عراق و كوردستان جوور نموونه‌ى كار ئسلامى و دیمۆكراسى

شفق نيوز

و ڕێ وشوون باوه‌ڕ وه‌پیكردن و كار وه‌پیكردنى ماناو گرنگى خوه‌ى دیرێ.

 

وه‌ شیه‌وكردنیگ تر، كریه‌ێد نموونه‌ى عراق و كوردستان فره‌ نهێنى و باوه‌ت جووراوجوور له‌لى ده‌ربكریه‌ێد و كار له‌بانى بكریه‌ێد ك له‌ى باوه‌ته‌ شوونى نیه‌وده‌و، وه‌لى ئیمه‌ له‌ى به‌ش باوه‌ته‌ له‌وه‌رجه‌ هه‌ر چشتیگ  هه‌وه‌جه‌ وه‌ مه‌زه‌نه‌كردن باوه‌تیانه‌ى حزب و رێكخریاگ و گرووپه‌یل ئسلامى دیریم وه‌ سوننى و شیعه‌وه‌، ئمجا له‌شوون ئه‌و مه‌زه‌نه‌كردنه‌ تویه‌نیم بڕه‌سیمنه‌ ئه‌و شوونه‌ ك ئه‌خوازیم بڕه‌سیمنه‌ پى.

 

له‌عراق و كوردستان دو ئاراسته‌ى سیاسى ئسلامى"سوننى – شیعه‌" خه‌ریك كاركردنن، له‌بان ئاست عراق ئاراسته‌ى سوننى وشیعه‌ له‌ئاست كیشمه‌كیشیگ تون وجوود دیرن و رووژ وه‌ رووژ ئه‌و كیشمه‌كیشه‌یله‌ سه‌ختتر و تونتره‌و بوون، وه‌لى وه‌چه‌واشه‌وه‌ له‌بان ئاست كوردستان ته‌نیا ئاراسته‌ى سوننى وجوود دیرێدو ئه‌گه‌ر له‌ بڕه‌ شوونیگیش هاووڵاتى شیعه‌مه‌زه‌و بوود ئه‌وه‌ بیگومان دویره‌ له‌ ئنتماى ئه‌را حزب ئسلامى، بیگومان له‌بان هه‌ردوگ ئاسته‌گه‌یش ئه‌و هاووڵاتیه‌یله‌ كه‌م نین ك باوه‌ڕ وه‌ ئنتما ئه‌را حزبه‌یل ئسلامى نه‌یرن.

 

له‌گشت عراق و كوردستان وه‌ گووره‌ى ئه‌و زانیاریه‌یله‌ ك هانه‌ وه‌رده‌س، نزیكه‌ى 30 حزب و رێكخریاگ و گرووپ ئسلامى جووراوجوور هه‌س، بڕێگ له‌ى حزب و گرووپ و رێكخریاگه‌یله‌ له‌بان ئاست عراقن و بڕێگیشى هانه‌ هه‌رێم كوردستان. ئى حزب و گرووپه‌یله‌ دابه‌ش بوون ئه‌را بان بڕێگ ئاراسته‌ى خوه‌ندنگاى كاركردن جیاواز له‌ یه‌كترى و ته‌نانه‌ت فره‌جاریش دیدو شیه‌وكردن و خوه‌ندنه‌وه‌ى جیاواز دیرن ئه‌را دین ئسلام و ده‌سڵات و ڕێ وشوونه‌یل كاركردن ئه‌را به‌رجه‌سه‌كردن ده‌سه‌ڵاتداریه‌تى ئسلامى و رێڕه‌ویان جیاوازه‌ له‌یه‌كترى چ له‌ناو سوننى چ له‌ناو شیعه‌. ئمجا ئیمه‌ ناخوازیم باس له‌ وتار وبه‌رنامه‌ى هه‌ر یه‌ك له‌و حزب و گرووپ و رێكخریاگه‌یله‌ بكه‌یم، به‌ڵكوو خوازیم بزانیم ئه‌و حزب و رێكخریاگ و گرووپه‌یله‌ تاچه‌نیگ باوه‌ڕ وه‌ دیمۆكراسى دیرن و قه‌بولى كه‌ن.

 

تویه‌نیم بویشیم ئایا باوه‌ڕ و فامستن ئسلامیه‌یل ئه‌را دیمۆكراسیه‌ت و چه‌مگ علمانیه‌ت له‌ عراق و كوردستان باوه‌ڕ وه‌ تازه‌گه‌رى و دیمۆكراسى و علمانیه‌ت دیرن؟ ئایا تویه‌نن وه‌ل دیمۆكراسیه‌ت و علمانیه‌ت هامیته‌ بوون و ژیان گوزران بكه‌ن. ئایا ئسلامیه‌یل له‌ عراق و كوردستان باوه‌ڕ دیرن وه‌ هویرو ڕاى ئازاد و هه‌قه‌یل ئاده‌میزادو هاووڵاتیبوین و وازبوین و فره‌یى كار حزبى؟

 

هێز سیاسى ئسلامى دابه‌ش بوینه‌سه‌ بان دو ره‌وت، ره‌وتیگ له‌ژیر ناو میانڕه‌وى و ره‌وتیگیش له‌ژێر ناو تونڕه‌وى، كار ئى دو ره‌وته‌ هه‌وڵداینه‌ ئه‌را دامه‌زرانن ده‌وڵه‌ت ئسلامى سیاسى و له‌هه‌مان وه‌خت وه‌ ئسلامیكردن ده‌نگ و ڕه‌نگ كوومه‌ڵگاو هه‌وڵ خود بته‌وكردن ئه‌یه‌ن له‌ناو كوومه‌ڵگا له‌ژێر په‌رده‌ى دیمۆكراسى.

 

ته‌ها سلێمان

 

ج. ا