بودجه‌‌و ئاوه‌دانى و خوه‌شگوزرانى مه‌‌ردم

شفق نيوز

له‌‌تى قانجاز دوینن، له‌‌وانه‌‌یش: قه‌‌رزه‌‌یل خانووبه‌‌ره‌‌ و پرۆژه‌‌یل پیشه‌‌سازی و كشتوكاڵى و زیایكردن قه‌‌رز و داین و وه‌خشین ٤٨٠ هه‌زاردینارئه‌‌را ئه‌‌و كارمه‌‌نده‌‌یل پله‌‌ ٩ و ١0ه‌‌و ته‌رخانكردن ١٢٠ملیار دینارئه‌‌را تواناسازى و ٥٠ملیار دینار ئه‌‌را پرۆژه‌‌یل خزمه‌‌تگوزارى ناوچه‌‌یل داوڕیاگ و دامه‌‌زرانن كارمه‌‌ندو بیجگه‌‌ سه‌‌ده‌‌ها پرۆژه‌‌ى تر خزمه‌‌تگوزارى.

 

پرۆژه‌‌یاساى بودجه‌ى پێشنیاركریاگ( ٢٠١٢)ه‌ى هه‌رێم كوردستان بڕه‌‌گه‌ى (١٥ ترلیۆن و ٢٤٥ملیار و ٧٩٧ ملیۆن) دیناره‌‌، ك بڕ(١٠ ترلیۆن و ٧٤٥ ملیار و ٧٩٧ ملیۆن) دینارئه‌‌را خه‌‌رج وه‌كاربردن و بڕ (٤ ترلیۆن و٥٠٠ ملیار) دیناریش ئه‌‌را خه‌‌رج پرۆژه‌‌یل وه‌به‌‌رهاوردن ته‌رخان كریاگه‌‌.

 

له‌‌ په‌‌رله‌‌مان كوردستان له‌‌لایه‌‌ن گشت فراكسیۆنه‌‌یل ناو په‌‌رله‌‌مان گفتوگوویگ دریژ له‌‌باوه‌تیه‌‌و كریاو ئازادی ته‌واویگ دریا گشت په‌‌رله‌‌مانتاریگ تا ره‌‌خنه‌‌و پێشنیاره‌‌یل خوه‌یان بخه‌‌نه‌‌ ڕوى، یه‌‌یش وه‌ بنه‌‌مایگ سه‌‌ره‌‌كى دانریه‌‌ێد له‌‌ چه‌‌مك بودجه‌‌ ك بایه‌‌د دیار و ئاشكرا بوود و له‌‌وه‌خت په‌‌سه‌‌نكردنى به‌‌شدارى فره‌‌یگ له‌‌ ئه‌‌ندامه‌‌یل په‌‌رله‌‌مان له‌‌وه‌رچه‌‌و بگرنه‌‌ێ، ئمجا هه‌ر وه‌ى خاتریشه‌‌ سه‌‌رۆك هه‌رێم كوردستان داوا له‌‌ سه‌‌رۆك په‌‌رله‌‌مان كرد تا له‌‌ڕێ ئه‌‌و گفتوگووه‌یله‌‌ ك له‌‌بان پرۆژه‌‌یاساگه‌‌ كریه‌‌ێد هویچ كه‌‌م وكوڕییگ نه‌‌یلن.

 

هه‌ر له‌‌وه‌ر ئه‌‌وه‌یش گفتوگووه‌یل ناو په‌‌رله‌‌مان وه‌و خاتره‌‌ بوى ك پرۆژه‌‌گه‌‌ خاستر بكریه‌‌ێد و ئه‌‌و كه‌‌م وكوڕیه‌‌یله‌‌ نه‌‌یلن و بودجه‌‌ دویر له‌‌ موزایه‌‌ده‌ى سیاسى و له‌‌خزمه‌‌ت مه‌‌ردم بوود، وه‌ل ئه‌‌وه‌یشا ته‌قالاى خاسگیش كریا ئه‌‌را ئه‌‌وه‌ك گفتوگووه‌یل تایبه‌‌ت وه‌ په‌‌سه‌‌نكردن بودجه‌‌ دویر بوود له‌‌ به‌‌رژه‌‌وه‌ندى حزبى، ئمجا وه‌ختى باس له‌‌ بودجه‌‌ى كوردستان كریه‌ێد بایه‌‌د‌ هه‌ڵكه‌‌فت ئابوورى و سیاسى هه‌رێمه‌‌گه‌‌ له‌‌وه‌رچه‌‌و بگیریه‌‌ێد و خوه‌ندنه‌‌وه‌یگ واقعى و زانستنیانه‌‌ ئه‌‌راى بكریه‌‌یًد.

