وه‌رپرس ده‌زگاى شه‌فه‌ق پیروزبایى له‌ (شه‌فه‌ق)دووسه‌یل ئه‌كا

شفق نيوز

وه‌ناو خالق خاوه‌ن كه‌رم

هه‌فت ساڵ له‌ كار و ته‌قالا و شه‌ونه‌خه‌فى شه‌فه‌ق گوزه‌یشت و تیشك خوه‌ر هه‌یشتمین ساڵڕووژ دامه‌زرانن شه‌فه‌ق له‌ كه‌ل و كویچه‌یل به‌غدا كه‌فته‌و ده‌یشت، ئیمه‌یش وه‌ى بوونه‌و جوانترین وشه‌یل خوه‌شه‌ویسى و نازگترین و بووخوه‌شترین چه‌پكه‌گوڵه‌یل ئاراسه‌ى گشت ئه‌وانه‌ كه‌یم ك له‌ى چه‌ن ساڵه‌ هاوكار و هاوهویرمان بوینه‌ و  له‌ هاوكارى و ده‌سمه‌یه‌تیگ دریغ نه‌كردنه‌ و ئى بارسه‌ینه‌ وه‌لمان ئه‌ڵگردنه‌.

خوه‌شك و برایه‌یل ئه‌زیزم

ئه‌گه‌ر له‌ى هه‌فت ساڵه‌ شه‌فه‌ق تویه‌نستگه‌ وه‌بى وچان خزمه‌ت بكا و هاوده‌م و هاوده‌نگ ئیوه‌ بویه‌ و له‌ خوه‌شى و ناخوه‌شیه‌یل دووس و هاوڕێ نزیك ئیوه‌ى ئه‌زیز بویه‌؛ بى گومان یه‌ نیشانه‌ى ئه‌وه‌سه‌ ك ئیمه‌ یه‌ك خاڵ هاوبه‌ش وه‌ل یه‌كا گریه‌مان داس ك ئه‌ویش كوردایه‌تى و خزمه‌ت كردن وه‌زووان و فه‌رهه‌نگمان بویه‌ و وه‌بى گومان بایه‌د تا ئاخر ده‌س یه‌كترى بگریم تا كاروان بڕه‌سێده‌ مه‌نزڵ. وه‌ئومید ئه‌وه‌گ ئى برایه‌تى و هاوكاریه‌ له‌ گوزه‌یشته‌ بته‌وتره‌و بوود سه‌رله‌نوو وه‌پیدان ئویشیم عه‌ید دامه‌زارانن شه‌فه‌ق له‌ (شه‌فه‌ق)دووسه‌یل پیروز بوود.

 

عه‌لى حوسێن فه‌یلى

سه‌روك ئه‌نجوومه‌ن وه‌ڕێه‌و بردن ده‌زگاى ره‌سانن و رووشنهویرى كورده‌یل فه‌یلى(شه‌فه‌ق)

15/6/2011