پرۆسه‌ى ئه‌نفال

شفق نيوز

هه‌زاران ساڵه‌ى خوه‌یان، ك كوشاننه‌وه‌ى شوونه‌وار و زنگ وه‌چاڵكردن وه‌جه‌م شایه‌تنامه‌ى ئاشكراو نهێنى پرووژه‌گه‌ بوى.

ئاڵشتكردن دیموگرافى جوگرافیاو شیوانن تاریخ و له‌ناوبردن و تاڵانكردن و سزانن وشك وته‌ڕ له‌وه‌ر خاتر مه‌رام پیس شۆفێنیزم عه‌ره‌ب بوى و كه‌فته‌ ناو ئه‌و چاڵه‌ ك ئه‌را مه‌رگ هه‌زاران مناڵ بیتاوان كورد هه‌ڵیكه‌ندویگ.

له‌ ئه‌نجام جه‌نگه‌یل، نه‌ته‌وه‌یل فره‌یگ تاویانه‌سه‌وه‌و ته‌نیا له‌ لاپه‌ڕه‌ى تاریخ ناویان مه‌ندگه‌، وه‌ل ئه‌وه‌یشا ملله‌ته‌یل فره‌یگیش كاره‌سات ئه‌ڵڵاجه‌وى هاته‌ تویشیان و باج قوربانیه‌یل دانه‌ تا ڕه‌سینه‌ سه‌روه‌خوه‌یى. ئه‌نفال یه‌كیگه‌ له‌كاره‌یل فره‌ مه‌ترسیدار تاریخ، ك وه‌و شیواز نائنسانیه‌ یه‌قه‌ى ملله‌تیگ بگریگ.

دویاى ته‌ختكردن و سافكردن زیاتر له‌چوار هه‌زار ئاوایى و كاولكردن شاروچكه‌یل وه‌ چه‌ك قه‌یه‌غه‌كریاگ و زنگ وه‌چاڵكردن 182 هه‌زار ئاده‌میزاد بیتاوان، نیه‌وگ خوه‌مان وه‌ ئه‌وه‌ رازى بكه‌یم ك له‌وه‌ خراوتر نیایگه‌ تویشمان، چوینكه‌ بایه‌سه‌ ئى ملله‌ته‌ چاره‌نویسى دیارى بوود.

كورد نیه‌وگ تا ئه‌و راده‌یشه‌ پشت قایم بووگ و خه‌مسه‌ردى له‌ ئاست ئامانجه‌یل سه‌ره‌كى خوه‌ى نیشان به‌یگ و جڵه‌و چاره‌نویس نه‌ته‌وه‌گه‌ى ئه‌ڕاى شله‌و بكا، به‌ڵكوو بایه‌سه‌ له‌ناو هاوكیشه‌ى سیاسى هه‌میشه‌ داواكار بووگ و كیش یا وه‌زن قورسایى هیزه‌گه‌ى له‌ بڕیار هاوسه‌نگ بكا. چوینكه‌ ئه‌و هیزه‌ ك دویه‌كه‌ پلان كوشاننه‌وه‌ دانا، ئمڕوو له‌ بیده‌سڵاتى ئه‌گه‌رى سه‌ره‌و لیژاییه‌.

دیارده‌ى ته‌قینه‌وه‌و تیرۆر ئمڕوو به‌شیگه‌ له‌ناو پرووژه‌ى وه‌ناو ئه‌نفال دویه‌كه‌، ك ئه‌گه‌ر ئاكامه‌گه‌ى دریژ بیاشتاگ ئه‌وه‌ ئیمه‌یش له‌ تاریخ بویمن، له‌وه‌ر ئه‌وه‌ بایه‌سه‌ خاس بزانیم ك له‌ حكوومه‌ت ئاینده‌ى عراق تازه‌، مه‌حاڵه‌ ك هویچ پۆستیگ سه‌رۆكایه‌تى و كورسى و پویل و حوكم بووگه‌ مه‌ڵهه‌میگ ئه‌را ساڕیژكردن زه‌خمه‌یل سه‌خت گوزه‌یشتمان. هه‌ر له‌وه‌ر ئه‌وه‌یش هه‌رچه‌نى هۆلۆكۆست وه‌لاى یه‌هوودیه‌یله‌وه‌ گرنگ بووگ و ئه‌رمه‌نیه‌یلیش جینۆساید سه‌د ساڵه‌ى گوزه‌یشتیان، ك ئمڕوو بانه‌ ناو په‌رله‌مان ئۆرپى، ئه‌وه‌ كوردیش وه‌ تایبه‌ت سیاسه‌تمه‌دار و رووشنهویریه‌وه‌ بایه‌سه‌ له‌وه‌ر خاتر ئه‌نفالیگ ك تا ئیسه‌ هویچ كاریگ له‌بانى نه‌كریاگه‌ بانه‌ مه‌یدان له‌یه‌كه‌وداین و ئه‌قڵ مه‌نته‌قیانه‌و له‌وه‌رچه‌وگرتن ئه‌را شیوازه‌یل ئه‌و كاره‌ساته‌ دڵته‌زنه‌ بكاو هه‌ڵویستیگ جوان و یه‌كلاكه‌ر له‌وه‌رانوه‌ر مه‌سه‌له‌گه‌ نیشان به‌یگ.

وه‌ل ئه‌وه‌یشا كود بایه‌سه‌ هه‌وڵ ئه‌وه‌یش به‌یگ ك ڕووژ 14ى مانگ چوار گشا ساڵیگ وه‌ شیوه‌یگ ره‌سمى له‌ گشت عراق و كوردستانیش بكریه‌یگه‌ ڕووژیگ وچان(عوتڵه‌) ئه‌را ئه‌و تاوانه‌یل نائنسانیه‌ ك ئه‌قڵ شۆفینیست عه‌ره‌ب له‌عراق دویه‌كه‌ له‌ كوردستان ئه‌نجامیدا، ئه‌ویش له‌وه‌ر ئه‌وه‌ك نه‌وه‌یل تازه‌مان تاریخ راسه‌قینه‌ بخوه‌ننه‌وه‌، ئنجا ئیمه‌یش ئه‌گه‌ر له‌تاریخ تاوانیگ وه‌رانوه‌رمان كریاگه‌، ئه‌وه‌ ده‌یمنه‌ى ده‌س خوداو بایه‌سه‌ له‌ئیسه‌و دویاوه‌ نه‌یلیم ئى جووره‌ كاره‌ساتیگ بایگه‌ تویشمان.

 

شه‌یدا بڵباس