه‌بجه‌ى شه‌هید له‌وه‌رچه‌و گشت وڵاته‌یل جه‌هان و كامیراى رووژنامه‌گه‌رى وه‌ شیوه‌یگ ئاشكرا كیمیاواران كریا و گشت جه‌هان له‌وه‌رانوه‌ر گه‌وراترین تراژیدیاى نائنسانى و دڕندانه‌ بیده‌نگ بوى و گشت قانوونه‌یل ناوده‌وڵه‌تى و هه‌قه‌یل ئاده‌میزاد ژیرپا خریا، یه‌یش مایه‌ى شه‌رمه‌زارى بوى ئه‌را كومه‌ڵگاى ئنسانى، ئنجا خوه‌شبه‌ختانه‌ ئه‌و ئاڵشتكاریه‌ له‌گشت ناوچه‌یل عراق ڕویدا و ملله‌ت عراق قورتار بوین له‌ده‌س رژیم به‌عس و گشت سه‌ران به‌عس و تاوانباره‌یل  كه‌فتنه‌ ژیر ده‌سڵات دادگا ئه‌را دادگاییكردن. ئه‌وه‌سه‌ ئمڕوو گشتمان ئه‌و یاده‌ كه‌یمنه‌ تاوان سه‌ره‌كى   قه‌یرى له‌و داروده‌سه‌ ك ره‌سینه‌ سزاى خوه‌یان و ئه‌وه‌سه‌ مه‌سه‌له‌ى كاره‌سات هه‌ڵه‌بجه‌ وه‌ شیوه‌یگ ره‌سمى جوور تاوان جینۆساید له‌لاى دادگا به‌رزه‌و بوى و ناسریاو له‌ئاست ده‌یشتیش قه‌یرى ئاڵشتكارى بى وینه‌ ڕویداو سستم سیاسى له‌ جه‌هان له‌ڕوى هاوكیشه‌ى سیاسى و هاوسه‌نگى چشته‌یل فره‌یگ  وه‌خوه‌یه‌و دیه‌. ئمڕوو ئه‌وه‌سه‌ كومه‌ڵگاى جه‌هانى له‌وه‌رانوه‌ر ئه‌و تراژیدیایه‌یله‌ جویر جینۆسایدو جه‌مكوشى و تاوانه‌یل تر بیده‌نگ نیه‌وگ، جویر ئه‌وه‌ك له‌ كۆسۆڤۆ كه‌فته‌ وه‌رچه‌و، ك ئه‌و ملله‌ته‌ له‌ئه‌نجام ئه‌وه‌ك كه‌فتنه‌ وه‌ر هه‌ڕه‌شه‌ى پاكسازى ره‌گه‌زى، ئمڕوو هه‌ق سه‌روه‌خوه‌یبوبن وه‌رگرت.

جى داخه‌ ك له‌ناو هه‌ر سستمیگ مه‌سه‌له‌ى دوڕویى وجوود دیریگ و ئه‌وه‌سه‌ فره‌جار باوه‌ت ئنسانى و یاسایى و په‌یماننامه‌ى ناوده‌وڵه‌تى خریه‌یگه‌ قاڵب به‌رژه‌وه‌ندى سیاسى و ئابوورى، ئه‌را نموونه‌: ملله‌ت كوردستان هه‌زاران قوربانى و چه‌نه‌ها تاوان نائنسانى ده‌رهه‌قیان ئه‌نجام دریا و گشت ئه‌و تاوانه‌یله‌ له‌ڕوى یاسا و په‌یماننامه‌ى ناوده‌وڵه‌تى چنه‌ خانه‌ى جینۆساید، وه‌لى نووڕید هیمان كه‌مترین هه‌قیش جویر فیدراڵیزم له‌عراق فیدراڵى وه‌ته‌واوى دابین نه‌كریاگه‌و بیجگه‌ ئه‌وه‌یش ناوچه‌یل فره‌یگ تا ئیسه‌یش گرفتارن وه‌ده‌س جیوه‌جى نه‌كردن مادده‌ى (140) ده‌ستوور و ناتنه‌سه‌و ئه‌را بان خاك هه‌رێم كوردستان.

ئومیده‌واریم یاد هه‌ڵه‌بجه‌ بووده‌ رووژ ئاشتبوینه‌وه‌ى گشتگیر له‌ كوردستان و ملله‌ت كوردستان ئى رووژه‌ بكه‌نه‌ په‌ند و ئه‌زموونیگ ئه‌را یه‌كه‌وگرتن و ژیان هاوبه‌ش ئاشتیانه‌. هه‌زاران سڵام له‌گیان پاك شه‌هیده‌یل كیمیاواران هه‌ڵه‌بجه‌و گشت شه‌هیده‌یل ڕى رزگارى ملله‌ت كوردستان.