واین له‌ گوزه‌یشته‌

شفق نيوز

  هه‌ر وه‌ختیگ باس له‌ واین كریه‌ید، یه‌كسه‌ر چه‌مك ترس كه‌فیده‌ هویرمان و هه‌ر وه‌ختیگ باس له‌ ترس كه‌یم ئه‌وه‌ تیه‌یده‌ هویرمان ك ئایا له‌ دیارده‌یگ دیاریكریاگ و ناسریاگ رخمان چوود با له‌چشتیگ نه‌ناسریاگ؟ یه‌كه‌مجاریش ترس له‌ مار ، مویش، كه‌سیگ دیاریكریاگ ، به‌رزایى. وه‌لى دویه‌مجار ترس له‌ ته‌نیایى، ترس له‌ تیه‌ریكى، وه‌بى ئه‌وه‌ك بزانیم له‌و تیه‌ریكیه‌ یا له‌و ته‌نیاییه‌ چه‌ روى ئه‌یادن ئنجا ئه‌را هه‌ر یه‌كیگ له‌و ترسه‌یلیشه‌ جووره‌ میكانیزمیگ تایبه‌ت هه‌س له‌وه‌ر خودمقه‌یه‌تیكردن و پاریزگاریكردن.

وه‌ شیوه‌یگ گشتى هس رخچگنیش یا ئه‌وه‌سه‌ به‌سیاسه‌ ئه‌زموون خراو وه‌رین ژیانمانه‌و، یا له‌نه‌وین ئه‌زموون و ئه‌گه‌ره‌یل ئاینده‌ سه‌رچه‌وه‌ گرید. وه‌لى هه‌رچوینگ بوود ترس میكانیزمیگ خودمقه‌یه‌تیكردنه‌ ك له‌ژیانمان دروس بوود.

له‌هه‌مان وه‌خت ترس بنه‌ڕه‌ت فریه‌ بته‌ویگه‌ ئه‌را ریشگ كوتان جورئه‌ت ك له‌ قوناغ كورپه‌ییه‌و ده‌س وه‌پى ئه‌كاو پاڵنه‌ر بته‌ویگه‌ ئه‌را ئه‌وه‌ك ئاده‌میزاد تواناى گامناین داشتوود وه‌ره‌و تاقیه‌وكردن پرووسه‌یل نه‌زانریاگ ژیان، ماناى ئه‌وه‌سه‌ هه‌رچه‌نى ترس لایه‌ن خراو دیرید، وه‌لى وه‌ل ئه‌وه‌یشا لایه‌ن خاسیش دیرید.

ئنجا ئه‌گه‌ر هه‌ر یه‌كیگ له‌ ئیمه‌ ته‌ماشاى گوزه‌یشته‌ بكه‌یم، بیگومان هه‌زاران سه‌ركه‌فتن و ئامانج له‌تى دوینیم، له‌هه‌مان وه‌خت هه‌زاران شكه‌ست و سه‌رنه‌كه‌فتنیش له‌ ژیانمان روى داگه‌.

هه‌رچه‌نى ئه‌وه‌ك فیشتر له‌ هویرمان مینیده‌و ته‌نیا ئه‌وانه‌ن ك نه‌خش گه‌ورایگ داشتنه‌ یا دیرن له‌ ژیانمان، وه‌لى ئى ئاره‌زووه‌یله‌ نه‌خشه‌یلیان گه‌ورا بوون یا بویچگ، سه‌ركه‌فتگ بوون یا سه‌رنه‌كه‌فتگ ، كاریگه‌رى تا ئیسه‌ داشتوون یا وه‌چه‌واشه‌، ئه‌وه‌ بیگومان له‌ بنه‌ڕه‌ته‌و یه‌ك خاڵ گردیانه‌و ئه‌كا ك ئه‌ویش هه‌وڵ و زوورانبازى ژیانه‌، ك ئه‌و هیزه‌سه‌ وه‌رده‌وامى ئه‌یاده‌ ژیان و له‌ناو ئى ژیانه‌ جوور ئه‌ندامیگ زینگ هیلیده‌مانه‌و.

شكه‌ستیش قه‌واره‌گه‌ى هه‌رچه‌نى گه‌ورا بوود له‌ ژیانمان ماناى ئه‌وه‌ نیه‌ ك ئیمه‌ بكه‌یمنه‌ى مه‌هانه‌و شیوه‌یگ نموونه‌یى ژیان تا حاڵ حاز بتویه‌نیم وه‌ وه‌رده‌وامى له‌تى بژیه‌یم، چوینكه‌ ئه‌یه‌ ماناى كوشتن به‌شیگه‌ له‌ به‌شه‌یل چالاكى ژیان ئاده‌میزاد. ماناى ئه‌وه‌سه‌ ریگه‌چاره‌ ته‌نیا ئاڵشتكردن دید و نوڕستمانه‌ له‌ ژیان ئه‌را ئه‌وه‌ك له‌ میرده‌زمه‌ى گوزه‌یشته‌ قورتارمان بوود.

كامه‌ران چروستانى

ج . أ