گه‌ناته‌كارى یاسایى

شفق نيوز

 

ئى گه‌ناته‌كارى سیاسیه‌ بووده‌ هووكار گه‌ناته‌كارى ئابوورى و گه‌ناته‌كارى ئابوورییش بووده‌ مایه‌ى هووكار گه‌ناته‌كارى كوومه‌ڵایه‌تى،ئنجا له‌لایگه‌و له‌وه‌ر نه‌وین شه‌فافیه‌ت له‌ بودجه‌ى وڵات و چوینیه‌تى خه‌رجكردن ئى بودجه‌ كاریگه‌رى ئه‌كاده‌ بان گه‌شه‌كردن وڵات و له‌لایگیشه‌و له‌وه‌ر نه‌وین سستم خاسیگ ئه‌را دامه‌زرانن وه‌گووره‌ى شایسته‌یى له‌ پۆسته‌یل دوباره‌ گه‌ناته‌كارى رویده‌ید و كه‌سه‌یل وه‌ تواناو شاره‌زا دویره‌و خریه‌ن، ك یه‌یش جاریگ تر بووده‌ هووكار ناتوانایى حكوومه‌ت له‌ ئاست داواكارى هاووڵاتیه‌یل و په‌ل كونید وه‌ره‌و قه‌یران و نه‌وین سستمیگ چه‌ودیریكردن گونجیاگ ئه‌را كاروبار و جیوه‌جیكردن یاسایه‌یل.

وه‌ل ئه‌وه‌یشا دوینید نه‌وین ده‌سڵاتیگ دادگه‌رى سه‌روه‌خوه‌ى، زه‌مینه‌ ئه‌را گه‌ناته‌كارى خوه‌ش ئه‌كا، هه‌ر له‌وه‌ر ئه‌وه‌یش بایه‌سه‌ حكوومه‌ت له‌ى ڕیه‌یله‌و هه‌وڵ بنبڕكردن گه‌ناته‌كارى بیه‌ید، چوینكه‌ بووده‌ هووكار دویاكه‌فتن و ناسه‌قامگیرى ئابوورى و سیاسى وڵات.

حكوومه‌ت بایه‌سه‌ هه‌وڵ چاه‌سه‌ركردن سه‌ختى و گرژیه‌یل بیه‌یدو سستم چه‌ودیرى و له‌یه‌كه‌وداین و له‌وه‌رگرتن ڕى وشوون داشتوودو هه‌وڵ ده‌سه‌وه‌ركردن سستمیگ ئاشكراو گونجیاگ بیه‌ید ئه‌را ده‌سنیشانكردن وه‌ڕیه‌وبه‌ر و كارمه‌نده‌یل و كه‌سه‌یل گونجیاگ و شاره‌زایش له‌ شوون گونجیاگ دابنه‌یدو سستم خزمه‌تگوزارى و كه‌رت گشتى چالاك بكریه‌ید. حكوومه‌ت بایه‌سه‌ كیشه‌ى دارایى كارمه‌نده‌یلى چاره‌سه‌ر بكاو بایه‌سه‌ یاسایه‌یل بوار چالاكى ئابوورى و بازرگانى وه‌گووره‌ى هه‌وه‌جه‌یل سه‌رده‌م چاره‌سه‌ر بكاو هه‌وڵ چه‌ودیریكردن جیوه‌جیبوین یاسایه‌یل بیه‌ید.

له‌ڕوى سیاسیه‌و بایه‌سه‌ حكوومه‌ت بایه‌سه‌ ڕى له‌و كه‌سه‌یل سیاسیه‌ بگرید ك ده‌س خه‌نه‌ چالاكى ئابوورى و بازرگانى و له‌وه‌ر به‌رژه‌وه‌ندى تایبه‌ت خوه‌یان كار كه‌ن. بیجگه‌ ئه‌وه‌یش بایه‌سه‌ هه‌وڵ ده‌سڵات داد سه‌روه‌خوه‌ى بدریه‌ید له‌ كاروبارى. حكوومه‌ت بایه‌سه‌ ئاگادار وه‌رپریسیارێتى تاكه‌یل بوود و بایه‌سه‌ ڕى وه‌ ره‌سانن بدریه‌ید وه‌ شیوه‌یگ پیشه‌یى و سه‌روه‌خوه‌یى چه‌ودیرى دامه‌زریاگه‌یل حكوومى بكاو بایه‌سه‌ حكوومه‌ت رۆتین كه‌مه‌و بكا له‌ دام و ده‌زگایه‌یل و سزاى گه‌ناته‌كاره‌یل بیه‌یدو ده‌سڵات دادوه‌رى بتویه‌نید سزایان بیه‌ید.

گۆران شاخه‌وان

ج . أ