كى پشتگیر جایه‌ڵه‌یله‌؟

شفق نيوز

 

گرنگى نه‌داین وه‌رپرسه‌یل حكوومه‌ت وه‌ هاووڵاتیه‌یل عراقى وه‌تایبه‌ت جایه‌ڵ جوانه‌یل كاره‌سات گه‌ورایگه‌و كه‌مته‌رخه‌مى فریه‌یگیش له‌روى خزمه‌تكردن وه‌ جایه‌ڵه‌یل و نه‌وین سه‌رچه‌وه‌ى كارو درامه‌تیگ ئه‌رایان ئاشكراو دیاره‌.

جایه‌ڵه‌یل له‌ى وڵاته‌ بیبه‌شن له‌ خوه‌شى و به‌خته‌وه‌رى و ئى چینه‌ پشتگووش له‌ مافه‌یلیان و تائیسه‌یش نازانیم كى پشتگیر جایه‌ڵه‌یله‌و كى خه‌مخوه‌ر ئى پیكهاته‌ى كوومه‌ڵگاسه‌!؟، یه‌یش له‌وه‌ختیگ ك داهات و ئابوورى عراق ساڵانه‌ ریژه‌ى فریه‌ به‌رزیگ ئه‌خوه‌نیده‌و له‌چه‌و وڵاته‌یل تر جه‌هان.

بیكارى و نه‌وین وه‌زیفه‌ ئه‌را جایه‌ڵ جوانه‌یل وه‌تایبه‌ت ئه‌وانه‌گ خوه‌نه‌وارى ته‌مام كردنه‌و دانه‌مزریانه‌، خه‌مووكى و نگه‌رانى و بى مه‌یلى فریه‌یگ ئه‌رایان دروس كردگه‌و زوورم جایه‌ڵه‌یل ناچارن واز له‌ خوه‌نین بارن و هه‌وڵ و ته‌قلاى كاركردن رووژانه‌ بیه‌ن و كارگه‌رى بكه‌ن، ك وه‌ى جووریشه‌ له‌ ئاینده‌ى گه‌شیگ بیبه‌ش بوون و خه‌یر و به‌یر وڵاته‌گه‌یش ئه‌چێده‌ گیرفان گه‌ناته‌كاره‌یل و ئه‌و وه‌رپرس و كه‌سه‌یل بى وژدان و كه‌مته‌رخه‌م.

له‌یرا ئه‌تویه‌نیم بویشیم زه‌ره‌دمه‌ن یه‌كه‌م چین جایه‌ڵ جوانه‌یله‌ ك فریه‌یگیش له‌لیان له‌وه‌ر نه‌یاشتن سه‌رچه‌وه‌یگ ئه‌را ژیان ناخوازن ژیان هاوسه‌رگیرى دروس بكه‌ن، چوینكه‌ متمانه‌ وه‌ ئاینده‌ى گه‌ش وخوه‌شیگ نه‌یرن و جوور نه‌وه‌ى ئاینده‌ پشتگیرى له‌لیان ناكریه‌ید.

داوود عیسا

ج . أ