رمیان لفانه‌یل له‌ سوریاو عراق!

شفق نيوز

غه‌ڵه‌ت هه‌ردوگ رژیم عراقى و ئیرانى ئه‌وه‌ بوى ك هه‌ر یه‌كیگ له‌لیان وه‌سه‌ركه‌فتن خوه‌ى زانسته‌ى له‌بان كاولكارى هه‌ردوگ وڵات كویه‌ن ئنسانى و ژیارى ، ئنجا له‌شوون ئه‌وه‌یش رژیم سه‌دام حسێن ڕییگ تر له‌نه‌فامى گرته‌وه‌ر ك ئه‌ویش داگیركردن كوه‌یت بوى جوور سیناریۆیگ بى تام و له‌زه‌ت ك ئه‌و نه‌فامى و شۆفێنیه‌ ریككه‌فتیگ بوى و یه‌كه‌وگرت وه‌ل په‌لامارداین كوردستان و باشوور وڵات، هه‌ر له‌وه‌ر ئه‌وه‌یش خوه‌ى و رژیمه‌گه‌ى كه‌فته‌ شكه‌ست و هه‌یواین و دوشمنایه‌تیكردن كوومه‌ڵگاى ناده‌وڵه‌تى وه‌گشتى ته‌نیا ئه‌و ده‌وڵه‌ته‌یله‌ نه‌ون ك وه‌ك سه‌ركرده‌ى خواست تواسیانه‌ى له‌ كۆریاى باكوور و كوباو لیبیاو باقى ده‌وڵه‌ته‌یل تر تیه‌ریكى له‌ جه‌هان.

 

مه‌ردم فره‌یگ پیشبینى ئه‌وه‌ كردیان ك كاردانه‌وه‌ى ناوده‌وڵه‌تى له‌شوون ئه‌و هه‌مگه‌ نه‌فامیه‌ تواناى ئه‌وه‌ نه‌یرێد سوپاى رژیم له‌ كوه‌یت درارێد، وه‌تایبه‌ت ك هیزه‌یل هاوپه‌یمان له‌ زیاتر له‌ سێكوتى وڵات په‌خشه‌و بوین و گشت بنگه‌یل سه‌ربازى و مه‌ده‌نى ده‌وڵه‌ت ویران كریا، به‌ڵكوو گومان له‌وه‌یش داشتن ك چوین رمیه‌ێدو پیشكه‌ش دادگایه‌یل ناوده‌وڵه‌تى كریه‌ێد وه‌گووره‌ى ئه‌و تاوانه‌یلیه‌ ك له‌ناو و ده‌یشت وڵات ئه‌نجامیدا.

 

ئه‌وه‌ بوى ك له‌ په‌ل وپوو  و له‌باڵه‌فڕه‌ى باكوور و باشوور كه‌فت و ده‌سكریا سیناریۆى وشكانن له‌بان چه‌ك قه‌یه‌غه‌كریاك ناوده‌وڵه‌تى و له‌وه‌رجه‌ گشتیانیش چه‌ك ئه‌تۆمى و كیمیاوى. نه‌ته‌وه‌یل یه‌كگرتگ و ئه‌نجوومه‌نه‌ ئاسایشه‌گه‌ى خشته‌یگ وه‌ختى دانان ئه‌را ده‌سه‌یل وشكاننكار ك گشت گووشه‌و شوونیگ وه‌پانى و دریژى وڵات وشكانن تا ره‌سینه‌ شوون خه‌فتنه‌گه‌ى سه‌رۆك و باره‌گاى هه‌واڵگرى و ئاسایشه‌گه‌ى و گشت شوونه‌یل تایبه‌تیگ  ك دوانزه‌ ساڵ دریژه‌ داشت، وه‌ل ئه‌وه‌یشا عراقیه‌یل كه‌فتنه‌ وه‌ر سه‌ختترین ئابلوقه‌داین له‌ده‌یشت وناو وه‌بى ئه‌وه‌ك كاریگه‌رى داشتوود له‌بان سیماى رژیم و چاره‌نوسى، به‌ڵكوو وه‌چه‌واشه‌و ئاڵشتى كرد ئه‌را حه‌یوانیگ دڕنده‌و زه‌فه‌ر له‌گشت چشتیگ هاوردیاد.

