چه‌ته‌یل عراقى!

شفق نيوز

بازرگانى وه‌چشت قه‌یه‌غه‌كریاگ كردنه‌.

له‌و وه‌ختیشه‌ كه‌ره‌سه‌یل بیهوشكه‌ر قه‌یه‌غه‌ بوى و ئه‌وه‌ك بازرگانى وه‌پیه‌و بكردیاد تویه‌نستیاد تاوانه‌یل تر ئه‌نجام بیاتاد. ئنجا وه‌رچه‌ چه‌ن رووژیگ براده‌ریگم له‌شار فینكس له‌ئه‌ریزۆن ئه‌مریكى هه‌واڵیگ ره‌سانه‌پیم له‌بان مه‌ردمانیگ عه‌ره‌ب وه‌ئه‌نجامداین كاره‌یل چه‌ته‌یى له‌زانكۆى شاره‌گه‌و باس له‌شه‌رمه‌زارى و عه‌یبه‌ى ئه‌و رویاداگه‌ كرد ئه‌ڕام، ك خوه‌یشى ئه‌مریكیه‌و له‌بنه‌چه‌كه‌و عراقیه‌.

ئایا راده‌ى شه‌رمه‌زارى براده‌ره‌ ئه‌مكریكیه‌ عراقیه‌گه‌م چه‌نیگ بویه‌ له‌وه‌ختیگ هه‌واڵ جه‌نگ و مرافه‌كردن گه‌ورایگ له‌ولایه‌تیگ ئه‌ڵمانى له‌ناوچه‌ى میشنیش وه‌پى ره‌سیه‌ ك زوورم مه‌ردم نیشته‌جى شاره‌گه‌ بیگانه‌ن و له‌و جه‌نگ ومرافه‌ شه‌ش كه‌س زه‌خمدار و چوار له‌لیان حاڵه‌تیان مه‌ترسیداره‌؟

له‌هه‌واڵه‌گه‌ زیاتر ئاشكراى كرد ك هه‌رچه‌نى 20 سه‌یاره‌ى پۆلیس ره‌سینه‌سه‌ شوونه‌گه‌ ئه‌را كۆنترۆڵكردن بار ئاسایش له‌ناوچه‌گه‌، وه‌لى ئى رووژه‌گه‌ى تر جه‌نگیگ تر ده‌س وه‌پیكرد له‌ناونى دو خیزان و نزیكه‌ى 20 كه‌سیان له‌تى به‌شدارى كرد و 4 له‌لیان ك عومریان له‌ناونى 26 تا 73 ساڵان بوى زه‌خمدار بوین.

هه‌واڵه‌گه‌ زیاتر وت: پۆلیس ئه‌وه‌ ئه‌ڕاى ده‌ركه‌فتگه‌ ك ئى جه‌نگ ناونى ئى خیزانه‌یله‌ هووكار ئه‌وه‌سه‌ ك په‌یوه‌سه‌ بوینه‌سه‌ چالاكیه‌یل چه‌ته‌یله‌و ك ئه‌نجام تاوان ده‌ن، یه‌یش له‌وه‌ختیگ پۆلیس وشدارى دا پیان جاریگ تر جه‌نگ و مرافه‌ به‌رپا نه‌كه‌ن و له‌هه‌مان وه‌خت پۆلیسیش وه‌ ته‌واوى نه‌تویه‌نست زاڵ بووده‌ بان بار ئاسایش ك هه‌رچه‌نى كه‌سه‌یلیگیش له‌لیان ده‌سگیر كرد له‌و جه‌نگه‌. وه‌اى دى هه‌واڵه‌گه‌ ئاشكراى ئه‌وه‌ نه‌كرد ئه‌و خیزانه‌یله‌ چه‌ته‌ بوون یا چه‌ته‌ نه‌ون ك له‌ئه‌ڵمانیا نیشته‌جى بوینه‌ له‌وه‌خت رژیم وه‌رین تائیسه‌و ئایا شیوه‌ى ئه‌و تاوانه‌یله‌ ك ئه‌نجامى ده‌ن چوینه‌؟ ئایا ئه‌و تاوانه‌یله‌ چینایه‌تى یا ره‌گه‌زیه‌؟

ئنجا ئه‌گه‌ر ئه‌و خیزانه‌یله‌ تاوان ئه‌نجام ده‌ن له‌ئه‌ڵمانیا، ئایا ئه‌و ئه‌زموون ناوچه‌ییه‌ له‌وڵات دوچه‌مانه‌و جیواز كردنه‌سه‌ ئه‌ڵمانیا؟ یا هه‌ر له‌ورا هووكاره‌ى بوینه‌؟ یا كاریگه‌ر بوینه‌ وه‌و ژینگه‌ تاوانباریه‌ له‌و وڵاته‌؟

مه‌سه‌له‌ى په‌ره‌سه‌ندن كاره‌یل تاوانبارى ئه‌و چه‌ته‌و خیزانه‌یله‌ دیاره‌ وه‌گووره‌ى ئاڵشتكارى سیاسى و ئابوورى له‌وڵات ئه‌نجام گرتگه‌، یه‌یش له‌ حاڵه‌تیگ  ئه‌گه‌ر چه‌و بڕینه‌سه‌ چه‌ته‌یل ئه‌ڵمانیاو هووكاره‌ى كاره‌ بوینه‌، یا له‌وه‌ر نه‌یاشتن هه‌وه‌جه‌ى ته‌واو دارایى له‌وه‌ر خاتر ژیان و گوزه‌ران له‌وڵاتیگ ك پابه‌نده‌ وه‌ سستم سه‌رمایه‌دارى له‌ئداره‌ى ئابوورى.

وه‌ل ئه‌وه‌یشا گومان ناكه‌یم ك ئه‌و خیزان و چه‌ته‌یله‌ له‌ئه‌ڵمانیا له‌وه‌ر هس چینایه‌تى یا ڕه‌گه‌زى ئى كاره‌یله‌ ئه‌نجام بیه‌ن و ئه‌زموون جه‌نگ و مرافه‌و چه‌ته‌یى خوه‌یان له‌بان شیواز عراقى جیواز بكه‌نه‌ وڵات تازه‌یگ و په‌ره‌ وه‌پى بیه‌ن، وه‌لى ئى مه‌سه‌له‌ چووده‌و ئه‌را ره‌فتار ئه‌و كه‌سه‌یله‌ ك له‌و جووره‌ ژینگه‌یگ ژیه‌ن و زویتر له‌ژینگه‌یگ ژیانه‌ پڕ له‌ تون و تیژى و كیشمه‌كیش هووزایه‌تى.

 

هادى جله‌و مه‌رعى

ج