كه‌ی عیراق تازه‌ دا ئه‌مه‌زریه‌ێد؟

شفق نيوز

سه‌ركه‌فتن و ناوه‌یل تره‌ك شكه‌ست خواردن و دویا كه‌فتن یه‌ حاڵ و ڕووژ حزبه‌یل سیاسی ك یه‌ك ڕووژ سه‌ركه‌فن و ڕووژیگتر شكست خوه‌ن. هاوپه‌یمانیه‌یل و ئیئتلافه‌یلیگ له‌ هه‌ڵوژاردنه‌یل گوزه‌یشته‌ وجوود داشتن له‌ی هه‌ڵوژاردنه‌ له‌یه‌ك شیویان وه‌ له‌ی جه‌هانه‌ گشت چشتیگ ئاڵشته‌و بوود ، وه‌لی ئه‌ی چشته‌ مایه‌ی نگرانیه‌ ك به‌رنامه‌یل ئه‌ی لیسته‌یله‌ وه‌لیه‌كه‌و جیاوازی دیرێ و بووده‌ بایس دویا كه‌فتن هاوپه‌یمانیه‌یلیان و سه‌خته‌و بوین دامه‌زرانن حكوومه‌تیگ گشت لایه‌نه‌یل سه‌ركه‌فتگ له‌ هه‌ڵوژاردن بگریگه‌ وه‌ر . نگرانیه‌یل تره‌كیگیش هه‌س ك ئه‌وانه‌یش نه‌مه‌نین هه‌ست كردن وه‌ وه‌رپرسياره‌تی نیشتمانی و كومه‌ڵایه‌تی وه‌ بڕیگ له‌لایه‌نه‌یل پێشكه‌فتن لایه‌نیگتر له‌ هه‌ڵوژاردن وه‌ ڕووژ سیه‌یگ له‌ مێژوی عیراق زاننه‌ی . بڕیگ له‌ كیانه‌یل وه‌رجله‌ ده‌نگداین ئعلان كرد ك سه‌ركه‌فتگه‌ و بڕیگ تر وه‌رجله‌ ئه‌وه‌گ پرۆسه‌ی هه‌ڵوژاردن ده‌س وه‌پی بكا وه‌ پاكی ئه‌ی هه‌ڵوژاردن شك كردن. كیشه‌ی سه‌ره‌كیگ تویشی هاتیمنه‌ یه‌سه‌ ك له‌ دوسی و دوشمنى تونڕه‌وی ئه‌كریه‌ێد. دیارده‌ی تونڕه‌وی له‌ مێژوو یا تاریخ ئیمه‌ ڕيشگ دیریگ وه‌لی ئیمه‌ ئومیده‌واریم و چه‌وه‌ڕی دامه‌زرانن عیراق تازه‌ كه‌یم ك له‌ی دیارده‌ی خراوه‌ نه‌جات په‌یا بكه‌یم.