نوڕستن له‌كیشه‌ى كورده‌یل فه‌یلى وه‌ وژدانه‌وه‌ كرده‌وه‌یگ نیشتمانیه‌

شفق نيوز

نه‌كریه‌ن، چوینكه‌ دادگا له‌وه‌ر خاتر وه‌دیهاتن ئامانجه‌یل   دامه‌زریه‌یگ، ئه‌و ئامانجه‌یلیشه‌ نیایگه‌ دى وه‌بى جى وه‌جیكردن بڕیار.

دادگاى باڵاى تاوانه‌یل عراقى له‌ بڕیاریگى ك له‌ڕووژ 29 ته‌شرین یه‌كم 2010 ده‌رچى، ئه‌و تاوانه‌یله‌ ك ده‌رهه‌ق وه‌ كورده‌یل فه‌یلى ئه‌نجام دریا، وه‌ له‌ناوبردن وه‌جه‌م(جینۆساید) داره‌ى قه‌ڵه‌م. ئى بڕیاره‌ له‌ لایه‌نه‌یل ره‌سمى توایگ ئه‌نجام مه‌سه‌له‌ى ئه‌و قوربانیه‌ وه‌ وه‌ژدانه‌وه‌ بیه‌ن، وه‌لى جى داخه‌ هوچ گامناینیگ ره‌سمى نیه‌ له‌و مه‌یدانه‌وه‌ ته‌نیا قسه‌یل ره‌سانن یا ئعلامى نه‌وگ جویر بڕیاره‌یل تر ك دادگایه‌یل عراقى ده‌ریكرد. له‌یرا په‌ند و عبره‌ت ته‌نیا ئه‌وه‌ نیه‌ ك كاره‌ساته‌گه‌ وه‌ جینۆساید ناسریا، به‌ڵكوو ئه‌و گامه‌یله‌ چوین نریه‌ن له‌شوون بڕیاره‌گه‌ ئه‌را جى وه‌جیكردنى، له‌یرا بایه‌سه‌ له‌بان چین كورده‌یل فه‌یلى و ریكخریاگه‌یل كوومه‌ڵگاى مه‌ده‌نى په‌یوه‌ندیدار وه‌ باوه‌ته‌گه‌، ده‌سپیشخه‌ر بوون ئه‌را له‌وه‌رچه‌وگرتن مه‌سه‌له‌گه‌ ك یه‌كمجار له‌ڕوى نیشتمانى و له‌ڕیگه‌ى سازكردن كۆنگره‌یل له‌وه‌ر خاتر چوینیه‌تى و شیه‌وكردن ئه‌ڵگرتن گامه‌یل له‌شوون بڕیاره‌گه‌و دویه‌میش له‌وه‌ر خاتر گرینگى یا ئه‌همیه‌تداین وه‌ى چین زوڵملیكریاگه‌ ك ڕوى وه‌ڕوى دڕه‌نده‌ترین كاره‌سات و مامڵه‌ى نائنسانى و ناقانوونى بویه‌وه‌ له‌سه‌رده‌م رژیم رمیاگ و گه‌ردین له‌شوون ئه‌وه‌ك رووژ ده‌رچگن بڕیار رووژ هاوكارى بوى وه‌ل چین كورده‌یل فه‌یلیاو بیجگه‌ ئه‌وه‌یش گامناین وه‌ره‌و مه‌یدان جه‌هانى ئه‌را شیه‌وكردن ونیشانداین ئه‌و زوڵمه‌یله‌ له‌ڕى په‌یوه‌ندیكردن وه‌ ریكخریاگه‌یل ناوده‌وڵه‌تى و له‌وه‌رجه‌ گشتیانیش ملله‌ته‌یل یه‌كگرتگ و یه‌كێتى ئۆرپاو پاپاى فاتیكان و لایه‌نه‌یل تر كوومه‌ڵگاى مه‌ده‌نى.

ئه‌گه‌ر هه‌ركه‌سیگ بڕیار دادگاى باڵاى تاوانه‌یل و ئه‌و كاره‌ساته‌ ك ده‌رهه‌ق وه‌ كورده‌یل فه‌یلى ئه‌نجام دریا وه‌ له‌ناوبردن وه‌جه‌م نیه‌زانیگ، ئه‌وه‌ بیگومان غه‌ڵه‌ته‌و تاوانباره‌، ئى باوه‌تیشه‌ نه‌ك ته‌نیا هه‌ر كورد، به‌ڵكوو گشت چینه‌یل كوومه‌ڵگایش گرته‌وه‌ له‌ى عراقه‌ ك رژیم رمیاگ سته‌م فره‌یگ له‌لیان كرد و بایه‌سه‌ دوباره‌ نه‌وگه‌وه‌ له‌ئاینده‌. ئیسه‌یش بایه‌سه‌ له‌بان كورده‌یل فه‌یلى ڕزه‌یل خوه‌یان ریك بخه‌ن و ڕى نه‌یه‌نه‌ هویچ لایه‌نیگ  بازرگانى وه‌ كیشه‌گه‌یان بكه‌ن. بیجگه‌ ئه‌وه‌یش بایه‌سه‌ ئه‌وه‌ بزانیم ك كورده‌یل فه‌یلى به‌ش گرینگیگن له‌ پیكهاته‌ى كوومه‌ڵگاى عراقى.