 

له‌‌ بودجه‌‌ى ئمساڵ زیاتر لایه‌‌ن(خاسسازى وخزمه‌‌تگوزارى) له‌‌وه‌رچه‌‌و گیریاگه‌‌، ته‌نانه‌‌ت كه‌‌مه‌‌وكردن خه‌‌رج وه‌كارخستن وه‌ رێژه‌ی ٢٠% له‌‌هه‌رسێ سه‌‌رۆكایه‌‌تى هه‌رێم و په‌‌رله‌‌مان و ئه‌‌نجوومه‌‌ن دادوه‌رى و كه‌‌مه‌‌وكردن رێژه‌‌ى ١٥% خه‌‌رج وه‌كارخستن له‌‌و دام وده‌‌زگایه‌‌یله‌‌ ك په‌‌یوه‌س نینه‌‌ وه‌زاره‌‌ته‌یلیان و داین ئه‌‌و بڕه‌‌ پویله‌‌یله‌‌ ئه‌‌را به‌‌خشین خانه‌‌نشینه‌‌یل و كارمه‌‌ند و مانگانه‌‌ى هاووڵاتى وشه‌‌هیدو به‌‌خشین هاوسه‌‌رى و مناڵ شه‌‌هیده‌‌یل و به‌‌شیگیشى ئه‌‌را پرۆژه‌‌یل خزمه‌‌تگوزارى ته‌ندروسى و شاره‌‌وانى و په‌‌روه‌رده‌‌ له‌‌چوارچیوه‌ى زیاتر خزمه‌‌تكردن هاووڵاتیه‌‌یل هاتگه‌‌.

 

هه‌ر له‌‌ڕێ بودجه‌‌وه‌ ماڵه‌‌یل رووشنه‌‌و بوون و ئاو پاك ئه‌‌را شار و شاروچكه‌‌و ئاوایه‌‌یل دابین كریه‌‌ێد، جایه‌‌ڵیگ هه‌ر له‌‌ شه‌‌وه‌كیه‌‌و له‌‌خه‌‌و هه‌ڵسێد گڵۆب ماڵه‌‌گه‌‌ى رووشن ئه‌‌كاو ده‌‌م وچه‌‌وى وه‌ ئاو پاك شوورێد، ك یه‌‌یش گشتى وه‌ پویل بودجه‌‌ دابین كریاگه‌‌ تا ره‌‌سێده‌‌ ئه‌‌و ڕێ وبان و جاده‌‌یله‌‌ ك هامشوو له‌‌بانى ئه‌‌كا، یه‌‌یش بیجگه‌‌ دابینكردن ئارامى و ئاسایش ئه‌‌را ئاسووده‌‌یى هاووڵاتیه‌‌یل و خێزانه‌‌یل ك یه‌‌یش وه‌پویل بودجه‌‌ مقه‌‌یه‌‌تى له‌‌لى كریه‌‌ێد و ته‌نانه‌‌ت ئه‌‌و كارگه‌‌ره‌‌ ك كارمه‌‌ند حكوومه‌‌ت نییه‌‌ ئه‌‌گه‌‌ر نه‌‌خوه‌ش بكه‌‌فێد ئه‌‌و خزمه‌‌تگوزارى ته‌ندروسیه‌‌ له‌‌ نه‌‌خوه‌شخانه‌‌ پێشكه‌‌شى كریه‌‌ێد ك وه‌پویل بودجه‌‌ دابین كریاگه‌‌، دى وه‌ى شیوه‌ گشت كه‌‌سیگ له‌‌ هه‌رێم كوردستان به‌‌ش خوه‌ى وه‌ رێژه‌‌ى جیاواز و ڕاسه‌‌وخوه‌ى و ناڕاسه‌‌وخوه‌ى له‌‌ بودجه‌‌ دیرێد و نه‌‌ف له‌‌لى وه‌رگرێد، یه‌‌یش وه‌ هه‌قیگ سروشتى و ئاسایى گشت تاكیگ دانریه‌ێد له‌‌ كوومه‌‌ڵگایه‌‌یل دیمۆكراسى و ئازاد.

 

سه‌‌رچه‌‌وه‌: رووژنامه‌‌ى خه‌‌بات

 

ج. ا