هاوپه‌یمانى كوردستانى مه‌مه‌ر یه‌كسانى گونجیان سیاسیه‌ له‌پرۆسه‌ى بنیاتناین ده‌وڵه‌ت دیموكراسى

شفق نيوز

ئازادى و به‌خته‌وه‌رى و دادگه‌رى كوومه‌ڵایه‌تى خه‌بات كرد، هه‌ر له‌وه‌ر ئه‌وه‌یش هه‌وڵ و ته‌قلاى فره‌یگ داو خوین پاك خوه‌یان كردنه‌ قوربانى.

ئنجا له‌وه‌ر ئه‌وه‌ك ملله‌ت ساڵه‌یل فره‌یگ چه‌وه‌ڕى كرد له‌وه‌ر خاتر دروسكردن كوومه‌ڵگایگ برایه‌تى نه‌ته‌وه‌یى و له‌یه‌ك وه‌خشین دینى، بوار ئه‌وه‌ نیه‌ن كه‌سه‌یلیگ ناخوه‌شى و به‌دبه‌ختى بارن، له‌وانه‌یش دیموكراسى تۆتالیتارى یا شموولى وه‌ك دیموكراسیه‌گه‌ى حسێن شه‌هرستانى و عه‌باس محه‌مه‌داوى و پۆلیس یه‌كێتى...! ئنجا خاسترین جواویش ئه‌را ئه‌و ته‌قینه‌وه‌یل سیاسى تازه‌ ئه‌وه‌سه‌ ك دانایى زیاتر و گفتوگووكردن و پابه‌ندى وه‌ده‌ستوور و یاسایه‌یل و خاسه‌وكردن متمانه‌ له‌ناونى هیزه‌یل سیاسى له‌پرووسه‌ى سیاسى و بنیاتناین عراق دیموكراسى فیدراڵى یه‌كگرتگ و به‌شداریكردن مه‌ردم له‌دروسكردن بڕیار سیاسى بوود.

ملله‌ت كورد جه‌نگه‌یل یه‌ك له‌شوون یه‌ك كرد ئه‌را ده‌رچگن له‌داتگیركارى و ته‌به‌عیه‌و دویاكه‌فتن و سته‌م كوومه‌ڵایه‌تى و روى وه‌ڕوى بوینه‌وه‌ى سته‌م و دكتاتۆریه‌ت و حوكم ته‌كڕه‌وى و عه‌سكه‌رتاریه‌ت زیاتر له‌سه‌ده‌یگ ، ئنجا ده‌سكه‌فته‌یل ملله‌ت كوردستان و كیشه‌ ره‌واگه‌ى وه‌گووره‌ى ئى بیس ساڵ دویاخره‌ نه‌ویه‌ موڵك هه‌ر حزب و لایه‌نه‌یگ وه‌ته‌نیا، به‌ڵكوو موڵك گشت روڵه‌یل كوردستان و گشت ملله‌ت عراقه‌. ئنجا ئه‌ڵڵاجه‌وى نیه‌ ئه‌رگه‌ر په‌لامار ره‌سانن یا ئعلامى مه‌رامدار زیاتره‌و بوود دژ هاوپه‌یمانى كوردستانى و حزب شیوعى عراقى و خه‌باتى ك وه‌كیشمه‌كیش كوومه‌ڵایه‌تى سیاسى له‌وڵات نیه‌چه‌میه‌نه‌و. ئنجا له‌یرا بیلا بایمنه‌ بان مه‌سه‌له‌ى دیموكراسى راسكانى و ریزگرتن له‌هاوبه‌شى سیاسى و په‌ندوه‌رگرتن له‌ده‌رسه‌یل تاریخ، چوینكه‌ هه‌ڕه‌شه‌ى وه‌كارهاوردن هیز سه‌ربازى و گرتنه‌وه‌ر شیوازه‌یل نادیموكراسى ك وه‌هویچ جووریگ چاره‌سه‌ر قه‌یرانه‌یل و كیشه‌و گرفت ناكه‌ن.

خه‌بات ملله‌ت كوردستان خه‌بات دادگه‌رانه‌س له‌وه‌ر خاتر هه‌قه‌یل ره‌واى. وه‌ل ئه‌وه‌یشا گشت هیزه‌یل دیموكراسى ده‌یشت و ناو عراق شان وه‌شانى وسیه‌ن. هه‌ر له‌وه‌ر ئه‌وه‌یش هاوپه‌یمانى كوردستانى هووگار گونجیان سیاسى راسكانیه‌ له‌مه‌سه‌له‌ى بنیاتناین ده‌وڵه‌ت دیموكراسى له‌وڵاتمان.

ئه‌زموون كوردستانى ده‌سكه‌فته‌یل فره‌یگ هاورده‌ ده‌س له‌ڕوى هه‌قه‌یل نه‌ته‌وایه‌تى و دابینگردن ئاسایش و سه‌قامگیرى و بیجگه‌ ئه‌وه‌یش چه‌وه‌ڕى چشته‌یل تر كوومه‌ڵایه‌تى و ئابوورییش له‌لى كریه‌ێد ئه‌را دابینكردن خزمه‌تگوزارى و چاره‌سه‌ر كیشه‌ى بیكارى و روى وه‌ڕوى بوینه‌وه‌ى فه‌قیرى و گه‌ناته‌كارى. هه‌ر له‌وه‌ر ئه‌وه‌یش ئه‌زموونه‌یل كویه‌ن دكتاتۆریه‌ت شكه‌ست هاورد له‌هه‌وڵداینى ئه‌را جیاوه‌كردن كیشه‌ى كورد له‌دیموكراسى.

له‌یرا جوور خواست ئاگادار دادگاى یه‌كێتى كه‌یم ك هه‌ڵه‌په‌ڵه‌و له‌ڕوى وه‌رپرسیاریه‌تى به‌رزیگه‌و ته‌ماشاى ئى حاڵه‌ته‌یل و قه‌یرانه‌یل سیاسیه‌ بكاو زه‌مانه‌ت ئه‌و ئه‌مانه‌ته‌ بكا ئه‌را ملله‌ت و له‌هه‌مان وه‌خت ئه‌نجوومه‌ن نوێنه‌ره‌یلیش ئاشكراى ناتوانایى خوه‌ى بكاو ڕى بیه‌ێد ئه‌را هه‌ڵوژاننه‌یل تازه‌و زوى وه‌گووره‌ى یاسا.

 

سه‌لام كوبه‌

ج