 

ئنجا وه‌به‌راوردیگ وه‌ل هاوشیوه‌ى دویه‌مى له‌ دیمه‌شق زانیم ك هه‌ردوگیان لفانه‌ن له‌ ره‌فتار و رووشنهویرى و هه‌ڵسووكه‌فتیان وه‌ل گشت رویداگیگ ، ك هه‌ردوكیان له‌ یه‌ك سه‌رچه‌وه‌ فكره‌ وه‌رگرتنه‌. دیمه‌شق هه‌وڵ كاولكردن لوبنان دا جوور ئه‌وه‌ك عراق وه‌ كوه‌یت كرده‌ى ك هه‌رچه‌نى جیاوازى له‌چه‌ن شیوازیگ ه‌و داشت. رژیم دیمه‌شق ده‌رده‌سه‌ر ملله‌ته‌گه‌ى كرد جوور ئه‌وه‌ك رژیم هاوشیوه‌ى له‌عراق كرده‌ى، وه‌ختیگیش ك عراق رووژگار ئه‌ڕاى هه‌ڵكه‌فت له‌به‌غدا ده‌سكرده‌ زه‌فتكردن گشت دارایى عراق و كلیكرد ئه‌را رژیم دیمه‌شق وه‌تایبه‌ت مه‌سه‌له‌ى چه‌ك و ته‌قه‌مه‌نى و چشته‌یل قه‌یه‌غه‌كریاگ ك چه‌ن مانگیگ وه‌رجه‌ رمیانى ژیر وه‌ژیر جیوازى كرد ئه‌را دیمه‌شق و له‌شوون ئه‌وه‌یش داروده‌سه‌ى ڕى واَكردن و ڕوى له‌و وڵاتـه‌ كردن ئه‌را باوه‌ش ئاسایش سیاسى سورى و قونسڵخانه‌ى وڵاته‌یل یه‌كگرتگ و ئۆرپا.

 

دیاره‌ ك په‌ره‌سه‌ندن رویداگه‌یل له‌عراق له‌شوون داگیركردن كوه‌یت له‌دیمه‌شق جیوه‌جى كریه‌ێد وه‌چشتیگ له‌راسه‌وكردن ئاسایى هه‌ر وه‌ناو و شیوه‌و مه‌سه‌له‌ى وه‌سه‌ربردن وه‌خت، ك لژنه‌ى وشكانن له‌بان چه‌ك قه‌یه‌غه‌كریاگ ئاڵشت كریا ئه‌را چه‌ودیره‌یل ناوده‌وڵه‌تى ك له‌و وڵاته‌ په‌خشه‌و بوینه‌ جوور لژنه‌یل وه‌رین له‌عراق و كه‌مه‌ كه‌مه‌ نزیكه‌و بوینه‌ له‌سزاناین له‌بان سوریا وه‌ك ئه‌و ئابڵوقه‌ یا حساره‌ ك زویتر دریژ داشت له‌بان عراقیه‌یل له‌ساڵه‌یل نه‌وه‌د سه‌ده‌ى وه‌رین، ئه‌ویش له‌وه‌ر كزه‌و كردن رژیم پۆلیسى هه‌واڵگرى تا وه‌جاریگ نزیكه‌و بوون له‌به‌رنامه‌ى رمیان ته‌واویگ .

 

دى له‌گشت قوناغه‌یل ته‌نیا مه‌ردم زه‌ره‌دمه‌نه‌ له‌وازیگاو وازى ناونى كیشمه‌كیشكه‌ره‌یل گه‌وراو بویچگ ، جوور ئه‌وه‌ك رویدا له‌ناونى وڵاته‌یل یه‌كگرتگ و رژیم سه‌دام حسێن وه‌ دریژى ماوه‌ى ئابڵوقه‌داین ك وڵات كاول كردو مه‌ردمه‌گه‌ى په‌نا بردنه‌ وه‌ر كارت خوه‌راك، ك دیاره‌ له‌یوایش له‌سوریا تیه‌ێد، چوینكه‌ هه‌مان ریڕه‌و گرتگه‌ له‌ڕه‌فتار و هه‌ڵسووكه‌فت.

 

هه‌ر له‌وه‌ر ئه‌وه‌یش ئویشیم وه‌ ڕاسى هه‌ردوگیان لفانه‌ن له‌چه‌فتى و ڕمیان و شكه‌ست ك هه‌رچه‌نى زیاتر له‌ 40ساڵ ده‌سڵات داشتنه‌، وه‌لى شكه‌ست هاوردن له‌ مقه‌یه‌تیكردن ته‌نیا ئاواییگیش، ك ته‌نیا سه‌ركه‌فتن له‌ كاولكردن كویه‌نترین دو وڵات له‌تاریخ ژیار ئنسانى و ئاڵشتى كردن ئه‌را شكه‌سترین دو وڵات له‌جه‌هان، ك یه‌كیگ له‌لیان سوریاس ك ئیسه‌ خوینى ڕشیه‌ێدو عراقیش زه‌خمى ساڕیژ نه‌ویه‌و گرفت فره‌یگ كه‌فته‌سه‌ نواى پیشكه‌فتن و په‌ره‌سه‌ندنى.

 

 

كفاح مه‌حموود كه‌ریم

ج