کاساندان – کاساندانه ته‌نيا ژن كۆرش گه‌پ

شفق نيوز

له‌ دويدمانێگ بويه‌ ك نه‌جيبه‌يل بنه‌ماڵه‌ی پارس وه‌ وان ڕه‌سن و باوگ و باپيره‌يليان له‌ چه‌ن نه‌سڵ شای پارسه‌يل بوينه‌.

كاساندان مه‌له‌كه‌ی ٢٨ وڵات ئاسيايی بويه‌ و وه‌رده‌وام له‌ لای هاوسه‌ره‌گه‌ی كۆروش گه‌پ شايی كرديه‌ و دويای وه‌يش يه‌كمين كه‌س زووردار و سياسه‌تمه‌دار له‌ كۆشك هه‌خامه‌نشی‌ وه‌ هساو هاتيه‌. ئه‌وی ٥ مناڵ وه‌ ناوه‌يل كه‌مبوجيه‌، به‌رديا،ئاتۆسا، ڕۆكسانا و ئارتيشتۆنه‌ داشتيه‌. هه‌ر كام له‌ مناڵه‌يل كاساندان و كۆرش گه‌پ وه‌ جوورێگ له‌ تاريخ هه‌خامه‌نشی نه‌خش خاس خوه‌يان داشتنه‌ و له‌يوا دياره‌ له‌ی نيشانه‌يله‌ ك خاس‌ مختيان كردن ئه‌را ئه‌ی نه‌خشه‌يله‌. وه‌ قسيه‌ هرۆدوت: كاساندان له‌ ٦ نه‌وامبر ٥٣٩ وه‌رجله‌ په‌يا هاتن مه‌سيح مرديه‌و له‌ وه‌خت مردنيش له‌ بابل گێشتی مه‌ردم ئه‌رای ئازيه‌تی گرتنه‌ و ئه‌را پرسه‌ جه‌ميانه‌و كردنه‌. كاساندان وه‌رجله‌ كۆرش له‌ دونيا چێيه‌و دويای خوه‌ی كۆرش وه‌ بار خه‌م گرانه‌و مه‌نيه‌و ئه‌را رێز و ئيحترام وه‌ هاوسه‌رێ ته‌نيا مه‌نيه‌و ژن نه‌خوازيه‌.