ژن چه‌ ئه‌خوازيد؟

شفق نيوز

راز دڵ ئی ژنه‌ له‌وه‌وه‌ سه‌رچه‌وه‌ ئه‌گريد ك له‌وه‌خت خوه‌ی خواستگه‌ هاوسه‌ره‌گه‌ی ئارام و زووان شيرين بدێ و سووزداری ئه‌رای داشتوود له‌ قسه‌و ره‌فتار، وه‌لی هاوسه‌ره‌گه‌ی وه‌ چه‌واشه‌وه‌ ره‌فتار كردگه‌و مه‌رامی ئه‌وه‌ بوی بويشيد: پياوه‌يل تا جايه‌ڵن تون وتيژن و هه‌نای پير بوون ئارامه‌و بوون، دی خو له‌وه‌ر خاسييان نيه‌. يه‌يش خواستيگ راسكانيه‌ ك ژنه‌يل ديرنه‌ی له‌چوارچيوه‌ی ماف و ئازاديه‌يل، له‌چوارچيوه‌ی مافيگ ك ئاده‌ميزاد وه‌پی بناسريه‌يدو هويچ تر نه‌.

ئی داواكاريه‌يله‌ فريه‌ له‌بان ئه‌و ژنه‌يله‌ ئه‌كه‌فيد ك باسی بكه‌ن و دريه‌ وه‌پی بيه‌ن، هه‌ر له‌ ناوه‌ند حزبه‌يل علمانی و ئسلاميه‌يله‌و تا ناوه‌ند خود كومه‌ڵگا، تا ئه‌و راده‌ كار كرده‌سه‌ بان ئه‌دای ژنه‌يل تازه‌گه‌رخواز ك نه‌ويرن جوور ژن قسه‌ بكه‌ن و بترسن له‌ ژنايه‌تيان، ك يه‌يش له‌لای زوورمينه‌ی ژن ناو مه‌يدان رووشنهويری و سياسيه‌و دياره‌، ك هه‌رچه‌نی ئی مه‌سه‌له‌يشه‌ له‌لای ژنه‌يل كومه‌ڵگای عه‌ره‌بييش وجوود ديريد، وه‌لی كه‌مترين ژنمان خاوه‌ن په‌يام ژنانه‌ن، جوور ئه‌وه‌ك داوای فريه‌يگ له‌ ئنسانيه‌ت كردوين، رويگيرن له‌ باسكردن و له‌ داواكردنی.

پياو ته‌نيا وه‌خت ئه‌را دياريكردن مه‌رز ئحساسه‌يل ژن ديريد، چوينكه‌ هه‌نای ك پياو له‌ ئحساس ژن ناڕه‌سيده‌و گشت كيشه‌يل جياكاری و گشت كيشه‌يل كومه‌ڵايه‌تی ئه‌يه‌نه‌ وجوود، دی ئه‌و وه‌ختيشه‌ پياو وه‌ده‌نگ به‌رز و نه‌ڕه‌نه‌ڕ مانای پياوه‌تی خوه‌يان ئه‌چه‌سپنن، دی ئه‌وسايش ژن له‌وه‌ ئه‌ڕه‌سيده‌و ك گشت وه‌خته‌يل ئه‌را پياوه‌يله‌.

مانای پياوه‌تی داناين پلانه‌ ئه‌را گشت ژنه‌يل كومه‌ڵگا، مانای پشتگيريكردن وه‌خت و سه‌عات و رووژگار و خيزان و ئايين و ياساو كومه‌ڵگاس ئه‌را پياوه‌يل، له‌گشت ئی وه‌خته‌يله‌ گشت رووژه‌يليگ ئه‌را ژنه‌يل پيكهاتگه‌ له‌وه‌ك داوا بكريه‌يد جه‌نگ ئه‌را مه‌رامه‌يل وه‌ده‌س نه‌هاتگ بكه‌ن و بايه‌سه‌ باوه‌ڕ وه‌ خه‌بات و باوه‌ڕ وه‌ پشتگيری بكه‌ن و متمانه‌ وه‌خوه‌يان داشتوون.

شنۆ عوسمان

ج . أ