كه‌مه‌وكردن بودجه‌ى هه‌رێم كوردستان و كاریگه‌ریى له‌ كه‌رت خزمه‌تگوزارى

شفق نيوز

به‌رقه‌رار بكریه‌ید، و چه‌ن هه‌واڵیگ هاتیه‌ ك ئى بودجه‌ وه‌شیوه‌یگ گشتى كه‌مه‌وبوود، و بڕ ئه‌و پویلیشه‌ ك ئه‌را هه‌رێم كوردستان ته‌رخان كریاس كه‌مه‌و بوود، هه‌رچه‌نى ك ڕێژه‌ یا نسبه‌ى 17% ئاڵشت نیه‌ود.

محمد دلێر محمود بڕیارده‌ر لوجنه‌ى دارایى و ئابوورى له‌ حكوومه‌ت هه‌رێم كورستان له‌ په‌یوه‌ندییگ وه‌ل ماڵپه‌ڕ شه‌فه‌ق له‌ى باوه‌ته‌وه‌ ئویشى:" بودجه‌ى مه‌زه‌نه‌كریاى حكوومه‌ت فیدرالى 102 تریلیۆن دینار عیراقیه‌، و شایه‌ت كه‌مه‌و بوود ئه‌را 92 تریلیۆن دینار، و ئى گۆڕانكارییشه‌ كاریگه‌رى یا ته‌ئسیر دیرێ له‌ بان ئه‌و بڕ پویله‌ ك ئه‌را هه‌رێم كوردستان ته‌رخان كریاس".

زیاتریش وت ك :" ئه‌و 17% ك له‌ بودجه‌ى عیراق ئه‌را هه‌رێم كوردستان ته‌رخان كریاس ئاڵشت نیه‌ود، وه‌لى ئه‌و مه‌رجه‌ ك حكوومه‌ت ناوه‌ندى وه‌ى دویاییه‌ ناره‌ى بان هه‌رێم كوردستان وه‌ ڕووژانه‌ هه‌نارده‌كردن 150 هه‌زار به‌رمیل نه‌فت خام شایه‌ت بووده‌ مایه‌ى كه‌مه‌وكردن ئه‌و بڕ پویله‌ ك ئه‌را هه‌رێم كوردستان ته‌رخان كریاس".

شایان وتنه‌ ك نوێنه‌ره‌یل ئئتلاف فراكسیۆنه‌یل كوردستانى نیشتنه‌گه‌ى ڕووژ 18 كانوون یه‌كم گوزه‌یشته‌ى ئه‌نجوومه‌ن نوێنه‌ره‌یل عیراق بایكۆت كردن ئه‌را نیشانداین ناڕه‌زایه‌تى خوه‌یان وه‌رانوه‌ر داناین مه‌رج ڕووژانه‌ هه‌نارده‌كردن 150 هه‌زار به‌رمیل نه‌فت هه‌رێم ئه‌را ته‌رخانكردن 17% له‌ بودجه‌ى گشتى ئه‌را هه‌رێم كوردستان.

محمود ئاماژه‌یش وه‌وه‌دا ك :" كه‌مه‌وكردن ئه‌و بڕ پویل ته‌رخانكریایه‌ ئه‌را هه‌رێم كوردستان كاریگه‌رى یا ته‌ئسیر نه‌یده‌ بان خه‌رج وه‌كارخستن و پلانه‌یل وه‌به‌رهاوردن".

ئه‌وه‌یشه‌ ڕووشنه‌وكرد ك :" حكوومه‌ت هه‌رێم چه‌وه‌ڕى به‌رقه‌راركردن بودجه‌ گشتى كه‌ید له‌ لایه‌ن حكوومه‌ت فیدرالى، تا بزانى بڕه‌ پویله‌گه‌ى ته‌رخانكریاى ئه‌را هه‌رێم كوردستان چه‌نیگه‌".

له‌ لاى خوه‌یه‌و دكتۆر عدنان زوێنى پسپۆر ئابوورى له‌ په‌یوه‌ندییگى وه‌ل ماڵپه‌ڕ شه‌فه‌ق ئویشى:" ئه‌و كه‌مه‌وكردنه‌ وه‌ گه‌نى شكیه‌یده‌ مل گشت كه‌رته‌یل كارا جوور كشتوكاڵ و پیشه‌سازى و گه‌شتوگوزارى و كه‌رته‌یلیگتر".

زیاتریش وت:" پیشبینى یا توقع نیه‌كه‌م ئه‌و كه‌مه‌وكردنه‌ وه‌شیوه‌یگ فره‌ بوود ك بڕه‌سیده‌ ڕاده‌ى هاماركردن یا تعدیلات گرنگ و گه‌وهه‌رى له‌ پلانه‌یل وه‌به‌رهاوردن".

ئاماژه‌یش وه‌وه‌دا ك :" كه‌رت خزمه‌تگوزارى كاریگه‌رى وه‌شیوه‌یگ یه‌كڕاس ڕه‌سیده‌ پى، چوینكه‌ عیراق هیمان تویش مه‌ینه‌تى هاتیه‌ له‌ كه‌رت خزمه‌تگوزارى و گه‌نه‌وبوین بارووه‌زعى".

ئه‌وه‌یشه‌ ئاشكراكرد ك:"عیراق له‌ ساڵه‌یل گوزه‌یشته‌ جیوه‌جیكردن پرۆژه‌یل گه‌وراى وه‌به‌هاوردن وه‌خوه‌یه‌و نه‌دیه‌، هه‌رچه‌نى ك بودجه‌ى گه‌ورایگ داشتیه‌، چوینكه‌ زوورمى چوود ئه‌را خه‌رجه‌یل وه‌كارخستن (نفقات تشغیلیه‌)، ك ماوه‌ نیه‌ید پرۆژه‌یل وه‌به‌رهاوردن و كه‌رته‌یل ئابوورى كارا فراوانه‌و بوون".

شایان باسه‌ ك بودجه‌ى ئى ساڵه‌، وه‌گووره‌ى سه‌رجه‌م گشتى بودجه‌گه‌ ڕه‌سیده‌ 92 تریلیۆن دینار، ك وه‌ شماره‌كردن نرخ به‌رمیلیگ نه‌فت وه‌ 73 دۆلار شماره‌كریاس ك ڕووژانه‌ 2 ملیۆن و 250 هه‌زار به‌رمیل نه‌فت له‌لى فرووشیه‌ید، و به‌شه‌گه‌ى هه‌رێم كوردستان هیمان هه‌ر 17% له‌ بودجه‌گه‌س، وه‌مه‌رجیگ ك ئاكامه‌یل ئامارگشتى نیشته‌جابویه‌یل هه‌ر له‌ سه‌ره‌تاى ساڵه‌و شماره‌ بكریه‌ید ئه‌گه‌ر ڕێژه‌ى نیشته‌جابویه‌یل چه‌نه‌ ڕێژه‌ى ئه‌و پویل ته‌رخانكریایه‌یه‌ نه‌ود.